1, 2. Bautizaringapaj nara preparado cashpaca ¿imamandata na desanimarina capangui? (Callari paginapi fotocunata ricupangui).

 QUIQUIN bautizarina munaita charijpica felicitapanchimi. Bautizaringapaca ¿ñachu preparado sintiripangui? Ña preparado sintirijushpa, anciano huauquicunapash chai decisionhuan de acuerdo cajpica bautizarinataca na shuyanachu capangui. Shinami Jehová Diosta sirvishpa cushilla causaita charipangui.

² Bautizaringapaj nara preparadochu cangui nijpi o quiquinllatapash na preparado sintirijushpaca na desanimarinachu capangui. Mashna huatata charishpapash bautizaringapaca prepararishpa catijunallami capangui.

3. Etiopía llactamanda runaguca Felipetaca ¿imatata tapurca? (Hechos 8:36, 38).

³ (Hechos 8:36, 38​ta liipangui). Etiopía llactamanda autoridadta charij runaguca Felipe runagutaca: “¿Nachu bautizarinalla capani?” nishpami tapurca. Cashna tapushpaca bautizaringapaj munashcatami ricuchirca. Shinaca cai jarigu bautizaringapaj listo o na listo cashcatami yachajugripanchi.

4. Etiopía llactamanda runaca na jahua jahualla yachajushpa quidangapaj munashcataca ¿imashinata ricuchirca?

⁴ Cai runaguca “Taita Diosta adorangapami Jerusalenman rishcarca” (Hech. 8:27). Paica na judío cashpapashmi judiocunapa religionda catishpa causajushca yarin. Paica Escrituras Hebreaspi o Antiguo Testamentopimi Jehovamanda yachajushca carca. Shinapash ashtahuan yachajungapami munarca. Felipe Etiopía llactamanda runahuan ñanbi tuparijpica paica profeta Isaías escribishca rollocunatami liijushca carca (Hech. 8:28). Chai rollopi yachachishcacunata intindingapaca paica esforzarinami carca. Shinaca chaita liishpaca na jahua jahualla yachajushpa quidangapaj munashcatami ricuchirca.

5. Etiopía llactamanda runaguca yachajushca jipaca ¿imatata rurarca?

 ⁵ Chai jarica Etiopía llactamanda Candace shuti reinata sirvijushcamandami importante carca. Paica ‘reinapa tucuilla culquita ricuriajunmi carca’ (Hech. 8:27). Ashtaca responsabilidadcunata charishcamandami ocupado ocupado yalishcanga. Shinapash Jehová Diosta adorangapami tiempota llujchirca. Paica cabal yachachishcacunata yachajushpallaca na quidarcachu. Yachajushca jipaca paipa causaipimi pactachirca. Chai jariguca Jehová Diosta adorangapami, Etiopía llactamanda Jerusalenbi templocaman viajarca. Chaiman ringapaj ashtaca tiempota viajana cashpa, ashtaca culquita gashtana cashpa y esfuerzocunata rurana cashpapash paica Jehová Diostami adorangapaj munarca.

6, 7. Etiopía llactamanda runaguca ¿imamandata Jehová Diostaca ashtahuan juyashpa catirca?

⁶ Felipeca Etiopía llactamanda runamanga pai nara yachajushca minishtirishca yuyaicunatami intindichirca. Por ejemplo, Jesús Mesías cashcatami intindichirca (Hech. 8:34, 35). Etiopía llactamanda runaguca Jesús paimanda imata rurashcata yachajushpaca ninandami cushijurianga. Pero chaita yachajushca jipaca ¿imatata rurarca? Chai runaca judío tucushcami carca. Gentecunaca paitaca respetanmi carca. Chaimandami chashnallata quidaita ushanman carca. Pero Jehová Diosta y Jesusta ashtahuan ashtahuan juyashcamandami Jesusta catij tucungapaj bautizarina decisionda japirca. Felipeca Etiopía llactamanda runagu bautizaringapaj listo cashcata ricushpami paitaca bautizarca.

⁷ Etiopía llactamanda runagupa ejemplomi quiquinbash bautizaringapaj preparado cachun ayudapanga. Paishnallatami quiquinbash “¿nachu bautizarinalla capani?” nita ushapangui. Cunanga yachajushpa catishpa, yachajushcata pactachishpa y Jehová Diosta ashtahuan juyashpa Etiopía llactamanda jarigupa ejemplota imashina cati ushashcatami ricugripanchi.

