1. Apóstol Pabloca siervo ministerial huauquicunataca ¿imashinata ricun carca?

 SIERVO ministerial huauquicunaca congregaciongunapica ashtacatami ayudan. Chaimandami apóstol Pabloca cai huauquicunataca ninanda valichishpa ricun carca. Y Filipos llactamanda huauquipanicunaman escribishca cartapica apóstol Pabloca ancianocunaman y siervo ministerialcunamanmi saludocunata cacharca (Filip. 1:1).

2. Siervo ministerial canamandaca huauqui Luisca ¿imatata nin?

² Ashtaca siervo ministerial huauquicunami cushijushpa paicunapa responsabilidadcunataca pactachin. Huauquicunaca joven cashpapash o mayor cashpapashmi siervo ministerial caita ushan. Por ejemplo, Devan shuti huauquiguca 18 huatacunata charishpami siervo ministerial cangapaj nombramientota chasquirca. Cutin huauqui Luisca 50 yali huatacunata charishpami chai nombramientotaca chasquirca. Huauqui Luisca cashnami ninmi: “Siervo ministerial canaca ñucapaca shuj jatun bendicionmi can. Huauquipanicuna ñucata juyashcata ricuchishcamandaca ashtahuanmi cushilla sintirini” ninmi. Ashtaca siervo ministerial huauquicunapashmi huauqui Luis cuenda sintirishca.

3. Cai temapica ¿ima tapuicunamandata yachajupashun?

³ ¿Quiquinga shuj bautizado huauquichu capangui? ¿Pero narachu siervo ministerial capangui? Shinaca siervo ministerial cangapami esforzarita ushapangui. ¿Imamandata siervo ministerial cangapaj munapangui? Siervo ministerial cangapaca ¿ima requisitocunatata pactachina capangui? Cai temapimi cai tapuicunamandaca yachajupashun. Shinapash primeroca siervo ministerialcuna imacunatalla rurana cashcata ricupashunchi.

 SIERVO MINISTERIAL HUAUQUICUNACA ¿IMACUNATALLATA RURAN?

4. Siervo ministerial huauquica ¿imacunatallata ruran? (Fototapash ricupangui).

⁴ Bautizado huauquicunami siervo ministerialcuna caita ushan. Paicunataca Taita Diospa espíritu santopa ayudahuanmi siervo ministerialcuna cachun nombrashca. Paicunaca congregacionbi shuj shuj ruraicunapimi ancianocunataca ayudan. Por ejemplo huauquipanicuna predicangapaj publicaciongunata charichun, predicana territoriocunata charichunmi ricurian. Cutin shujcunaca Salón del Reinopa mantenimientopi y limpiezapimi ayudan. Shinallata shujcunaca acomodadorcunami can. Y reuniongunapimi audio y videopi ayudan. Cai cosascunapi y shuj cosascunapi ayudashpapash cai huauquicunaca Jehová Diosta juyashpa y paipa mandashcacunatapash cazushpami causan. Cai huauquicunaca congregacionbi tucuilla huauquipanicunatami ninanda juyan (Mat. 22:​37-39). Siervo ministerial cangapaca ¿imatata shuj bautizado huauquica rurana can?

5. Siervo ministerial cangapaca ¿imatata rurana capangui?

⁵ Bibliapimi siervo ministerial cangapaj ima requisitocunata pactachina cashcata ricuchin (1 Tim. 3:​8-10, 12, 13). Siervo ministerial cangapaca ¿imatata rurana capangui? Ima requisitocunata pactachina cashcataca Bibliata estudiashpa y chai requisitocunata pactachingapami esforzarina capangui. Pero primeroca imamanda siervo ministerial cangapaj munashcatami ricuna capangui.

¿IMAMANDATA SIERVO MINISTERIAL CANGAPAJ MUNAPANGUI?

6. ¿Imamandata siervo ministerial cangapaj munana capangui? (Mateo 20:28; fototapash ricupangui).

