Ari. ¿Imamandata shina nipanchi? Na cazarashca cashpata ishcandilla chai huasipillata pacarishca caimandami juchapi urmashcata ricuchin (1 Cor. 6:18). Chaimandami ancianocunaca comité judicialta ruranga. Shinapash chai jari chai huarmi imamanda paicunalla chai huasipi quedashcata shuj ali razonda nishpa intindichijpica ancianocunaca tal vez ñana comité judicialta rurangachu.

Shina pasajpica anciano huauquicunaca tandanajushpa comité judicialta ruranata o na ruranata parlarina can. ¿Chai jari chai huarmica ishcandi puri callarishcachu? ¿Paicuna imashina tratarijta ricushpa ancianocuna consejanachu tucushca? ¿Imamandata paicunalla chai huasipillata pacarirca? ¿Ishcandi chai huasipillata pacaringapachu paipura parlarishca carca? ¿Tal vez imapash llaqui apaimanda o na yashcapi imapash pasaimandachu ishcandilla chai huasipillata pacarina tucurca? (Ecl. 9:12). Chai huasipillata ishcandilla pacarishpapash ¿maipita puñurca? Cashna tapuicunapi pensarinaca comité judicialta ruranata o na ruranata decidichunmi anciano huauquicunata ayudanga.

Tucui ima pasashcata ali ali parlashca jipami anciano huauquicunaca comité judicialta ruranata o na ruranatapash ricunga.