¿Gentecunaca familiata respetanllu?
¿IMAMANDATA FAMILIATA RESPETANACA IMPORTANTE CAN?
Familiapura respetarishpaca cusapash, huarmipash y huahuacunapashmi ali, seguro sintirin.
-
Siete reglas de oro para vivir en pareja nishca libropica ninmi, cusapash huarmipash respetarishpaca, “jatun cosascunapipash, uchilla cosascunapipashmi” juyarishcataca ricuchin ninmi (traducción de Sonia Tapia Sánchez).
-
Huaquin investigacionguna nishcashnaca, shujcunata respetanata yachaj huahuacunaca, paicunallatami ashtahuan seguro sintirin, taitamamacunahuanbash alimi llevarin y na yapa problema emocionalcunatapash charinllu.
¿IMATATA RURAI USHAPANGUI?
Imata ruranataca quiquinba familiahuanmi parlarina capangui. Primeroca, respeto ima cashcataca alimi intindina capanguichi. Segundo, familiapi cada uno imata rurana cashcata, imashina comportarina na ali cashcatami escribina capanguichi. Tercero, respetota ricuchingapaj tucuilla familia imata rurana cashcatapashmi parlarina capanguichi.
Ali ejemplotami ricuchina capangui. Cashnami pensarita ushapangui: “Ñucapa familia imapipash pandarijpica ¿criticana costumbretachu charipani? ¿Imata nijpipash burlarinatachu yachani? Paicuna parlanajujpica ¿ñucarachu parlai callarini o na uyaj tucunatachu yachani?” nishpami tapurina capangui. Yaripangui, quiquinda respetachun munashpaca quiquinrami respetana capangui.
Caita rurapai: Respetachun miricinmi o na miricinllu yashpapash familiataca respetohuanmi tratana capangui.
Na de acuerdo cashpapash respetohuanmi tratana capangui. “Canga siempremi...” o “Canga nunca…” nijunaca nalichu can. Shina nishpaca quiquinba familiatami nali sintichijungui y uchilla problematami ashtahuan mirachingui.
¿IMATATA TESTIGO DE JEHOVACUNACA RURANAJUNCHI?
Testigo de Jehovacunaca familia entero respetohuan tratarichunmi yachachipanchi. Respetarinatami ñucanchi librocunapi, folletocunapi, videocunapipash yachachipanchi. Caicunataca gratismi ricuita y charitapash ushapangui.
CUSAHUARMICUNAPA: “Familiacunata ayudangapaj” temacunaca cusahuarmicunataca caicunapimi ayudan...
-
... aliguta uyashpa parlarichun.
-
... ama risintirishpa upalla purijuchun.
-
... ama pliturinajuchun.
(Internetpi jw.org paginaman rishpa “Familiacunata ayudangapaj” partepi mascapangui).
TAITAMAMACUNAPA: “Familiacunata ayudangapaj” temacunaca taitamamacunata paicunapa huahuacunaman caicunata yachachichunmi ayudan...
-
... cazuchun.
-
... huasipi ayudachun.
-
... “por favor”, “pagui” nichun.
(Internetpi jw.org paginaman rishpa “Huahuacunata ali viñachina” o “Solteroyanajuj huahuacuna” parteta mascapangui).
Shinallata Lo que los jóvenes preguntan. Respuestas prácticas (volumen 1) libropi, “Los padres preguntan” apendiceta ricupangui. (Internetpi jw.org paginaman rishpa “Los padres preguntan” temata mascapangui).
JOVENGUNAPA: jw.org paginapi “Jovenguna” nishca partepica jovengunata ayudangapami, temacuna, videocuna, actividadcunapash tian. Chaicunaca caicunapimi ayudan...
-
... taitamamacunahuan, huauquipanicunahuan ali llevarichun.
-
... taitamamacuna imata mandajpipash paicunahuan respetohuan parlachun.
-
... taitamamacuna paicunapi confiachun.
(Internetpi jw.org paginaman rishpa “Jovenguna” temata mascapangui).
jw.org paginaca gratismi can. Chai paginaman yaicungapaca na paganachu capangui, ni suscribirina ni registrarina na capanguichu. Ni quiquinba datocunatapash na mañangachu.
