Huata 2019​pi Villajun revistapi llujshishca temacunata yaringapaj

Isaías 54:17​pi shimicunaca ¿imashinata Jehovapi confiachun ayudan?

Imacunahuanbash llaquichingapaj munajpipash, Jehová Diosca ñucanchita cuidangami (Is. 25:4, 5). Contracuna ñucanchita llaquichishpa catitaca na ushangachu (w19.01, págs. 6, 7).

Cananeocunata, israelitacunataca ¿imashinata Jehová Diosca imatapash alita ruraj cashcata ricuchirca?

Huainayajcunata, viudacunata, taita illaj huahuacunatapash ninanda llaquichijcunataca Jehová Diosca ninandami llaquichirca. Cutin Jehovapa mandashcacunata cazuj, alita rurajcunataca ninandami bendiciarca (w19.02, págs. 22, 23).

Shuj na Testigo mañajujpica ¿imatata rurana capanchi?

Upalla quedana, na “shina cachun” nina, maquimandapash na japirishpami paicunataca respetashcata ricuchipanchi. Chaipa randica shungu ucupillami ñucanchi propio mañaita rurana capanchi (w19.03, pág. 31).

Huahuacunata violanaca ¿imashinata llaquichin?

Huahuatami ninanda llaquichin. Congregaciondami pingaipi saquin, autoridadcunata na cazujushcatami ricuchin, chai jahuapash Jehovapa ñaupajpica nalipachami ricurin. Huahuacunata violashcata uyashpaca ancianocunaca leycunata cazushpami denuncianalla can (w19.05, págs. 9, 10).

Ñucanchi yuyaitaca ¿imashinata cambiai ushapanchi?

Cai quimsa yuyaicunatami pactachina capanchi: Jehovata mañana, Bibliata liishcapi pensarina, ali amigocunata charina (w19.06, pág. 11).

Nara catiriashpa llaquichijpillata ¿imatata yarina capanchi?

Jehovahuanmi ali amigo cangapaj, pai ñucanchita juyaimanda ayudanata seguro cangapaj esforzarina capanchi. Bibliata cada punlla liina, Jehovata mañanapash minishtirishcami can. Jehovapa Gobierno imata carasha nishcapash pactarinataca seguromi cana capanchi. Ñucanchi gushtashca textocunata, canticocunatapash de memoriami yachajuna capanchi (w19.07, págs. 2-4).

Ñucanchi familiacuna Bibliamanda yachajuchunga ¿imashinata ayudana capanchi?

Paicunapi pensarishpami paicunata intindishcataca ruraicunahuan ricuchina capanchi. Shinallata na ñapash culirashpa, aligumanmi parlana capanchi (w19.08, págs. 15-17).

Mateo 11:28​pi nishca shinaca ¿imashinata Jesusca ‘samachinshna’ ayudajushca?

Ancianocunata, villachingapaj ali cumbacunata cushpa, villachinahuanbashmi ayudajushca (w19.09, pág. 23).

Jehová Diosca ¿imashinata ayudan? (Filip. 2:13, NM).

Bibliata liijpi, chai liishcapi pensaringapaj tiempota llujchishpa Jehovapa munaita pactachingapaj munajpica Jehovallatami chai munaita pactachichun ayudan. Fuerzata cushpa, imata rurachunbash paipa espíritu santota cushpapashmi ayudan (w19.10, pág. 21).

¿Imatata nara decidishpallata rurana capanchi?

Cai 5 yuyaicunata: Ali yachaita carahuai nishpa Jehovata mañana, imata decidigrijushcata ali intindina, imamanda rurangapaj munashcata, imatapacha ruragrijushcata yachana, imata rurai ushashcata, imata na rurai ushashcata yaipi charina (w19.11, págs. 27-29).

¿Eva huañushca jipaca paipa alma causashpa catircarachu?

Na. Diabloca Eva huañushpaca paipa cuerpolla huañunataca na nijurcachu. Eva huañunatami nijurca. Almaca na huañunllu nishca panda yachachishcacunaca Jatun Manllanayai Tamia punlla jipami tiai callaririanga. Babel llactapi Jehová Dios gentecunata nara ‘caiman chaiman’ separajpillatami, chai gentecunaca almaca na huañunllu nishpa crin carca (w19.12, pág. 15).