DANIEL Y MIRIANGA septiembre de 2000 huatapimi cazararca. Paicunaca Barcelona-España llactapimi ali causanajurca. Danielca ninmi: “Trabajopica alimi ganan carcanchi. Chaimandami ali restaurantecunapi micun carcanchi, shuj llactacunaman puringapaj rin carcanchi, ali ropacunata churajun carcanchi. Villachingapapash siempremi llujchin carcanchi” nishpa. Shinapash ¿imata pasarca?

Danielca 2006 huatapimi, shunguman chayajta shuj ali discursota shuj jatun tandanajuipi uyarca. Chai discursopica tapurcami: “‘Huañuchi tucunallapi purijcunapash’ salvarina ñanbi purichunga ¿tucui shunguhuanllu esforzarinajunchi?” nishpa (Proverbios 24:11). Chai discursopica yachachijurcami, ali villaicunata villachijpimi gentecunaca salvarita ushanga nishpa (Hechos 20:26, 27). Danielca ninmi: “Jehová Dios ñucahuan parlajujpishnami sintirircani” nishpa. Chai discursopica nijurcapashmi, Jehová Diosta ashtahuan sirvingapaj esforzarijcunaca ashtahuan cushillami causan nishpa. Danielca, paipa huarmi precursora caimanda cushijushca cajta ricushpami, chai shimicunaca ciertomi can yarca.

Chai discurso shunguman chayajpimi Danielca cambiangapaj munarca. Ashalla horascunata trabajashpami precursor tucurca. Shinallata pensarircami, villachichun minishtijuj pushtupi sirvingapaj rishpaca, ñuca huarmiguhuanga ashtahuan cushillami causashun nishpa.

Mayo de 2007pica, paicunapa trabajocunata saquishpami, paicuna ña rijsishca Panamá llactaman rirca. Paicunaca mar Caribe nishcapa, Bocas del Toro nishca uchilla huaquin islacunapimi villachin carca. Chaipi ashtaca gentecunaca ngäbe nishca runa gentecunami can. Daniel y Miriamga, ahorrashca culquihuan 8 quillacunata chaipi sirvingapami munarca.

Islacunamanga barcocunapi, bicicletacunapimi rin carca. Shuj viajeca, cunuj cunuj punllata bicicletapi lomacunaman carullata vichai rishpami, Danielca shaijuimanda casi desmayarca. Shinapash, ngäbe nishca gentecunami paicunataca ayudarca. Paicunapa shimipi huaquin shimicunata yachajushpa parlajpicarin, ashtahuan cushillami paicunataca tratan carca. Asha tiempopillami, 23 gentecunaman Bibliamanda yachachinajurca.

Ahorrashca culqui tucurijpica ¿imata pasarca? Danielca ninmi: “Españaman tigranata pensarishpaca huacanayanmi carca. Bibliamanda yachajunajuj gentecunata saquinataca llaquinayarcami” nin. Shinapash shuj quilla jipaca, shuj ali noticiatami chasquirca. Miriamga ninmi: “Precursor especialcuna cachun invitajpimi, chaipi quedanata yachashpa ashtacata cushijurcanchi” nishpa.

Ñucanchi organizacionbi huaquin cambiocuna tiashcamandami, Daniel y Miriamga 2015 huatapi precursor especialcuna canata saquina tucurca. ¿Imatata paicunaca rurarca? Paicunaca Salmo 37:5pa shimicunapimi confiarca. Chaipica ninmi: “Cambaj causaitaca, Mandaj Diosman mingai. Paitalla yariashpa causai. Paica, imata cashpapash rurangallami” nishpa. Shinami paicunaca, shuj trabajota tarishpa precursor regularcuna tucurca. Cunanga, Veraguas-Panamá llactapa shuj congregacionbimi sirvinajun.

Danielca ninmi: “Nara Españamanda rishpaca, minishtirishca cosascunahuanlla causaitaca na ushashunllu yarcanchimi. Cunanbi ricujpica, na imapash faltashcachu” nishpa. Paicunaca ninmi: “Ali shungu gentecuna Jehová Diosta rijsichun ayudashpami, jatun cushijuita charishcanchi” nishpa.