Cushilla ali causangapaj alipacha consejocuna
RANI * shuti huarmiguca cashnami nin: “Ashtaca guerracuna, pobre gentecuna, enfermedadcunapash tiajta ricushpa, shinallata huahuacunatapash maltratajta ricushpaca, ñucaca ninandami llaquirini. Pero cunanga jipa punllacunapi ali causaigu tianata yachashpami, cushilla sintirini”.
Rani shuti huarmiguca solo Taita Dioslla ali causangapaj alipacha consejocunata cui ushashcata yachashpami, paica tranquila sintirishpa ali causai callarirca. Cai revistata liishpami cai cati yuyaicunapi Taita Dios imashina ayudajta ricupangui:
¿Imashinata familia ucupi cushilla causaita ushapanchi?
¿Imashinata shujcunahuan cushilla causaita ushapanchi?
Ñucanchi charishca cosasgucunahuan cushilla causangapaca ¿imatata rurana capanchi?
¿Imashpata sufrishpa, jipamanga huañunchi?
Jipa punllacunapica ¿imashinashi causashun?
Taita Diospaman quimiringapaca ¿imata ayudanga?
Shinallata cai revistapica Taita Diospa ali consejocuna tucui gentecunapa ali cashcatami ricupangui.
^ párr. 2 Shuticunata cambiashcanchimi.
