Aparatocunatalla utilizashpaca ¿imashi ñucanchi amigocunahuanga pasanga?
Cunan punllacunapi tecnología ashtacata avanzashcamandami, cunanbica caru llactamanda gentecunahuanbash comunicarita ushapanchi. Chaimandami cunanbi gentecunaca tecnologiataca ashtacata utilizan.
Pero shinapash amigocunahuanlla comunicaringapa utilizajcunaca, huaquin problemacunatami charita ushan. Por ejemplo:
-
Paicunapa amigocunataca ñana considerashpa tratan.
-
Paicunalla sintirishpa llaquilla sintirin.
-
Solo paicunapilla pensarin.
CAITAMI YACHANA CAPANGUI
CONSIDERASHPA TRATANA
Gentecunata considerashpa tratangapaca, primeroca paicuna imashina sintirijta intindingapami esforzarina capanchi. Pero si solo redes socialescunapilla mensajecunata liishpa y cachajushpaca, gentecunata considerashpa ali trataitaca na ushashunllu.
Tecnología ñucanchi causaita controlajpica, amigocunapa mensajecuna chayajpipash contestana cashcamandallami contestashun. Chaimandami ñucanchi amigo ayudata minishtijujtaca na cuenta japishun.
CAIPI YUYAPAI: Internetpi amigocunahuan parlajushpaca ¿imashinata paicunata considerashpa ali tratai ushapangui? (1 PEDRO 3:8).
SOLOLLA SINTIRINA
Estudiashca gentecunaca ninmi que ashtaca gentecuna shuj rijsishca red socialman yaicushpa, chaipi ashtaca tiempota yalishca jipa llaquilla sintirishcata. Shinallata ninbashmi que si shuj gentecunapa fotocunatalla, comentariocunatalla ricunchica, “ñucanchipa causai na paicunapashna cashcamanda llaquilla sintiri ushashcata”.
Gentecuna cushilla, ali yalinajuj fotocunatalla ricushpaca paicunahuan compararishpami, ñucapa causaica aburridomi can yashpami talvez pensaita ushapanchi.
CAIPI YUYAPAI: Redes socialesta utilizajushpa shujcunahuan ama compararingapaca ¿imatata rurana capangui? (GÁLATAS 6:4).
ÑUCANCHIPILLA PENSARINA
Shuj profesoraca ninmi, huaquin estudiantecunamandaca huaquingunaca paicunapillami pensarin. Shinallata imapash favorta rurachun munajpillami amigocunapaman quimirin nishpa. Shina gentecunaca paicunapilla pensarimandami shina ruran. Chaimandami paicunapa amigocunahuanga paicuna munashcata ruran.
CAIPI YUYAPAI: Quiquin internetpi churashca cosascunaca, ¿quiquin shujcunata yali cashcatachu ricuchin? (GÁLATAS 5:26).
CAITAMI RURAITA USHAPANGUI
APARATOCUNATA ALIGUTA UTILIZANA
Aparatocunata o internetta aliguta utilizashpaca amigocunahuan comunicarishpami paicunahuanbash ashtahuan ali llevarishun.
BIBLIAPICA NINMI: “Juyaita charishpaca, [...] na paipajlla alita mascanllu” (1 CORINTIOS 13:4, 5).
Imata pactachingapaj munashcata, señalapai o denoca quiquin imata rurangapaj munashcata escribipai:
-
Mensajecunata cachanapa randi, chai personahuan ñavi ñavi parlana.
-
Shujcunahuan parlajushpaca, celularta silenciopi churana.
-
Asha tiempotalla redes socialescunata utilizana.
-
Shujcunata aliguta uyana.
-
Llaquita apajuj amigota o amigata cayana.
Cai temacunata ashtahuan liipai
JOVENGUNAPA TAPUICUNA
Internetpi fotocunata churajushpaca ¿imacunamandata cuidarina cani?
Internetpi fotocunata churangapaj programacunaca amigocunamanda, familiacunamanda yachangapami ayudan. Shinapash huaquin peligrocunamandami cuidarina cangui.
