Ashtaca huauquipanicunaca reuniongunapi yachajuna temacunata yachajungapaca JW Library^® aplicaciondami utilizan. Chai aplicacionda utilizashpa cada semana yachajuna temacunaman directo yaicui ushashcamandaca ninandami cushijun. Shinapash Villajun revistapica Jehová Diosta aliguta sirvishpa catingapaj ayudaj shuj temacunapashmi tianata yachan. Chai temacunamandapashmi beneficiaringapaj munapanchi. Shinaca ¿imashinata chai temacunataca tarita ushapanchi?

• Villajun revistapa cada semana yachajuna temacuna ricurishca partepi, ura ladopica “Otros artículos” nishca shimicunami ricurin. Chai partepimi “Contenido de este número” shimicunapash ricurin. Chaipi llapishpaca chai revistapi tucuilla temacunami ricuripanga. Chaipica tandanajuipi yachajungapaj temacuna ricurishca jahuapash, caishuj temacunapashmi ricuringa. Maijan temata liingapaj munashcata agllashca jipaca, chai temapa titulopimi llapina capangui.

• Shinallata JW Library aplicacionba callari partepi, “Lo nuevo” nishca partepica tandanajuipi yachajungapaj chairalla llujshishca Villajun revistatami descargaita ushapangui. Chai descargashca revistapi ima temacunalla tiashcatami ricuita ushapangui. Shinami Villajun revistacunapi tucuilla temacunata liita ushapangui.