⁶ Jesuspa ejemplopi pensaripashunchi. Jesusca imaguta rurashpapash Jehová Diosta juyaimanda y gentecuna juyaimandami ruran carca. Shuj gentecuna na rurangapaj munashca cosascunata rurashpapashmi shujcunata ayudangapaj ninanda esforzarin carca (Mateo 20:28​ta liipangui; Juan 13:​5, 14, 15). Jehová Diosta juyaimanda y huauquipanicunata juyaimanda siervo ministerial cangapaj munajpica Jehová Diosca bendiciangami (1 Cor. 16:14; 1 Ped. 5:5).

7. ¿Imamandata shuj huauquica shujcunamanda ashtahuan importante cana munaitaca na charina can?

⁷ Cai mundopica shujcunamanda ashtahuan importante cangapaj munaj gentecunataca alicachishpami ricun. Pero Jehová Diospa organizacionbica na chashna ricunchichu. Shuj huauqui Jesús cuenda juyaita charishpaca ashtahuan autoridadta charingapaj o shujcunamanda ashtahuan importante cangapaca na munangachu. Ashtahuan importante tucungapaj munajuj huauqui siervo ministerial cana nombramientota  chasquishpaca congregacionbi na importanteshna ricurij trabajocunataca na rurangapaj munangachu. Chai trabajocunata rurashpaca yanga yangami ricurisha nishpami pensaita ushanman. Pero chai cosascunata rurashpami huauquipanicunata cuidajushcata ricuchin (Juan 10:12). Orgulloso caimanda o ashtahuan importante cangapaj munaimanda siervo ministerial cangapaj esforzarijujpica Jehová Diosca na bendiciangachu (1 Cor. 10:​24, 33; 13:​4, 5).

8. Jesusca ¿imatata paipa apostolcunamanga nirca?

⁸ Huaquin viajecunataca Jesuspa amigocunapashmi shujcunamanda yali ashtahuan importante cangapaj munarca. Jesuspa ishcai apostolcunahuanmi shina pasarca. Santiago y Juanga Jesustaca Taita Diospa Gobiernopi ashtahuan importante puestota charingapami mañarca. Paicuna shina mañashcamandaca Jesusca paicunataca na felicitarcachu. Chaipa randica Jesusca paipa 12 apostolcunataca cashnami nirca: “Cangunapurapi maijanbash importante cangapaj munashpaca, shujcunata sirvinami canguichi. Cutin, cangunapurapi maijanbash primero cangapaj munashpaca, tucuicunapa esclavoshnami shujcunata sirvina canguichi” nircami (Mar. 10:​35-37, 43, 44). Huauquipanicunata ashtahuan sirvingapaj munaimanda responsabilidadcunata charingapaj munaj huauquicunaca congregacionbaca shuj jatun bendicionmi can (1 Tes. 2:8).

¿IMASHINATA SHUJCUNATA SIRVINA MUNAITA ASHTAHUAN CHARITA USHAPANGUI?

9. ¿Imashinata shujcunata ashtahuan sirvina munaita chari ushapangui?

⁹ De seguromi quiquinga Jehová Diosta juyapangui y huauquipanicunatapash sirvingapaj munapangui. Shinapash talvezpashmi shuj siervo ministerial rurashca trabajocunata na rurangapaj munapangui. Shina cashpaca congregacionbi ashtahuan ayudana munaita charichunga ¿imata ayudanga? Huauquipanicunata sirvina ninanda cushichin cashcapi pensaripai. Jesusca “imagutapash carashpami, carajpi japishcatapash ashtahuan yalita cushijurin” nircami (Hech. 20:35). Jesusca shujcunata ayudashpami ninanda cushijurca. Quiquinbashmi shujcunata ayudashpaca ninanda cushijupangui.

