Jehová Diospi confiapashunchi
‘Jehová Diospica, canba tucui shunguhuan [confiangui]. Aligutapacha yarishpami purini yashpaca ama jariyanguichu’ (PROV. 3:5).
1. Ñucanchita cushichichunga ¿imamandata minishtipanchi?
TUCUICUNALLATAMI llaquicunata charimanda o ñucanchi munaicuna na pactarishcamanda llaquilla, preocuparishca causapanchi. Shinallata huaquinbica mayorlla caimanda, imapash ungüita charimanda, ñucanchi familiapi pipash huañushcamandami ninanda llaquirinchi. Huaquinbicarin shuj gentecuna ñucanchita nali tratajpimi nali sintirinchi. Chaimandami pipash ñucanchita cushichichun minishtinchi. Cai mundopica ashtahuanmi nali ruraicuna mirashpa catijun. ‘Tucurimui punllacunapi’ causanajuimandami ashtaca ashtaca llaquicunahuan causapanchi. Chaita ricushpami paraíso alpagu ñalla chayamunataca seguro capanchi (2 Tim. 3:1). Shinapash Jehovapa nishcacuna pactarichunmi tal vez ashtaca huatacunata shuyanajushcanchi. Shina shuyanajushpapash ashtaca llaquicunatarami charishpa catinchi. Shinaca cushi causaita charingapaca ¿imatata rurana capanchi?
2, 3. a) Habacuc profetamandaca ¿imatata yachapanchi? b) Habacuc libromanda yachajunaca ¿imashinata ayudanga?
2 Cai tapuimanda yachajungapaca Habacuc libromanda yachajupashunchi. Hab. 2:2).
Tal vez Habacuc shutica “juyaihuan ugllana” nisha ninmi. Paipa shutimandaca ishcai yuyaicunatami yachajupanchi. Pundapica, Jehová Dios ñucanchita juyaihuan ugllashpa cushichishcatami yachajupanchi. Shinallata Jehovata sirvijcuna paipi tucui fuerzahuan charirishcatami yachajupanchi. Habacuc libropica cushichi shimicunatami tari ushapanchi. Profeta Habacucca Jehovata mañashpami huaquin tapuicunata rurarca. Jehová Dios pai mañashcata uyaimandami, imacunatalla paihuan parlashcata escribichun Jehová Diosca mandarca. Chai yuyaicuna ñucanchita ayudagrijushcata yachaimandami Jehová Diosca shina rurarca (3 Habacuc profetamandaca ¿imatata yachapanchi? Jehová Dioshuan parlashcatallami yachapanchi. Habacuc libroca “Ñucanchi yachajuchunmi Taita Diosca ñaupallata escribichishca”. ‘Chai escribishca shimicunami cushijushpa causanata ñucanchita yachachijun. Shinamandami japigrinata yariajlla shuyanajunchi’ (Rom. 15:4, MTQI ). Cai libroca ¿imashinata ñucanchitaca ayudan? Primero, Jehová Diospi confiana ima cashcata intindichun. Segundo, llaquicunata charishpapash ama yapata preocuparichun. Chaimandami cai temapica Habacuc libromanda yachajupashun.
JEHOVATA MAÑAPASHUNCHI
4. Habacucca ¿imamandata llaquillapacha carca?
4 (Habacuc 1:2, 3, liingui). Nali, millai gentecunapurapimi Habacucca causarca. Chaimi paica llaquillapacha carca. Chaita ricushpami cashna tapurirca ¿ima horata chai nali ruraicunaca tucuringa? ¿Imamandata Jehová Diosca na ucha tucuchin? nishpa. Habacucca israelitacuna nali ruranajujta, paipura llaquichirinajujtami ricurca. Chaita ricushpapash nimata na rurai usharcachu. Shina causajushpami Habacucca chai llaquicunata tucuchichun Jehovata mañarca. Tal vez paica pensaririangami, Jehová Diosca gentecunamanda na preocuparishpa chai llaquicunataca na ucha tucuchin nishpa. Ñucanchicunapash ¿nachu Habacuc shina sintiripashcanchi?
5. ¿Habacuc libropica ima yuyaicunatata yachajupanchi? (Callari fotota ricupangui).