8. Juan 17:3​pi nishcashnaca ¿imatata rurana capangui?

⁸ (Juan 17:3​ta liipangui). Cai textopi Jesuspa shimicunaca Bibliamanda yachajui callarichunga ¿quiquindaca ayudarcachu? Cai shimicunaca ashtacacunatami ayudapashca. Ashtahuangarin yachajushpa catichunga tucuicunatallatami ayudan. Ñucanchica ‘shujlla, ciertopacha Taita Diosmandaca’ siempremi yachajushpa catigripanchi (Ecl. 3:11). Y Jehová Diosmanda yachajushpa catishpaca paimanga ashtahuanmi quimiripashun (Sal. 73:28).

9. Bibliamanda primero yachajushcacunata yachajushca jipaca ¿imatata rurana capanchi?

⁹ Jehová Diosmanda yachajui callarishpaca Bibliamanda ashtahuan facillla yachachishcacunatami yachajupanchi. Chai yachachishcacunamanda hebreo huauquipanicunaman escribishpaca apóstol Pabloca “primeromandapacha”  yachachishcacunami can nircami. Shina nishpaca ‘primero yachajushcacuna’ na importante cashcataca na nijurcachu. Chai primero yachachishcacunaca shuj llullu huahuaguta micuchingapaj lecheshna cashcatami nijurca (Heb. 5:12; 6:1). Shinallata apóstol Pabloca primero yachajushcacunata yachajushca jipaca Bibliamanda ashtahuan alipacha yachajushpa ñaupaman catichunmi cristianocunataca animarca. Quiquinga ¿Bibliamanda ashtahuan ali yachajungapaj munapanguichu? Shinallata ¿Jehová Diosmanda y paipa voluntadmanda ashtahuan yachajungapaj esforzarina munaita charipanguichu?

10. Huaquingunapaca ¿imamandata estudiana o yachajunaca difícil can?

¹⁰ Huaquingunapaca imatapash estudiana o yachajunaca dificilmi can. ¿Quiquinbashchu shinallata pensapangui? Escuelapica ¿liinata y yachajunata yachachiparcachu? Chaitaca ¿gushtaparcanguichu? ¿O chai tiempomandapachachu “librocunapica na yachajuita ushanichu” nishpa pensari callariparcangui? Shina pensarijpipash Jehová Dios perfecto, tucuicunamanda ashtahuan ali yachachij caimandami quiquinda ayudapanga.

11. ¿Imamandata Jehová Diosca Alipacha Yachachij can?

¹¹ Jehová Diosllatami ñucaca Alipacha Yachachijmi cani nin (Is. 30:20, 21). Jehová Diosca pacienciahuan, juyaihuan, na culirashpami yachachin. Shinallata paimanda yachajujcuna imamanda ali gentecuna cashcatami ricun (Sal. 130:3). Jehová Dios ñucanchi cerebrota rurashcataca na cunganachu capanchi. Chaimandami ñucanchi imata rurai ushashcata aliguta yachashpa chaigutalla rurachun mañan (Sal. 139:14). Jehová Diosca yachajuna munaihuanmi ñucanchitaca rurarca. Shinallata para siempre yachajushpa cushijuchunmi munan. Chaimandami cunanmandallata Bibliapa cabal yachachishcacunataca ‘ninanda mascana capanchi’ (1 Ped. 2:2). Chaita rurachunga ¿imata ayudanga? Imata rurai ushashcata ricushpami chaicunata rurangapaj esforzaripai. Shinallata Bibliataca siempremi liina y yachajuna capangui (Jos. 1:8). Jehová Diospa ayudahuanga Bibliata liishpa y paimanda yachajushpaca ashtahuanmi cushijupangui.

12. Jesuspa causaimanda y pai imashna villachishcataca ¿imamandata yachajuna capanchi?

¹² Jesuspa causaimanda, pai imata gentecunaman villachishcata pensaringapaj tiempota llujchipangui. Cai último shinlli punllacunapi Jehová Diosta sirvi ushangapaca Jesuspa ejemplota catinaca minishtirishcapachami can (1 Ped. 2:21). Jesusca paipa catijcunamanga ima llaquicunata charinataca tucuitami villarca (Luc. 14:27, 28). Pero chai llaquicunata charishpapash paipa catijcuna Jehová Diosta sirvishpa catinataca Jesusca alimi yacharca (Juan 16:33). Shinaca Jesuspa causaimanda yachajungapaj y paipa ejemplota cada punlla catingapami esforzarina capangui.

13. ¿Imatata Jehová Diostaca mañana capangui?

