¿Imashinata huañuica tucuringa?
ANDABASH, Evapash juchata rurashcamandami juchapash, huañuipash gentecunaman yalichishca. Shina pasajpipash Taita Diospa munaica na cambiashcachu. Bibliapimi Taita Diospa munai na cambiashcata ricuchijun.
-
‘[Alitalla] rurajcunami, llactataca [o alpataca] japinga. Chaipica, causaitami causanajunga’ (Salmo 37:29).
-
“Huañuitapash, causaita causaicamanmi tucuchinga. Mandaj Jatun Diosca, tucuicunapaj ñavimandami viquita fichanga” (Isaías 25:8).
-
“Tucuripi tucuchi tucuna fiñaj [o contraca] huañuimi” (1 Corintios 15:26).
-
“Huañuipash, huacaipash, llaquipash, nanaipash, na ashtahuan tiangachu” (Revelación [Apocalipsis] 21:4).
Huañuita tucuchingapaca ¿imatata Taita Diosca ruranga? Imashinami Bibliapica nin: ‘[Alitalla] rurajcunami, llactataca [o alpataca] japinga’ nishpa. Shinapash Bibliapica ninmi: “Alitalla ruraj ima horapash juchata na ruraj runaca, shujllapash napacha tianllu” nishpa (Eclesiastés 7:20). Shina nishpaca ¿tucuicuna para siempre causachun Taita Diospa mandashcacunata cambianatachu ningapaj munan? Na, na chaita ningapaj munanllu. Taita Diosca “Na llullaj Taita Diosmi” can (Tito 1:2). Shinaca Taita Diosca paipa munaita pactachingapaca ¿imatata ruranga?
TAITA DIOSCA “HUAÑUITAPASH, CAUSAITA CAUSAICAMANMI TUCUCHINGA” (ISAÍAS 25:8).
ÑUCANCHICUNATA HUAÑUIMANDA SALVANGAPACA ¿IMATATA TAITA DIOSCA RURARCA?
Juyaimandami Jehová Diosca gentecunata juchamanda huañuimanda salvangapaca paipa Churita cachamurca. Bibliapica pitapash salvana nishpaca imapash dañushcata paganata o juezcuna imata ruranata mandashcata ruranatami ningapaj munan. Shinaca imapash dañushcata pagashpaca chaitallatami pagana can. Tucui gentecunaca juchayucuna caimandami huañuna canchi. Caimanda parlashpami Bibliapica cashna nin: “Chaicunahuanga, imahuanllapash shuj huauquita quishpichitaca, napacha ushangachu. Pai quishpiringapajpash Taita Diosman cuitaca na ushangachu. (Causaita quishpichingapaca, ashtacapacha valishcami. Chaitaca, imata cushpapash ima horapash na ushangachu)” nishpa (Salmo 49:7, 8).
Juchayuj runa huañushpaca paipa propio juchacunamanda pagashcashnami can. Shinapash paillata salvaritaca na ushanllu. Shinallata shujcunapa juchacunamandapash na huañuita ushanllu (Romanos 6:7, MTQI ). Chaimi shuj jucha illaj runa shujcunapa juchamanda huañuchun minishtirirca (Hebreos 10:1-4).
Chaitallatami Taita Diosca rurarca. Taita Diosca paipa Churi Jesustami jahua cielomanda cai alpaman cachamurca. Jesusca jucha illajmi carca (1 Pedro 2:22). Jesusca nircami: “Ñuca huañushpa quishpichingapajmi shamurcani” nishpa (Marcos 10:45). Jesusca huañuita mishangapaj, ñucanchicuna para siempre causai ushachunmi huañurca (Juan 3:16).
¿IMAHORATA HUAÑUICA TUCURINGA?
Cunanbica ninan llaqui punllacunapimi causanajupanchi. Bibliapi nishcashnaca cai nali mundopa ‘tucurimui punllacunapimi’ causanajupanchi (2 Timoteo 3:1). Cai tucurimui punllacunaca Taita Dios ‘paita na cazujcunata tucuchina’ punllapimi tucuringa (2 Pedro 3:3, 7, MTQI ). Shinapash Taita Diosta juyajcunaca Taita Diosta na cazujcuna tucuchina punllapica salvaringami. Shinallata paicunaca ‘causaitami causanga’ (Mateo 25:46).
Jesusca pai ‘huañushpa quishpichingapajmi shamurca’ (Marcos 10:45).
Shinallata ashtaca ashtaca huañushca gentecuna causarishpaca para siempremi causaita ushanga. Jesusca huañushcacunata causachitaca ushanmi. Naín llactaman Jesús rishpaca shuj viuda huarmiguta ninanda llaquimandami chai huarmigupa shujlla churiguta Lucas 7:11-15). Apóstol Pabloca nircami: ‘Imatapash [alita] rurajcuna, imatapash [nalita] rurajcuna huañushcatapash Taita Dios causachinatami cushijushpa shuyajuni’ nishpa. Cai shimicunaca Taita Dios gentecunata ninandapacha juyaimanda huañushcacunata causachinatami ningapaj munan (Hechos 24:15).
causachirca (Ashtaca ashtaca gentecunaca para siempremi causaita ushanga. Bibliapica ninmi: ‘[Alitalla] rurajcunami, llactataca [o alpataca] japinga. Chaipica, causaitami causanajunga’ nishpa (Salmo 37:29). Chai shimicuna pactarijpica ñucanchicunapashmi apóstol Pablo nishca shina cashna cushilla nita ushashun: ‘Huañui, ¿maipita can tujsishpa huañuchinaca?’ Huañui ‘¿imashnata mishai ushanguiyari?’ nishpa (1 Corintios 15:55). Shinami gentecunapa contrashna caj huañuica tucuringa.