5 Shina tapurishpaca ¿Jehovapipash, paipa nishcacunapipash ñana confiashcatachu Habacucca ricuchijurca? Na, na shina carcachu. Habacucca paipa llaquicunata tucui tucuita Jehová Diosman villashpaca, tucui shunguhuan Jehovapi confiashpa catishcatami ricuchirca. Shinapash Habacucca imamanda nalicunata, llaquicunata ucha na tucuchishcataca na ali intindircachu. Habacuc libropi chai llaquicunata Jehová Dios escribichishpa saquishcamandaca ñucanchipaca alipachami cashca. Shinaca ¿imatata caimandaca yachajupanchi? Ñucanchi llaquicunata na manllashpa Jehová Diosman tucui tucuita villanalla cashcata. Jehová Diosca ñucanchicuna imashina sintirishcata tucuita paiman villachunmi munan (Sal. 50:15; 62:8). Shinallata Proverbios 3:5pi shimicunaca ninmi: “Mandaj Diostaca, cambaj tucui shunguhuan [confiangui]. Aligutapacha yarishpami purini yashpaca, ama jariyanguichu” nishpa. Profeta Habacucca chai shimicunataca paipa causaipimi pactachirca.
6. Jehovata mañanaca ¿imamandata minishtirishcapacha can?
6 Habacucca Jehovataca paipa taitatashna, amigotashnami ricurca. Chaimi tucui shunguhuan Jehovapi confiashpa paita mañarca. Habacucca paipa problemacunapillaca na yapata preocuparijurcachu. Paipa munai problemacunata Sal. 65:2). Shina rurashpaca Jehová Dios ñucanchita juyaihuan ugllashpa cushichishcatami sintipashun. Ñucanchi mañashcata tucuita uyashpami, ñucanchi imata ruranatapash Jehová Diosca ali ali yachachinga (Sal. 73:23, 24). Jehová Dios imashina pensashcashnallata intindichunmi ñucanchitaca ayudanga. Shinaca ima llaquicunata charijpipash ñucanchicuna ñaupaman catichunmi Jehová Diosca ayudanga. Jehovatami tucui shunguhuan mañana capanchi. Shinami paipi confiashcata ricuchipashun.
arreglanapa randica, siempremi Jehová Diosman imashina sintirishcata villan carca. Shinallata ñucanchicunapash Habacuc runagushnami Jehová Diosman imashina sintirishcata tucuita villanalla capanchi. Jehová Dios ñucanchi mañashcata uyajujtaca seguromi cana capanchi. Shinami Jehovapi confiashcata ricuchipashun (JEHOVATA UYAPASHUNCHI
7. Habacuc tapujpica ¿imashinata Jehová Diosca tigrachirca?
7 (Habacuc 1:5-7, liingui). Imamanda preocuparishcataca tucui tucuitami Habacucca Jehová Diosman villan carca. Shinapash Jehová Dios imashina tigrachinataca Habacucca na yacharcachu. Jehová Diosca shuj juyaj taitashna caimandami Habacuc runagutaca ali intindirca. Jehová Diosca Habacuctaca na nircachu, ¿imashpata shina nihuajungui? nishpa. Jehová Diosca pai llaquillapacha cajtaca alipachami yacharca. Shina tapuimandaca Jehová Diosca Habacuctaca na tacurircachu. Ashtahuangarin na cazuj israelitacunahuan jipa punlla ima tucugrijujtami Jehová Diosca paiman villarca. Na cazuj israelitacunata tucuchina punlla ña chayamunataca Habacuc runagumanrami Jehová Diosca villashcanga.
8. Jehová Diosca ¿imashinata na cazuj israelitacunataca tucuchigrijurca?
8 Na cazuj, millai israelitacunata ña tucuchigrijujtami Jehová Diosca Habacuc runagumanga villarca. Jehová Diosca “canguna causajui punllacunapimi” tucuchisha nishpaca, Habacucpa punllacunapi causajcunata tucuchinatami ningapaj munarca. Jehová Dios shina tigrachinataca Habacucca na shuyajurcachu. Jehová Dios shina nishpaca, Judá llactapi causajcuna ashtahuan llaquicunata charinatami nirca. Judá llactamanda gentecunahuan ricujpica caldeocuna o babiloniocunaca ashtahuan nali, millaicunami carca. Babiloniocunaca Jehovataca na adoranllu carca. Cutin tucuilla israelitacunaca Jehovataca jahua shungullami sirvinchi ninajurca. Shinaca Jehová Diosca ¿imamandata na cazuj israelitacunata babiloniocuna tucuchichun saquigrijurca? Jehová Dios nishcata ñucanchicuna uyashca cashpaca ¿imashinashi sintirinchiman carca?
