Cai quillacunapica Villajun revistapica cai temacunatami yachajupashcanchi. Imata yachajushcata yarishpa contestapai:

Ñucanchi yuyaicunata Jehová munashcashna cambiana nishpaca ¿imatata ningapaj munapanchi? (Rom. 12:2).

Ñucanchi pensamientocunata cambiangapaca huaquin ali cosascunata ruranallaca na suficiente canllu. Chaipa randica ñucanchicuna imashna cashcata ali ricushpa, minishtirishca cambiocunata rurashpami Jehovapa mandashcacunata cazungapaj esforzarina capanchi (w23.01, página 8 y 9).

Cai mundopi ima pasajushcata pendiente cashpapash Jehová Diosta sirvishpa catingapaca ¿imatata rurana capanchi?

Cai mundopi ima pasajushcata yachanaca normalmi can. Pero ñucanchi propio yuyaicunata parlashpaca congregación unido cachunga na ayudapashunllu. Chaimandami aliguta pensarishpa sirvij esclavopa informaciongunapi yuyaicunamanda parlashpami ‘tucuicuna chashnallata pensachun’ ayudapashun (1 Cor. 1:10) (w23.02, página 16).

Jesuspa bautismohuan, paipa catijcunapa bautismohuanga ¿imapita diferente can?

Jesusca, Jehovata candallami sirvisha nishpa mañanataca na minishtircachu. Paica Jehovatalla sirvingapaj agllashca llactapimi nacirirca. Jesusca perfecto caimandami imamandapash arripintirinataca na minishtirca (w23.03, página 5).

Ashtahuan huauquipanicuna comentai ushachunga ¿imatata rurai ushapanchi?

Ashalla shimicunapimi comentaita ushapanchi. Shinami shujcunapash comentachun tiempo tianga. Ashtaca yuyaicunamanda parlanaca na minishtirinllu. Shuj parrafopi tucui yuyaicunata comentajpica shujcunaca ñana comentai ushangachu (w23.04, página 23).

Isaías 35:8​pi nishcashnaca Taita Diospa ‘jucha illaj Ñanga’ ¿imata can?

Israelitacuna Babiloniamanda llujshishpa Israelman tigranaca Taita Diospa ‘jucha illaj Ñanbi’ purinatami ricuchijurca. Ñucanchicunapash ‘jucha illaj Ñanbi’ puri ushachunga 1919 huata chayachun ashtaca huatacuna faltajpillatami, Bibliata imprimita y traducitapash callarirca. Cai ‘jucha illaj Ñanga’ cunan punllacunapi tucui huauquipanicunahuan Jehovata ali adorachun y shamuj punllacunapi Diospa Gobierno mandajujpi ashtaca bendiciongunata chasquichunbashmi ayudanga (w23.05, página 15 a 19).

Proverbios capítulo 9​pica ¿ima ishcai huarmicunamandata parlan?

Proverbios libropica ‘juizu illaj huarmimandami’ parlan.Cai huarmipa invitacionda chasquijcunaca huañuimanmi apai tucun. Y ‘ali yachaita’ charij huarmimandapashmi parlan. ‘Ali yachaita’ charij huarmipa invitacionda chasquijcunaca Jehovata ali sirvita ushan y para siempre causanatapashmi chasquin (Prov. 9:​1, 6, 13, 18) (w23.06, página 22 a 24).

Lot runagumanga ¿imashinata Jehová Diosca humilde, llaquij cashcata ricuchirca?

Jehová Diosca Lot ali runagutaca urcucunapi pacajuchunmi mandarca. Shinapash “Zóar llactamanrapash richun saquihuai” nishpa rogajpica Jehová Diosca chaiman richunmi saquirca (w23.07, página 21).

Quiquinba cusa o huarmi pornografiata ricunata yachajpica ¿imatata rurai ushapangui?

Na culparinachu capangui. Chai problemapi yapata pensajunapa randica Jehovahuan ali amigo cashpa catingapaj esforzaripangui. Shinallata Bibliapi parlashca llaquita charishca huarmigucunamandami yachajushpa pensarina capangui. Chai huarmigucunaca Jehovahuan parlashca jipami ali sintirirca. Shinaca quiquinba cusa chai viciopi ama cutin urmachunmi ayudaita ushapangui w23.08, página 14 a 17).

Pipash ñucanchi crishcacunahuan na de acuerdo cajpica ¿imashinata aliguta pensarishpa contestai ushapanchi?

Pipash imatapash tapujpica imamandapacha shina tapujushcata pensaripashun. Shina pensarinami aliguman, tranquilo contestachun ayudanga w23.09, página 17).

Mariaca paipa responsabilidadta pactachingapaca ¿imatata rurarca? ¿Imatata yachajupanchi?

Ángel Gabrielca “shuj huahuagutami charigringui” nishpami Mariaman villarca. Shina villajpica paica shujcunapa ayudatapashmi mascarca. Chaimandami Jehová Diosca ángel Gabrielhuan y Elisabethuanmi Mariataca ayudarca. Ñucanchitapashmi Jehová Diosca huauquipanicunahuan shinllichishpa ayudanga (w23.10, página 15).

Jehová Diosca ¿imashinata ñucanchi mañashcacunataca contestan?

Jehová Diosca mañaicunata uyashami nishpami prometishca. Shinallata mañaicunata contestangapaca paipa voluntadhuan de acuerdo o na de acuerdo cajtarami ricun (Jer. 29:12). Ashtahuanbash huaquinguna chaitallata mañajpipash Jehová Diosca cada unomanmi de diferente manera contestan (w23.11, página 21 y 22).

Romanos 5:2​pica Jehovapa promesamandami parlan. Shinaca ¿imamandata verso 4​pica Jehovapa promesamandallata parlan?

Pipash ali villaicunata yachajui callarishcamandami para siempre causana oportunidadta charin. Shinapash llaquicunahuan, problemacunahuan cashpapash Jehová Dios paihuan cushilla cajta yachashpaca ashtahuanmi paipa promesacunapi confiapanga (w23.12, página 12 y 13).