¹³ Bibliata liijushpaca yachangapaj munaimandallaca na liipanchichu. Ashtahuangarin Jehová Diosta ashtahuan rijsingapaj, paita tucui shunguhuan juyangapaj y paipi shinlli feta charingapami munapanchi (1 Cor. 8:1-3). Jehová Diosmanda ashtahuan yachajujushpaca “shinlli feta charingapaj ayudahuai” nishpami Jehová Diostaca mañaita ushapangui (Luc. 17:5). Quiquin mañashcata contestangapaca Jehová Diosca listomi can. Shinaca Bibliata ashtahuan yachajuimandami shinlli feta charita ushapangui. Shinami espiritualmente ñaupaman catita ushapangui (Sant. 2:26).

14. Apóstol Pedroca Bibliapi yachajushcacunata pactachina importante cashcataca ¿imashinata intindichirca? (Dibujota ricupangui).

¹⁴ Apóstol Pedroca Jesusta catijcunaca Bibliapi ima yachajushcata pactachingapaj esforzarinami  can nircami. Caita intindichingapaca apóstol Pedroca Noé runagumandami parlarca. Jehová Diosca Noé runagumanga Ninan Manllanai tamiahuan nali gentecunata tucuchinatami nirca. Shinaca caita yachaimandami Noepash y paipa familiapash salvaringapaj munashpaca imatapash rurana carca. Apóstol Pedroca Ninan Manllanai tamia nara chayamujpillata Noé runagu arcata rurai callarishcata intindichingapami “chai punllacunapimi, arcataca ruranajurca” nirca (1 Ped. 3:20). Noé runagu y paipa familiapash Jehová Dios nishcashnami shuj jatun arcata rurarca (Heb. 11:7). Apóstol Pedro bautismomanda aliguta intindichingapaca Noé runagupa ejemplomandami parlarca. Apóstol Pedroca: “Chai punllacunapi ima pasashcataca, cunanbi quiquingunata salvajuj bautismohuanmi comparaita ushapanchi” nircami (1 Ped. 3:21). Noé runagu y paipa familiapash arcata rurai callaringapaca alipachami prepararirca. Shina cuendallatami quiquinbash bautizaringapaca prepararijupangui. Shinaca bautizaringapaj listo cangapaca ¿imatata rurai ushapangui?

15. Ciertopacha arripintirishcata ricuchingapaca ¿imatata rurana capanchi?

¹⁵ Bautizaringapaca ñucanchi juchacunamanda tucui shungumi arripintirina capanchi (Hech. 2:37, 38). Ciertopacha arripintirina nishpaca cambiocunata rurana cashcatami nin. Por ejemplo, quiquinga Jehová Dios na gushtashca cosascunata, huainayashpa causanata, tabacota chupanata, nali shimicunata utilizashpa parlanataca ¿saquipashcanguichu? (1 Cor. 6:9, 10; 2 Cor. 7:1; Efes. 4:29). Cai cosascunata nara saquishca cashpaca cambiocunata rurangapaj esforzaripangui. Caita pactachingapaca quiquinda Bibliamanda yachachijpa ayudata o ancianocunapa consejocunatapashmi mañaita ushapangui. Joven cashpa y taitamamacunahuan causajushpaca bautizaringapaj jarcaj imapash nali ruraicunata saqui ushangapaca quiquinba taitamamacunapa ayudatami mascaita ushapangui.

16. Nara bautizarishpallata ¿ima espiritual cosascunata rurajuna capangui?

¹⁶ Nara bautizarishpallatami espiritual cosascunata rurajuna capangui. Por ejemplo, reuniongunaman siempre ringapaj, comentangapami esforzarina capangui (Heb. 10:24, 25). Y publicador na bautizado tucushpaca siempre predicangapaj esforzaripangui. Y predicacionman seguido llujshishpaca quiquinllatami ashtahuan  cushilla sintiripangui (2 Tim. 4:5). Joven cashpa y taitacunahuan causajushpaca cashna pensaripangui: “Ñuca taitamamacunaca reuniongunaman richun, predicacionman llujshichunga ¿siemprechu yarichihuanajun? ¿O ñucapa munaichu chai cosascunataca rurani?”. Cai cosascunata quiquinba munaillata rurashpaca shinlli feta charishcata, Jehová Diosta ciertopacha juyashcata y paita agradicishcatami ricuchijupangui. Espiritual cosascunata rurashpaca “quiquingunapa ruraicunahuanmi, Taita Diosta tucui shunguhuan sirvishcataca ricuchina capanguichi”. Shina rurashpaca Jehová Diosman shuj regalota carajunshnami can (2 Ped. 3:11; Heb. 13:15). Jehová Diosca pipash obligajpi paiman imatapash carachunga na munanllu. Chaipa randica tucui shunguhuan imagutapash carachunmi munan (2 Corintios 9:7​huan chimbapurashpa ricupangui). Jehová Diosman imagutapash tucui shunguhuan carashpami ninanda cushijupanchi.