9. Habacucca ¿imacunatata Jehovataca tapurca?
9 (Habacuc 1:12-14, 17, liingui). Na cazuj israelitacunata babiloniocuna tucuchichun saquigrijujtaca Habacucca na cabalta intindircachu. Shinapash paica humilde shunguta charimandami “Jatun Rumishna” Jehová Diospi tucui shunguhuan confiashpa catirca (Deut. 32:4; Is. 26:4). Jehová Dios juyaj, ali Dios cajpimi Habacucca paipi tucui shunguhuan confiashpa catirca. Chaimandami na manllashpa Jehovata cashna tapurca: ¿Imamandata Judá llactapi llaquicuna tiashpa catichun saquingui? ¿Imamandata chai llaquicunata na ucha tucuchingui? Tucui poderta charij Dios cashpaca ¿imashpata gentecuna sufrishpa catichun saquingui? ¿Imamandata nalicunata ricushpapash na imatapash rurashpa, upalla quedangui? nishpa. Bibliapica ninmi, Jehová Diosca ‘Jucha illajpacha cashpami, nalitaca napacha ricunayachin. Ima nalitapash, napacha ricui ushanllu’ nishpa.
10. Ñucanchicunapash ¿imamandata huaquinbica Habacuc shina sintiripanchi?
10 Huaquinbica Habacuc shinami sintiripashcanchi. Ñucanchicunapashmi Jehová Diosta uyanchi, Bibliata liinchi, yachajupanchi. Shinallata jipa punllacunapi paipa nishcacuna pactarinapi confiapanchi. Ashtahuanbash Jehovapa organización ayudajpimi Jehovapa nishcacunamanda yachajupanchi. Shina yachashca jahuapashmi huaquinbica cashna tapurinchi: “¿Ima punllashi ñana sufrishpa causashun?” nishpa. Cunanga Habacuc imata rurashcata yachajupashun.
JEHOVÁ AYUDANAPI CONFIAPASHUNCHI
11. Habacucca ¿imatata rurarca?
11 (Habacuc 2:1, liingui). Jehová Dioshuan parlanami Habacuctaca tranquilo sintirichun ayudarca. Chaimandami Jehová Dios ayudanapi confiashpa catirca. Habacucca cashnami nirca, “ñucaca chai ninan llaqui punllapica, casilla” shuyajushallami nishpa (Hab. 3:16). Habacuc cuendami, shujcunapash Jehovata tucui shunguhuan sirvirca. Paicunapash Habacuc shinami Jehová ayudanapi tranquilo shuyarca. Cunanbipash llaquicunata, nalicunata Jehová Dios tucuchinapi confiachunmi Habacucpa ejemploca ayudan (Miq. 7:7; Sant. 5:7, 8).
12. Habacucpa causaimandaca ¿imatata yachajupanchi?
12 Habacuc runagumandaca ¿imatata yachajupanchi? Primero, ima llaquicunata charishpapash Jehovata mañana capanchi. Segundo, Bibliapa nishcacunata, paipa organizacionbi yachachishcacunatami cazuna capanchi. Tercero, llaquicunata tucuchina punllataca Jehová Diosca ñami agllashcalla charin. Shinaca llaquicunata tucuchina punlla chayamunataca tucui shunguhuanmi confiashpa catina capanchi. Shina rurashpaca Habacuc shinami tranquilo na manllashpa Jehovapa punllata shuyashun. Jehovapa nishcacunata shuyanami ima problemacunata charishpapash tranquilo, imatapash aguantashpa, cushilla catichun ayudan. Shinallata jipa punllacunapi ali causaigu tianata yarinami Jehová Dios llaquicunata tucuchinapi confiachun ayudan (Rom. 12:12).
