Ñucaca 22 de diciembre de 1929​pimi Noville pushtupi nacirircani. Cai pushtuca Bélgica llactapimi carca. Ñucapa cati Raymond huauquihuanga, cada punllami huagracunapa lecheta capin carcanchi. Y cosechana tiempo chayamujpica cosechashpami ayudan carcanchi. Ñucanchi causanajushca llactapi gentecunahuanga randimandami ayudarishpa causan carcanchi. Cai pushtupi ñuca taitacunahuan imashina causashcata yarishpaca cushillami sintiripani.

Ñuca taitacunaca catolicocunami carca. Chaimandami cada domingo misaman rin carca. Huata 1939​pica, Inglaterra llactamanda precursorcuna shamushpami ñuca taitamanga Consolación nishca revistata ofrecirca. Cai revistataca cunanbica Rijcharipaichi nishpami rijsipanchi. Ñuca taitaca cai precursorcuna Bibliamanda cabalta yachachinajujta cuenta japishpami Bibliamanda yachajui callarirca. Primerolla horascunaca ñucanchi vecinocunaca alimi can carca. Pero ñuca taita misaman rinata saquijpica ninandami contrarca. Cai vecinocunaca ñuca taita misaman rinata ama saquichun convincingapami munarca. Pero paicunata na cazushcamandami huaquin viajecuna fiñanajun carca.

Cai vecinocuna ñuca taitata ninanda llaquichijta ricushpaca ñucaca ninandami llaquirin carcani. Ñajani parlashca oraciondaca cai situacionda charijuj horascunami mañarcani. Cai vecinocuna asha asha ali tucujta ricushpaca tranquilomi sintirircani. Caita ricuimandami Jehová Diosca ñucanchi mañaicunata ciertopacha uyan cashcata seguro quidarcani.

10 de mayo de 1940 huatapimi Alemania nazi nishcacunaca Bélgica llactataca atacarca. Chaimandami Bélgica llactamandaca ashtaca gentecuna pacajushpa llujshina tucurca. Ñuca familiahuanga Francia llactapa sur ladomanmi pacajushpa rircanchi. Shina pacajushpa rinajushpami, Alemaniamanda y Franciamanda  soldadocuna ninanda macanajunajujhuan tuparircanchi.

Tiempohuan Bélgica llactaman tigrajpica ñucanchi tucui charishca cosasgucunata shuashcatami ricurcanchi. Ñucanchi alcugullami chaipi cashcarca. Cai tucui llaquicunata ricushpaca “¿Imashpata guerracuna y ashtaca ashtaca llaquicuna tian?” nishpami pensarircanchi.

Chai tiempopimi, Emile a shuti huauquiguca ñucanchita visitashpa ayudarca. Paica precursor y ancianomi carca. Cai huauquiguca imamanda llaquicuna tiashcatami Bibliahuan intindichishpa ayudarca. Shina ayudashcamandami Jehová Dioshuanga ashtahuan ali amigo tucurcani. Shinallata juyaj Taita Dios cashcatapash convincirircani.

Guerra nara tucurijpillatami, ñucanchi huauquipanicunahuanga cutin ashtahuan tandanajuita usharcanchi. Agosto de 1943 huatapimi José Nicolas Minet huauquiguca ñucanchi granjaman shamushpa shuj discursota curca. Discurso jipami huauquiguca: “¿Pita bautizaringapaj munanguichi?” nishpa tapurca. Chaimi ñuca taita, y ñucapash granja ladopi shuj riopi bautizarircanchi.

Diciembre de 1944 huatapica, Segunda Guerra Mundialtapash yalimi alemán soldadocunaca atacai callarirca. Cai guerraca Europa occidental nishca pushtupimi carca. Caitaca batalla de las Ardenas nishpami ashtahuanbachaca rijsirca. Chai pushtu ladopi causaimandami huasi alpa ucuman shuj cuartopi shuj quilla enterota pacajurcanchi. Shuj punllaca animalcunaman micunaguta carangapami llujshircani. Chai horaspipachami shuj jatun bombata cacharijpi animalgucunata pushtuna huasigupa tejataca tucuita tucuchirca. Chaipimi shuj soldadoca: “Alpaman cumuri” nishpa caparihuarca. Chaimi paipaman quimirishpa alpaman chutarircani. Cai soldadoca paipa cascota ñucaman churachishpami ayudahuarca.