10. Shujcunata ayudashpaca Jesusca ¿imashinata sintirirca? (Marcos 6:​31-34).

¹⁰ Jesusca shujcunata ayudashpaca cushillami sintirirca. Shuj ejemplota ricupashunchi (Marcos 6:​31-34​ta liipangui). Shuj viajeca Jesuspash paipa apostolcunapash shaijushca caimandami shuj chulunlla pushtuman samangapaj rinajurca. Pero chai pushtuman chayajpica ashtaca gentecunami Jesuspa yachachishcacunata uyangapaj munashpa chaipi shuyanajurca. Jesusca paicunaman na yachachinatami decidita ushanman carca. Porque Jesuspash y paipa apostolcunapash ‘micungapaj tiempotallapash na charishcarcachu’. Na cashpaca Jesusca ashagutalla yachachishpa paicunataca cachaita ushanmanllami carca. Pero Jesusca gentecunata juyaimandami paicunamanga “ashtaca cosascunata yachachi callarirca”. Amsayangacamanmi Jesusca paicunataca yachachishpa catirca (Mar. 6:35). Jesusca obligacionmandaca na yachachircachu sino gentecunata ‘ninanda llaquishpa’ ricuimandami yachachirca. Paicunata juyaimandami yachachingapaj munarca. Imashinami ricupanchi Jesustaca shujcunata ayudanami ninanda cushichirca.

11. Jesusca ¿imashinata gentecunataca ayudarca? (Fototapash ricupangui).

¹¹ Jesusca gentecunaman predicaitallaca na predicarcachu. Sino gentecuna imata minishtinajujta ricushpapashmi ayudarca. Por ejemplo ashalla micunata charishpapash shuj milagrota rurashpami ashtaca gentecunata micuchirca. Chai micunataca paipa discipulocuna repartichunmi curca (Mar. 6:41). Cashna rurashpami Jesusca paipa discipulocunaman shujcunata imashina sirvina cashcata ricuchirca. Shinallata shuj shuj cosascunapi ayudana importante cashcatami ricuchirca. Jesusca shuj milagrota rurashpami ‘tucuicunata vijsa pactajta micuchirca’. Apostolcunaca micunata repartichun Jesusta ayudaimandaca cushillapachami sintirishcanga. Siervo ministerialcunami cashna ayudangapaj esforzarin (Mar. 6:42). Jesusca  cai viajellaca na shina ayudangapaj esforzarircachu. Jesusca paipa beneficiotalla mascanapa randica paipa tucui causaipimi shujcunata ayudangapaj esforzarirca (Mat. 4:23; 8:16). Jesusca shujcunata yachachishpa paicuna imata minishtinajujpi ayudashpaca ninandami cushijun carca. Quiquinbash siervo ministerial tucushpa shujcunata ima minishtirishcapi ayudashpaca ninandami cushijupangui.

12. ¿Imamandata imatapash na rurai ushanichu nishpa na pensana capanchi?

¹² Quiquin imatapash na rurai ushanichu yajushpaca ama desanimaripaichu. De seguromi quiquinga congregacionbica ayudaita ushapangui. Jehová Diosta mañana y 1 Corintios 12:12​manda 30​caman liinami quiquindaca ayudaita ushan. Chai textocunapica apóstol Pabloca Jehová Diosta tucui sirvijcunallata ninan valishca cashcatami ricuchirca. Chaimanda nara siervo ministerial caita ushashpaca na desanimarinachu capangui. Quiquinga Jehová Diosta y huauquipanicunata tucui shunguhuan sirvingapami esforzarishpa catita ushapangui. Huauqui ancianocunaca quiquin imata rurai ushashcata ricushpami imagutapash rurachun asignanga (Rom. 12:​4-8).

13. Siervo ministerial cangapaj ashtahuan esforzaringapaca ¿imatata yarina capangui?

¹³ Siervo ministerial cangapaj requisitocunamandaca casi mayoría requisitocunatami tucui cristianocunallata pactachingapaj esforzarina capanchi. Chaita yarinami quiquindaca siervo ministerial cangapaj ashtahuan esforzarichun ayudanga. Porque tucui cristianocunallatami Jehová Diospa amigo cana capanchi. Shujcunata ayudashpa cushijuita ushapanchi. Y Jehová Dios munashcashna causashpami congregacionbi shuj ali ejemplo cana capanchi. Pero shuj huauquica ashtahuan responsabilidadcunata chasquingapaca ¿imacunatallata rurana can?

