José runagu ima llaquicunatalla aguantashcata yachajungapaca Génesis 37:​23-28; 39:​17-23​ta liipangui.

Cai temamandallata ashtahuan yachajupangui. José runaguca ¿imamandata llaquichi tucurca? (Gén. 37:​3-11; 39:​1, 6-10). ¿Mashna huatacunatata aguantana tucurca? (Gén. 37:2; 41:46). Jehová Diosca José runaguta ayudangapaca ¿imatata rurarca? (Gén. 39:​2, 21; w23.01 17 párr. 13).

Ashtahuan investigapangui. Bibliapica Potifarpa huarmi llullacunata nishpa juchachishcamanda José difindirishcataca na ninllu. ¿Imamandashi na difindirishcanga? ¿Imamandata Bibliapica Josepa causaimandaca na tucuita parlan? (Prov. 20:2; Juan 21:25; Hech. 21:37). Yangamanda llaquichijpipash Josetaca ¿ima cualidadcunata charinata aguantachun ayudarca? (Miq. 7:7; Luc. 14:11; Sant. 1:​2, 3).

Yachajushcapi pensaripangui. Pensaripai:

• “Jesuspa catijcuna cashcamandaca ¿ima llaquicunatallata aguantana tucupashun?” (Luc. 21:​12, 16, 17; Heb. 10:​33, 34).

• “Yangamanda llaquichijpi aguantangapaca ¿imashi ayudanga?” (Sal. 62:​7, 8; 105:​17-19; w19.07 2-7).