Guerra jipaca, Lieja pushtumanda congregacionmanmi seguido tandanajuita usharcanchi. Cai pushtuca ñucanchi causanajushca pushtumanda 90 kilómetros carupimi carca. Tiempohuanga congregacionda callarichingapaj shuj uchilla grupotami Bastoña pushtupica callarichircanchi. Jipamanga administración de impuestos pushtupimi trabajai callarircani. Chaipi trabajashpandimi Derechos nishcata estudiajurcani. Jipamanga shuj  notariopa secretario shinami trabajai callarircani. Huata 1951​pimi Bastoña llactapi shuj asamblea de circuitota ruraparcanchi. Chai asambleamanga más o menos 100 personacunami rirca. Cai personacunamandaca Elly shuti shuj precursora panigupashmi carca. Cai paniguca cai asambleaman ringapaca 50 kilometrocunatami bicicletapi rirca. Cai paniguhuanga ñapash enamorarishpami cazarangapaj parlarircanchi. Ellyca Escuela de Galaadman ringapami shuj invitacionda chasquishcarca. Ellyca cai escuelamanga rita na ushagrinichu nishpami Jatun Betelman shuj cartata escribishpa cacharca. Chai tiempopica Knorr huauquigumi, Testigo de Jehovacunapa obrataca ñaupaman pushajurca. Cai huauquiguca jipamanga quiquinba cusaguhuan escuela de Galaadman rita ushanguimi nishpa aliguman explicarca. Ellyhuanga febrero de 1953​pimi cazararcanchi.

Chai huatapillatami ñuca huarmigu Ellyhuanga “Sociedad del Nuevo Mundo” nishca asambleaman rircanchi. Cai asambleaca Nueva York llactapa Yankees estadiopimi carca. Cai asambleapica shuj huauquigutami rijsircani. Paica Estados Unidospi trabajangapami rishun nihuarcami. Shinapash Jehovata mañashpami, chai trabajota na chasquinata decidishpa, Bélgica tigrarcanchi. Chaipica Bastoña pushtupi shuj uchilla grupoguta apoyangapami ñuca huarmigundi rircanchi. Shuj huata jipallami ñucanchicunaca shuj huahuaguta charircanchi. Pero 7 quillacuna jipallami shuj unguimanda ñuca huahuaguca huañuparca. Llaquillapacha caimandami ñucanchicuna imashina sintirinajushcata nishpa Jehová Diosta mañarcanchi. Paica huañushcacuna causarina esperanzata yarichishpami ayudashca.

Octubre de 1961​pica precursor shina sirvingapami medio tiempo trabajota tarircani. Chai punllallatami Bélgica llactapi sucursalmanda huauquiguca cayahuarca. Shina cayachishpami superintendente de circuito shina sirvi ushanguicha nishpa tapuhuarca. Chaimi superintendente de circuito shina nara sirvishpallata, precursor cangapami primero munapanchi nircani. Y 8 quillacunata precursores shina sirvi ushaparcanchi. Chai jipaca septiembre de 1962 huatapimi superintendente de circuito shina sirvi callarircanchi.

Octubre de 1964 huatapimi, Bruselas llactapi betelman ñucanchitaca invitarca. Betelpi sirvinajushcamandaca ashtaca bendiciongunatami charipashcanchi. 1965 huatapimi Bélgica llactapa Betelta huauqui Knorrca visitarca. Chai jipagullami siervo de sucursal shina sirvichun nombrahuarca. Jipamanga ñuca huarmigundi Escuela de Galaad clase 41man richunmi invitarca. Cai escuelaman rishpami punda huauqui Knorr cai escuelamanga ima horaca rita ushanguichimi nishcata yarircanchi. Graduarishca jipaca Bélgica llactapa Betelmanmi tigrarcanchi.

Abogado caimandami ashtaca huatacunata Europa llactapi y shuj pushtucunapipash testigo de Jehovacunata difindina bendicionda charipashcani (Filip. 1:7). Testigo de Jehovacunata shina difindinami más de 55 llactacunapi predicacionda prohibishca llactacunapa autoridadhuan parlana oportunidadta charircani. Cai llactacunapa autoridadcunahuan parlajushpaca, abogado shina ashtaca experienciata  charishcataca na ricuchinllu carcani. Chaipa randica “Taita Diosta sirvij” cashcatami ricuchin carcani. ‘Jatun mandajpaj shunguca, Mandaj Diospaj maquipica, uchilla larca yacucuna chaupirishpa rijunshnami. Paica, pai maiman munashcaman cachajta’ yachaimandami Jehová Diostaca siempre mañan carcani (Prov. 21:1).

Shuj viajeca Parlamento Europeo nishcamanda shuj personahuanmi parlarcani. Paihuan parlaita ushangapaca huaquin viajecunatami rircani. Y paihuan parlana oportunidadta charijpica paica: “5 minutogutallami parlaita ushanchi” nihuarcami. Shina nijpica chai ratomi Jehovata mañarcani. Shina rurajta ricushpami cai personaca imatata rurajungui nishpa tapuhuarca. Chaimi: “Quiquinhuan parlana oportunidadta charishcamandami Taita Diosta agradicijuni” nircanimi. ¿Imamandata shina nihuangui? nijpimi Romanos 13:4​ta ricuchircani. Cai personaca Bibliapa yachachishcacunataca respetohuanmi ricun cashcarca. Chaimandami paihuanga media horata ashtahuan parlaita usharcani. Shina parlanajushpami ñucanchi predicacionda respetashpa ricun cashcata parlahuarca.

Ashtaca huatacunatami Jehová Diosta sirvijcunaca Europa llactapica ñucanchi crishcacunata difindingapaj, huahuapa custodiacunamanda y impuestocunamandapash juiciocunata charishca. Cai casocunapi ayudana oportunidadta charimandami Jehová Dios imashina ayudajta ricupashcani. Testigo de Jehovacunaca más de 140 juiciocunatami Tribunal Europeo de Derechos Humanos nishcapi ganapashcanchi.

