MATEO 13:24-26​pica Jesusca nircami: “Jahua pachapi Dios mandajujca, shuj runa paipaj alpapi ali muyuguta tarpushcashnami. Ashtahuangarin tucuilla puñunajujpimi, chagrayu runata na ricunayachij runaca shamurca. Chai runaca, trigo chagrapimi, balicu muyuta [nali jihuata] shitashpa rirca. Trigo ña viñashpa grano llujshijpimi, balicupash chapurishca ricurirca” nishpa. Estudiashca gentecunaca ninmi, chaica na cierto carcachu nishpa. Shinapash, chai tiempopi romanocunapa documento papelcunata ricujpica, chai cosascunaca ciertomi cashcanga.

Bibliamanda parlaj shuj diccionariopica ninmi, romanocunapa leycunapica ninmi carca, shujcunata llaquichinamandalla paicunapa pambacunapi nali jihuata tarpunaca prohibidomi can nishpa. Shinaca, huaquin gentecuna nali jihuata shujcunapa pambacunapi tarpunata yachajpimi chai leyca tiashcanga. Leycunamanda alipacha estudiashca Alastair Kerr shutica ninmi, 533 huatapica Justiano shutimi Roma llactapica mandajurca. Justianoca Digesto nishca librotami escribirca nishpa. Digesto nishca libropica romano leycunamanda shuj gentecuna imata nishcatami escribirca. Chai gentecunaca Jesús shamushcamanda 100, 250 huatacunapimi causarca. Digesto libropica nijunmi, alipacha yachajushca Ulpiano shuti runaca nircami, shuj runami shuj runapa pambapi nali jihuata tarpushpa cozechataca huaglichirca nishpa. Shinallata ninmi, cozechata huaglichi tucushca runaguca chaishuj runataca huaglishca cozechamanda cobranallami carca nishpa.

Imashinami ricunchi, Roma llactapica shujpa pambapi nali jihuata tarpuj runacunaca tiarcami. Shinaca, Mateo 13:24-26​pica, chai punllacunapi ciertopacha ima pasaj cashcatami Jesusca parlajurca.