SIERVO MINISTERIAL CANGAPACA ¿IMACUNATALLATA RURANA CAN?

14. Serio cana nishpaca ¿imatata ningapaj munan? (1 Timoteo 3:​8-10, 12).

¹⁴ Ima requisitocunatalla pactachina cashcataca 1 Timoteo 3:8​manda 10​caman y 12​pi ricupashunchi (chai textocunata liipangui). Siervo ministerialcunaca “responsablecunami cana can”. Caitaca “serio cana”, “respetashca cana” nishpapashmi traducin. Pero serio cana nishpaca chistecunata na rurana cashcata o na asina cashcataca na ningapaj munanllu (Ecl. 3:​1, 4). Sino ima responsabilidadta chasquishpapash responsable cana cashcatami ricuchin. Shinallata quiquinman cushca asignacionda pactachinata confiai ushashcatapashmi ricuchina capangui. Shina rurajpica congregacionmanda tucuilla huauquipanicunami quiquindaca respetanga.

15. “Llullashpa parlajpash na canachu can”, “culquita charinapilla ansiarishpa paipilla pensarijpash na canachu can” nishpaca ¿imatata ningapaj munan?

¹⁵ “Llullashpa parlajpash na canachu can”. Caica honrado, sincero, de confianza cana cashcatami  ricuchin. Imata nishpapash pactachina cashcata, pitapash na umachina cashcatami ricuchin (Prov. 3:32). Shinallata “culquita charinapilla ansiarishpa paipilla pensarijpash na canachu can”. Caica ima negociota ruragrijushpapash honrado cana cashcata y congregacionba culquihuanbash honrado cana cashcatami ricuchin. Culquita ganangapaj nishpaca huauquipanicunamandaca na aprovecharinachu can.

16. a) “Vinota yapata ufiadorpash na canachu can” nishpaca ¿imatata ningapaj munan? b) ‘Shuj limpio concienciata’ charina nishpaca ¿imatata ningapaj munan?

¹⁶ “Vinota yapata ufiadorpash na canachu can”. Caica na yapata ufiador cana ni machadorpash na cana cashcatami ricuchin. Shinallata Jehová Dios mandashcashna causashpa ‘shuj limpio concienciatami’ charina can. Nipipash na perfecto capanchichu. Pero Taita Dioshuan ali amigo cashpami concienciapipash tranquilo ali sintirita ushapanchi.

17. Shuj huauqui siervo ministerial cachun nombrangapaca ¿imatata ancianocunaca primero ricun? (1 Timoteo 3:10; fototapash ricupangui).

¹⁷ Shuj huauquita siervo ministerial cachun nombrangapaca “paicunaman imata mingashcata pactachi ushanata o na ushanatami primeroca ricuna can”. Caica shuj huauquiman shuj asignacionda cujpi chai asignacionda aliguta pactachi ushashcata ancianocuna ña ricushcatami ningapaj munan. Chaimanda ancianocuna quiquinman shuj asignacionda cujpica paicunapa instrucciongunata y Jehovapa organización cushca instrucciongunata catishpami chai asignacionda aliguta pactachingapaj esforzarina capangui. Shinallata chai asignacionda imashina rurana cashcata y mashna tiempopi tucuchina cashcatami ali intindina capangui. Chai asignacionda pactachingapaj esforzarijpica huauquipanicunaca quiquin shuj responsable persona tucujujtami ricunga. Huauqui ancianocunaca maijan huauquita siervo ministerial tucun ayudai ushashcatami ricuna capanguichi (1 Timoteo 3:10​ta liipangui). Por ejemplo ¿congregacionbica bautizado jovenguna o ashtahuan jovenlla bautizado huauquicuna tianllu? ¿Cai huauquigucunaca Bibliata liinata y estudiana costumbreta charinllu? ¿Reuniongunapi comentanllu? ¿Predicacionman siempre llujshingapaj esforzarinllu? Cai cosascunata ña ruranajujpica paicunapa edadta ricushpa paicuna rurai ushanalla asignaciongunatami ancianocunaca encargaita ushan. Shina rurashpami cai joven huauquigucuna paicunaman mingashca asignacionda pactachi ushanata o na ushanata ancianocunaca ricunga. Y paicuna ña ashtahuan jatunyashpaca siervo ministerial cangapaj requisitocunata pactachishcamandami siervo ministerialcuna cana nombramientota chasquinga.