Cuba llactapi huauquipanicuna libre predicaita ushachunmi 1990 huatapica sede mundialmanda Philip Brumley, Italiamanda Valter Farneti huauquigundi trabajaparcanchi. Cuba llactapa embajadamanmi shuj cartata escribishpa cacharcani. Jipaca huauquipanicuna libre predicai ushachunmi cai pushtupi funcionariohuan tandanajurcani. Testigo de Jehovacunamanda panda yuyaicunata charishcamandami arreglangapami munarcanchi. Pero ñucanchita uyangapaca na munarcachu.

Jehovapa ayudahuanmi, Cuba llactapa autoridadcunapa permisohuanmi 5 mil Bibliacunata Cuba llactaman cachaita ushaparcanchi. Cai tucui Bibliacuna huauquipanicunaman chayashcamandami, Jehová ñucanchita ayudajushcata cuenta japiparcanchi. Chaimandami 27 mil 500 Bibliacunata ashtahuan cachangapaj permisota mañaparcanchi. Chai llactamanda tucui huauquipanicuna Bibliata chari ushashcamandami ninanda cushijupani.

Huauquipanicuna libre predicai ushachun ayudangapami Cuba llactamanga huaquin viajecunata rishcani. Chaimandami, chai llactapa autoridadcunahuanga ali llevarita ushapashcani.

1994 huatapica Ruanda llactapica ninan manllanai guerrami callarirca. Chaimandami más de un millón yali gentecunata huañuchirca. Chai guerrapica ashtaca huauquipanicunapashmi huañurca. Ñucanchi huauquipanicunaman minishtirishca cosasgucunata cachangapami uchalla shuj shuj cosascunata ruraparcanchi.

Ayudangapaj rishca huauquipanicuna Kigali pushtuman chayashpaca Oficina de Traduccionda y publicaciongunata alichina pushtupash ninanda disparai tucushcatami ricurca. Oficina de Traduccionbi sirvinajuj huauquipanicunaca ñucanchi huauquipanicunaca, machetecunahuanmi huañuchi tucurca nishpami villarca. Ashtahuanbash huauquipanicuna juyaita tratashcatapashmi parlarca. Por ejemplo, tutsi gentecunamanda shuj huauquigutami rijsircanchi. Paica 28 punllacunatami hutus Testigo familiahuanmi shuj utujupi pacajushca cashcarca. Shinallata Kigali pushtupica más de 900 huauquipanicunata espiritualmente animangapami tandanajuparcanchi.

Jipamanga República Democrática del Congo nishcaman chayashpami Goma llactapa ladopi caj campo de refugiadospi pacajungapaj rishca huauquipanicunata mascangapami rircanchi. Cai huauquipanicunata uchalla taringapaca, Jehová Diospa ayudatami mañarcanchi. Shinapimi shuj personaca ñucanchipaman quimirirca. Chaimi paitaca talvez shuj testigo de Jehovata rijsipanguichu nishpa tapurcanchi. Paica: “Ñucaca testigo de Jehovami capani. Cushijushpami Comité de Socorro pushtuman pushapasha” nircami. Comité de Socorropi sirvij huauquicunahuanmi shuj reunionda charircanchi. Chai jipaca más o menos mil 600 huauquipanicunata animangapami shuj tandanajuita ruraparcanchi. Tandanajui jipaca Cuerpo Gobernantepa shuj cartatapashmi liiparcanchi. Cuerpo Gobernantemanda huauquicuna: “Quiquingunamandaca Jehová Diostaca ninandami mañanajupanchi. Jehová Dios quiquingunata na saquinataca seguromi capanchi” nishcata uyashpaca huauquipanicunaca ninandami cushijurca. Cuerpo Gobernantemanda huauquicuna nishcashnami Ruanda llactapi 30 mil testigo de Jehovacunaca Jehová Diostaca cushijushpa sirvinajun.

Casi 58 huatacunatami cazarashca caparcanchi. Ñuca huarmiguca huata 2011​pi huañuparca. Tranquilo, alillata sintiringapaca imashinapacha sintirishcata villashpami Jehová Diostaca mañapani. Shinallata Jehovapa Gobiernomanda ñucapa vecinocunaman villanami ninanda ayudashca.

Más de 90 huatacunata charishpapashmi, cada semana predicacionbica participani. Ashtahuanbash Bélgica llactapa sucursalpi Departamento de Asuntos Legalespi ayudana oportunidadtapashmi charipani. Shinallata ñucapa experienciacunata huauquipanicunaman parlanata y ashtahuan joven betelitacunata animana oportunidadtapashmi charipani.

Jehovata primera vez mañashca horasmandaca, ñami 84 huatacuna yalishca. Chai horasmandapachami Jehová Dioshuanga ashtahuan ali amigo caita ushapashcani. Ñucapa mañashcacunata Jehová Dios siempre uyan cashcamandami ninanda agradicipani (Sal. 66:19). b