Bibliaca ¿imatata Diospa Reinomanda o Gobiernomandaca yachachin?
Jesusca paipa catijcunataca cashna mañachunmi yachachirca: “Jahua pachapi tiajuj ñucanchi Taitalla, cambaj jucha illaj shutiguca, alicachi tucushca cachun. Can mandanaca, ucha chayamuchunmi munanchi. Imashnami jahua pachapica can munashcashna ruranajun, chashnallata cai pachapipash, can munashcashna ruranajushpami ali canman” nishpa (Mateo 6:9, 10). Diospa Gobiernoca ¿imata can? ¿Imatata rurajun? ¿Imamandata Diospa Gobiernomandapash mañana capanchi?
Diospa Gobiernopica Jesusmi Rey shina mandajun
Lucas 1:31-33pica ninmi: “Jesús shutita shutichingui. Paica, ninan ushaita charijmi canga. Paitaca: ‘Jahua pachapi causajuj Diospaj Churimi cangui’ ninajungami. Mandaj Taita Diosca paimanmi, paipaj ñaupa taita David mandashpa tiajushcataca cunga. Paimi, Jacobopaj mirai israelcunataca, causaita causaicaman mandajunga. Pai mandanaca, napacha tucuringachu nijurcami”.
Jesusca Taita Diospa Gobiernomandami villachirca
Mateo 9:35pica ninmi: “Jesusca, tucui pueblocunapi uchilla llactacunapi purijushpami, tandanajuna huasicunaman yaicushpa yachachijurca. Dios mandajuj ali villaitapashmi villajurca. Shinallata tucui nanaihuan, tucui ungüihuan huañujuj gentecunatapashmi, chai llactapica alichijurca”.
Diospa Gobierno imahora shamunata yachachunmi Jesusca ima pasanata paipaj catijcunaman villarca
Mateo 24:7pica ninmi: “Shuj llactapi mandajcunahuan, chaishuj llactapi mandajcunahuanmi macanajunga. Llactacunata jatun mandaj puracunapash macanajungami. Shinallata jatun ungüicunapash, ninan yarjaipash, alpa mama cuyushpa tucuchijuipash, shuj shuj llactacunapimi tianga”.
Jesusta ali catijcunaca Diospa Gobiernomandami tucui cai alpapi villachinajun
Mateo 24:14: “Taita Dios mandajujmanda cai ali villaitaca, cai pachapi tiaj tucui llactacunapi causajcuna yachachunmi villanajunga. Chai jipami, tucurimuica chayamunga”.
Cai temacunata ashtahuan liipai
BIBLIAPA TAPUICUNA
Taita Diospa Gobiernoca ¿imata can?
Imamanda Taita Diospa Gobierno cai alpapi tiashca gobiernocunata yali cashcata ricupai.
BIBLIAMANDA HUAQUIN YACHACHISHCACUNACA
Taita Diospa Reinoca ¿imata can?
Jesús cai Alpapi cashpaca ashtahuanbachaca Diospa Reinomandami gentecunamanga parlarca. Ashtaca tiempotami gentecunaca Taita Diospa Reino shamuchun mañanajun.
