CAINA huataca ashtaca huauquicunami anciano, siervo ministerial shina sirvi callarirca. Quiquinbash anciano o siervo ministerial shina sirvi callarijushcamandaca cushillami sintiripangui.

Shina sirvi callarijuimandaca tal vez manllaihuanmi sintiripangui. Chaica normalmi can. Jason shuti joven ancianoca ninmi: “Anciano canaca jatun responsabilidad cajpimi na ushasha yarcani” nishpa. Moisés, Jeremiaspashmi Jehová Diospa mandashcataca na pactachi ushashachu nishpa pensarirca (Éx. 4:10; Jer. 1:6). ¿Nachu paicunashna sintiripashcangui? Ama shina sintirichun, espiritualmente ñaupaman catichunga ¿imata ayudanga? Chaipaca Timoteomanda yachajupashun (Hech. 16:1-3).

Apóstol Pabloca shuj llactacunapi villachingapaj rijushpaca Timoteota pushashpami rirca. Timoteoca 20 huatacunatallami charirca. Chaimi Timoteoca shuj huauquipanicunata yachachingapaj, consejangapaca yapa jovenmi cani nishpa pensashcanga (1 Tim. 4:11, 12; 2 Tim. 1:1, 2, 7). Shinapash tiempo jipa Filipos llactamanda huauquipanicunamanga apóstol Pabloca cashnami nirca: “Apunchi Jesús munajpica, Timoteotaca cangunapajman ucha cachamusha yajunimi”. “Paishnaca, pipash na tianllu” nishpa (Filip. 2:19, 20).

Alipacha anciano cachunga Timoteotaca ¿imata ayudarca? Chaipaca sucta yuyaicunata ricupashunchi.

1. Huauquipanicunamandami preocuparirca. Apóstol Pabloca Filipos llactamanda huauquipanicunamanga nircami, Timoteoca “cangunataca ñucashnallatami tucui shunguhuan yariajun” nishpa (Filip. 2:20). Timoteoca huauquipanicunamanda preocuparishpami paipa munaita saquishpa paicuna espiritualmente ñaupaman catichun ayudarca.

William huauquica 20 huatacuna yalitami anciano shina sirvijun. Anciano shina sirvi callarijujcunamanga cashnami nirca: “Huauquipanicunataca juyanami capanguichi. Congregacionbi responsabilidadcunata pactachinapillaca na pensarinachu capanguichi. Chaipa randica paicuna ima minishtijta ricushpami ayudana capanguichi” nishpa. Shinallata caipi pensaripashunchi, busta manejajcunaca gentecunapica na preocuparishpami horaspi paradacunaman chayanapilla preocuparin. Shinaca busta manejajcuna cuendaca na canachu capanguichi.

2. Diosta sirvinatami pundapi churarca. Apóstol Pabloca nircami, Timoteoca Jehovata ali sirvijun nishpa. Chai jipami cashna nirca: Shujcunaca paicunapalla “ali cachun mascanajun, Jesucristopaj ali canataca na mascanajunllu” nishpa (Filip. 2:21). Apóstol Pabloca Roma llactapi cashpami chai shimicunataca escribirca. Paica chai llactamanda huauquipanicuna Jehovata sirvinata pundapi churanapa randica paicunapa munaitalla pactachishpa causanajujtami cuenta japirca. Chai huauquipanicuna shina causanajujpipash Timoteoca Jehovapa munaita pactachishpami causajurca. Chaimi maipipash Jehová Diosmanda ashtahuan villachingapaj esforzarirca. Paica Jehovata sirvij Isaías runagushnami carca. Isaiasca nircami: “Ñucami caipi capani, ñucata cachahuailla” nishpa (Is. 6:8).

Quiquinba minishtishcacunatapash, congregacionbi responsabilidadcunatapash ali pactachingapaca ¿imatata rurana capangui? Primero, quiquinba causaipi ima ashtahuan minishtirishcata ali ali ricuna capangui. Apóstol Pabloca cashnami nirca, ‘imatapash aliguta ruranatara yaria causanguichi’ nishpa (Filip. 1:10). Shinaca Jehová Diosta sirvinatami pundapi churana capanguichi. Segundo, na minishtirishca cosascunataca ama rurapanguichu. Apóstol Pabloca Timoteotaca cashnami nirca: “Chairalla viñaicuna nalita ruranajujmandaca, anchurinami cangui”. Ashtahuangarin “imatapash cashcatapacha ruranata, alipacha crinata, juyaita charinata, casilla ali causanata catina cangui” nishpa (2 Tim. 2:22).