18. ‘Imamandapash na juchachi tucushpami’ causana can nishpaca ¿imatata ningapaj munan?

¹⁸ Siervo ministerialcunaca ‘imamandapash na  juchachi tucushpami’ causana can. Caica shuj pecado gravetami rurashca nishpa ama juchachichun ima nalitapash na rurana cashcatami ningapaj munan. Pero huaquinbica huauquicunataca llullacunata nishpami juchachita ushan. Jesustapashmi shina pasarca. Y Jesusca paipa discipulocunapash yangamanda juchachi tucuna cashcatami nirca (Juan 15:20). Pipash yangata juchachijpipash shuj huauquica Jesús cuenda Jehová Dios mandashcashna causashpaca congregación ucupica alimi ricuringa (Mat. 11:19).

19. “Shujlla huarmihuanmi cazarashca cana can” nishpaca ¿imatata ningapaj munan?

¹⁹ Siervo ministerial cangapaj munaj cazado huauquicunaca “shujlla huarmihuanmi cazarashca cana can”. Caica huauquicuna Jehová Dios mandashcashna cazarashca cana cashcatami ningapaj munan. Jehová Diosca primer jaritaca shujlla huarmihuanmi cazarachirca. Y chaitaca tucui cristianocunami cazuna can (Mat. 19:​3-9). Shinallata shuj cristianoca huainayana juchapica nunca na urmanachu can (Heb. 13:4). Ashtahuanbash cazado huauquicunaca paipa huarmitallami juyana can. Y shuj huarmicunahuanga na coqueteanachu can (Job 31:1).

20. Shuj huauquica ¿imashinata paipa familiata aliguta cuidashcata ricuchin?

²⁰ Shinallata siervo ministerialcunaca “paicunapa huahuacunatapash y huasi ucupi causanajuj familiatapash aligutami ñaupaman pushana can”. Caica familiata ñaupaman pushaj huauquicunaca paicunapa responsabilidadcunata aliguta pactachina cashcatami ricuchin. Cada semanami adoración en familiata rurana can. Shinallata tucuilla familiahuan predicangapami esforzarina can. Y paipa huahuacunapash Jehová Diospa amigo tucuchunmi ayudana can (Efes. 6:4). Paipa familiata aliguta cuidaj huauquica congregacionbi huauquipanicunata aliguta cuidai ushashcatami ricuchin (1 Timoteo 3:5​huan comparashpa ricupangui).

21. Nara siervo ministerial cashpaca ¿imatata rurai ushapangui?

²¹ Quiquin nara siervo ministerial cashpaca Jehová Diosta mañashpa, cai temata estudiapai. Siervo ministerial cangapaj ima requisitocunata pactachina cashcata ricushpa chaita pactachingapaj esforzaripai. Jehová Diosta y huauquipanicunata ninanda juyashcapi pensaripai. Paicunata sirvina munaita charingapaj esforzaripai (1 Ped. 4:​8, 10). Shinami huauquipanicunata ayudashpaca cushilla sintiripangui. Quiquin siervo ministerial cangapaj esforzarijujpica Jehová Diosca bendiciangami (Filip. 2:13).