17, 18. Bautizarishpa Jehová Diosta sirvishpa ñaupaman catichunga ¿imata ayudanga? (Proverbios 3:3-6).

¹⁷ Bautizarina metata charijpica talvez shuj shuj jarcaicunami ricuringa. Por ejemplo, huaquingunaca quiquinmandami burlaringa. Na cashpaca quiquin crishcacunamandami llaquichinga (2 Tim. 3:12). Talvez imapash nali ruraicunata mishangapaj esforzarijushpapash huaquinbica chai nali ruraipillata cutin urmaimandami llaquilla sintiripangui. O na cashpaca “na ucha bautizari ushanichu” yashpami llaquilla sintiripangui. Shinapash ama desanimarichunga ¿imata ayudanga? Jehová Diosta tucui shunguhuan juyanami ayudanga.

¹⁸ Jehová Diosta juyanaca quiquinbaca shuj jatun bendicionmi capan (Proverbios 3:3 b-6​ta liipangui). Jehová Diosta tucui shunguhuan juyashpaca ima problemacuna, ima llaquicuna ricurijpipash na desanimarishpa ñaupamanmi catita ushapashun. Bibliapica tauca viajecunatami Jehová Diosca paita tucui shunguhuan sirvijcunataca juyashpa y nunca na jichushpa saquin cashcata nin (Sal. 100:5). Jehová Diosca ñucanchitaca paishnallata juyaita ricuchichunmi rurashca (Gén. 1:26). Shinapash ¿imashinata chai juyaitaca ricuchita ushapanchi?

19. Jehová Diosta agradicishcata ricuchingapaca ¿imatata rurai ushapangui? (Gálatas 2:20).

¹⁹ Callaripica agradecidomi cana capangui (1 Tes. 5:18). Shinallata cada punlla cashna pensaripai:  “Jehová Diosca cunan punllaca ¿imashinata ñucamanga ñucata juyashcataca ricuchihuashca?” Jehová Diosta mañashpami pai ima cosasgucunatalla cushcamanda agradicina capangui. Apóstol Pabloshnallatami Jehová Dios quiquinda ciertopacha juyaimanda imacunatapash rurajushcata yarina capangui (Gálatas 2:20​ta liipangui). Cashna pensaripai: “Jehová Diosta ciertopacha juyashcataca ¿imashinata ricuchita ushani?” nishpa. Jehová Diosta ciertopacha juyanami imapash tentacionguna ricurijpi o problemacuna ricurijpi, chai problemacunata mishashpa espiritualmente ñaupaman catichun ayudanga. Shina rurashpami cada punlla Jehová Diosta ciertopacha juyashcataca ricuchipangui.

20. Jehová Diostalla sirvisha ninaca ¿imatata ningapaj munan? Chaita decidinaca ¿imamandata importante can?

²⁰ Jehová Diosta tucui shunguhuan juyaimandami Jehová Diostaca candallami sirvisha nishpa shuj mañaita rurapangui. Chai punllamandapachami Jehová Diospalla causana bendicionda charipangui. Jehová Diostaca candallami sirvisha nishpa prometishpaca ima pasajpipash paita sirvishpa catinatami prometipashcanchi. Cai promesataca Jehová Diosmanga shuj viajellami ruraita ushapanchi. Jehová Diostalla sirvinata decidinaca tucui decisiongunamanda yali importante decisionmi can (Sal. 50:14). Diabloca Jehová Diosmanda caruyachun, paita sirvinata saquichun munaimandami imacunatapash ruran. Diablo Jehová Diosmanda caruyachichunga na saquinachu capanchi (Job 27:5). Jehová Diosta tucui shunguhuan juyanami paitalla sirvisha nishpa promesata pactachichun ayudanga. Shinallata paiman ashtahuan quimirichunbashmi ayudanga.

21. Bautizarishpaca ¿imamandata na chaipilla quidana capangui?

²¹ Jehová Diosta candallami sirvisha nishpa mañashca jipa bautizari ushangapaca anciano huauquicunahuan parlapangui. Bautizarishpaca na chaipillachu quidana capangui. Jehová Diosta para siempre ashtahuan sirvinatami yaipi cana capangui. Shinaca cunanmandallata Jehová Diosta cada punlla ashtahuan juyangapaj esforzaripangui. Shina rurashpami bautizaritaca ushapangui. Bautizarishpami Jehová Diostaca sirvi callaripanchi. Chaimandami tucuimanda yali importante can. Shinaca Jehová Diosta y paipa Churi Jesusta ashtahuan juyashpa catipangui.