TRADUCCIÓN del Nuevo Mundo Bibliapi griego shimipi “carreta” nishpaca shuj shuj laya carretacunamandami parlan (Hech. 8:​28, 29, 38). Etiopía llactamanda eunuco runaguca macanajungapaj o carrerapi calpangapaj carretacunashnapica na rijushcangachu. Ashtahuangarin shuj jatun, valishca carretapimi rijushcanga. ¿Imashinata chaitaca yachapanchi?

Etiopía llactamanda eunuco runaguca shuj importante funcionariomi carca y caru carutami rishcarca. Paica Etiopía llactapi autoridadta charij runagumi carca. Paica “Etiopía llacta reinapa ayudantemi carca. Chai runagumi chai reinapa tucuilla culquita ricuriajun carca” (Hech. 8:27). Chai tiempopica Etiopía llactaca cunan punllacunapi Sudán llactapi y Egipto llactapa ura ladopimi carca. Etiopía llactamanda eunuco runaguca shuj shuj carretacunapimi rishcanga. Shinallata caru caruta rina cashcamandami ashtaca cosascunata apashcanga. Y chai tiempopica shuj shuj laya carretacunapimi gentecunataca apan carca. Por ejemplo, huaquin carretacunaca chuscu llantayu y gentecuna tiarina pushtuca tapashcami carca. Bibliata yachajungapaj shuj libropica: “Chai carretacunaca ashtaca cosascunata apangapaj, tranquilo ali viajangapaj y caru caruta viajangapapash ali carretami carca” ninmi (Acts—An Exegetical Commentary).

Felipe runagu Etiopía llactamanda eunuco runagupaman quimirijpica paica liijurcami. Bibliapica: ‘Felipeca calpashpa chai carretaman quimirishpa, profeta Isaías escribishca librotami liijujta uyarca’ ninmi (Hech. 8:30). Chai carretacunaca ninanda manejashpa ringapaca na rurashcachu carca. Shinaca chai carreta alilla rijushcamandami Etiopía llactamanda runaguca liishpa rita usharca. Shinallata Felipe runagupashmi calpashpa pactarca.

Etiopía llactamanda runaguca Felipetaca ‘caiman vitsamushpa ñuca ladopi tiaripayari’ nircami (Hech. 8:31). Carrerapi calpangapaj carretacunapica manejajcunaca shayariami rin carca. Cutin gentecunata apangapaj carretacunapica Etiopía llactamanda runagu y Felipe runagupash tiarishpa richunmi suficiente espacio tiarca.

Shinaca Hechos capítulo 8​pi imata nijushcata y chai tiempocunapi ima pasashcata aliguta ricushpami Etiopía llactamanda runagu guerrapi macanajungapaj o carrerapi calpangapaj shuj carretapi liijushcataca ñana dibujapanchi. Chaipa randica, ashtahuan jatun carretapi rijushcatami dibujapanchi.