3. Jehovata tucui shunguhuan sirvirca. Filipos llactamanda huauquipanicunamanga  apóstol Pabloca cashnami nirca: “Ashtahuangarin Timoteotaca, aliguta rurashpa causajtaca ñami yachanguichi. Ali villaita ñuca villajujpica, taitahuan churi imagutapash rurashpa purijunshnami, paipash ñucahuan villajurca” nishpa (Filip. 2:22). Timoteoca apóstol Pablohuanmi Jehová Diostaca tucui shunguhuan sirvirca. Shina sirvimandami ashtahuan ali amigocuna tucurca.

Cunanbipash shina sirvishpaca cushillami sintiripangui. Shinallata huauquipanicunahuanbash ashtahuan ali amigomi tucupangui. Shinaca Jehová Diosta sirvingapami ‘ashtahuan rurashpa catina’ capangui (1 Cor. 15:58).

4. Imata yachajushcatami pactachirca. Apóstol Pabloca Timoteotaca cashnami nirca: ‘Canga, ñuca yachachijujtami catishcangui. Aliguta causanata, crishpa causanata, ali shungu canata, juyashpa, na fiñarishpa causanatami catijungui’ nishpa (2 Tim. 3:10). Timoteoca imata yachajushcataca alimi pactachirca. Chaimi congregacionbi ashtahuan responsabilidadcunata chasquirca (1 Cor. 4:17).

Quiquinbashmi Jehovata tucui shunguhuan sirvij huauquicunapa ayudata mascanalla capangui. Ashtaca huatacunata anciano shina sirvijuj Tom huauquica ninmi: “Ashtaca experienciata charij ancianomi chai responsabilidadta ali pactachichun yachachihuarca. Imatapash nara rurashpallatami paihuan parlan carcani. Chai huauqui consejashcataca tucuitami pactachin carcani. Shinami imata ruranata yachajushpa ñucallata ali sintirircani” nishpa.

5. Espiritualmente ñaupaman catirca. Pabloca Timoteotaca nircami: “Diosta yarishpa causanatallami yarina cangui” nishpa (1 Tim. 4:7). Imashinami calpana carrerapi calpajcunaca shuj entrenadorta charishpapash, ali calpajcuna cangapaca paicunallatami ninanda esforzarina can. Shinallatami Timoteopash espiritualmente shinlli cangapaca paillata esforzarina carca. Chaimi Pabloca cashna nirca: ‘Diospa Shimitaca liingui, aliguta yarichishpa rimangui, yachachingui. Ñuca nishcacunata rurangui. Diospajta can yachajushca ali cashcata tucuicuna ricuchunmi chaicunata rurajunalla cangui’ nishpa (1 Tim. 4:13-15).

Congregacionbi responsabilidadta ali pactachingapaca Bibliatami ashtahuan yachajuna capangui. Shinallata Jehovapa organización cushca mushuj instrucciongunatapashmi ricuna capangui. Congregacionbi imapash pasajpi imata ruranata yachangapaca informaciondami mascana capangui. Shinapash ña experienciata charini nishpaca na pensarinachu capangui. Chaipa randica Timoteoshnami “imashna causanatapash, imata yachachinatapash, aligutapacha” yarina capanguichi (1 Tim. 4:16).

6. Diospa espíritu santo ayudanapimi confiarca. Timoteoca Diospa ali villaicunatami villachina carca. Chaimi Pabloca cashna nirca: Chaitaca ‘Diospa jucha illaj espiritupa ushaihuan aliguta pactachingui’ nishpa (2 Tim. 1:14). Shinaca chaita pactachingapaca Diospa espíritu santo ayudanapimi Timoteoca confiana carca.

Ashtaca huatacunata anciano caj Donald huauquica ninmi: “Anciano o siervo ministerial shina sirvijushpaca Jehovahuan ali amigo cangapami esforzarina can. Shinami espiritualmente shinlli caita ushanga. Taita Diosta mañashpa, Diospa espíritu santopa ali cualidadcunata charingapaj esforzarishpaca huauquipanicunatami ayudashun” nishpa (Sal. 84:7; 1 Ped. 4:11).

Ashtaca huauquicuna quiquingunashna Jehovata ashtahuan sirvinajujpimi ninanda cushijupanchi. Jason huauquica ninmi: “Ashtaca huatacunata anciano shina sirvijuimandami ashtacata yachajushcani. Chaimi cushilla sintirini. Cai privilegioca shuj bendicionmi cashca” nishpa.

¿Quiquinga Timoteoshnachu rurajupangui? Timoteoshna rurashpaca huauquipanicunatami ayudapangui.