Deuteronomio 22:25-27​pica cai jari shuj huarmiguta violashca jahuapash huainayana juchapi urmashcatami ricuchin. Shinallata chai huarmigu na culpata charishcatapashmi cai leyca ricuchin. Caita ashtahuan intindingapaca Deuteronomio 22:25-27​ta nara liishpallata, jahua lado versocunatarami intindina capanchi.

Deuteronomio 22:25-27​pa jahua lado versocunapica cazarangapaj ari nishca shuj huarmi, “pueblopi” shuj jarihuan juchapi urmashcamandami parlajun. Chai tiempocunapica cazarangapaj ari nishca huarmicunataca ña cazarashcatashnami ricun carca. Chaimi chai jaritaca huainayana juchapi urmashca nishpa culpan carca. Shinapash chai huarmitaca ¿imatata ruran carca? Chai huarmica ‘pueblopi’ cashcamandaca ayudahuai nishpa, caparinallami carca. ‘Na caparishcamandami’ paipash huainayana juchapi urmashcamanda culpable carca. Chaimi ishcanditallata huañuchina carca (Deut. 22:23, 24).

Moisesman cushca Leypica caimandapashmi parlajurca. Chaipica nijurcami: “Cazarangapaj ari nirishca shuj cuitsata, pambapi shuj runa tuparishpa, munai na munai paihuan siririshpaca, chai cuitsahuan siririj runallami huañunga. Ashtahuangarin cuitsataca, imatapash na ruranachu. Paita huañuchingapaca, ima nalitapash na rurashcachu. Maijan cashpapash, paipaj cumba runaguta fiñashpa huañuchinshnami, caipica tucun. Cazarangapaj ari nirishca chai cuitsa pambapi pailla cajpimi, munai na munai japijpi ninanda caparijpipash, paita mitsangapaca pipash na tiarca” nishpa (Deut. 22:25-27).

Cashna pasajpica juezcunaca cazarangapaj ari nishca huarmigutami crin carca. Chai huarmigu ‘ninanda caparijpipash, paita mitsangapaca pipash na tiashcangachu’ nishpami juezcunaca pensarishcanga. Chaimi cai huarmiguca huainayana juchapica na urmashcachu nin carca. Cutin jarica chai huarmiguta munai na munai violashca jahuapash huainayana juchapimi urmashca nin carca.

Moisesman cushca Leypica violadorlla huainayana juchapi urmashcata, chai huarmigu na culpata charishcatapashmi ricuchin carca. Juezcunaca pitapash culpangapaca Jehová Dios mandashcashnami ali ali tapuchishpa, ali decidin carca. Chaita ricushpami juezcuna ali decidishcata confiai ushapanchi (Éx. 20:14; Deut. 13:14; 17:4).