13. Habacucmanga Jehová Diosca ¿imatata nirca?
13 (Habacuc 2:3, liingui). Habacuc runagu Jehová Dios llaquicunata tucuchinapi confiashcata ricushpaca Jehová Diosca ninandami cushijurca. Habacuc imashina sintirishcataca Tucui Poderta Charij Jehová Diosca alimi yacharca. Chaimandami juyaihuan cashna nirca: Canba tapuicunataca uyarcanimi, ñallami chai tapuicunataca tigrachisha nishpa. Shina nishpami Jehová Diosca cushichirca. Tiempohuanga Habacucpa tucuilla llaquicunami tucurigrijurca. Chaimi Habacuctaca Jehová Diosca cashna nirca: “Ama manllaichu ñucapimi confiana cangui. Na ucha pactajpipash chapariajuilla, shamungapachami” nishpa. Shinallata Habacuctaca Jehová Diosca yarichircami, paipa nishcacunata pactachina punllata ña agllashcalla charishcata. Chai punllata shuyashpami catina cangui nirca. Chai nishcataca Jehová Diosca pactachigrijurcami.
¿Imamandata Jehovataca tucui shunguhuan sirvingapaj munapanchi? (Párrafo 14ta ricupangui).
14. Imapash problemacunata charishpaca ¿imatata rurana capanchi?
14 Shinaca ñucanchicunapash Jehovapa punlla ima hora chayamunata na yachashpapash na manllashpa tranquilomi shuyana capanchi. Shinaca paipa nishcacunata uyashpami catina capanchi. Shinami ima problemacunata charishpapash Jehovapi confiashpa cati ushapashun. Jesusca nircami, Jehová Hech. 1:7). Paipa punlla chayamunataca ña agllashcallami charin. Chaimi ñucanchicunaca chai punlla chayamunataca tranquilo, humilde shunguhuan shuyana capanchi. Shinallata Jehovapi feta charishcata, confiashcatapash ricuchina capanchi. Chaipaca Jehovata tucui shunguhuan sirvingapami tiempota llujchina capanchi (Mar. 13:35-37; Gál. 6:9).
Diospa punllaca ima horashi chayamunga nishpaca na chaipilla pensarijunachu canguichi nishpa (JEHOVAPI CONFIAJCUNATACA BENDICIANGAMI
15, 16. a) Habacuc libropica ¿imatallata nin? b) Habacuc libropi shimicunamandaca ¿imatata yachajupanchi?
15 Jehová Diosca nishcami: ‘Imatapash cashcatapacha rurajcunallami’ cai alpapica causanga nishpa. Shinallata nircami, ‘imashnami mama cuchaca yacuhuan junda, chashnallatami cai pachaca Mandaj Dios punchapamba cajta rijsinajunga’ nishpa (Hab. 2:4, 14). Shinaca Jehová Diospa punlla chayamunata tucui shunguhuan confiajcunamanmi para siempre causaita caranga.
16 Habacuc 2:4pi shimicunata yaripashunchi. Habacuc libropi shimicuna importante cajpimi apóstol Pabloca paipa cartacunapi chai shimicunatallata quimsa viajeta escribirca (Rom. 1:17; Gál. 3:11; Heb. 10:38). Llaquicunata charishpapash Jehová Diospi feta charishpa, paipi tucui shunguhuan confiashpaca Jehovapa nishcacuna pactarijtami ricupashun. Shinallata jipa punllacunapi cushilla causanata yarishpa causachunmi Jehová Diosca munan.
17. Habacuc libromandaca ¿imatata yachajupanchi?
17 Tucurimui punllacunapi causajcunaca ¿imatata Habacuc libromandaca yachajupanchi? Jehová Diosca paipi tucui shunguhuan confiajcunaman, alita rurajcunaman para siempre causana esperanzatami carasha nin. Shinaca imapash problemacunata, llaquicunata charishpapash Jehovapi shinlli feta charishpa, paipi ashtahuan confiashpami catina capanchi. Imashinami profeta Habacucta ayudarca, shinallatami ñucanchicunatapash llaquicunamanda ayudashpa salvanga. Jehová Diosca cai alpata paipa Reino mandachunga shuj punllata ña agllashcallami charin. Chaimandami Jehová Diosca juyaihuan ñucanchicunataca cashna nin, chai punlla chayamungacamanga ñucapi tucui shunguhuan confiashpa, aguantashpami catina cangui nishpa. Shinaca Jehovapa Reino cai alpata ña mandajujpica tucuilla gentecunami Jehová Diostalla adorashpa cushilla causanajunga (CUSHIJUSHPA JEHOVAPI CONFIAPASHUNCHI
18. Jehovapa nishcacunaca ¿imashinata Habacuc runagutaca ayudarca?
18 (Habacuc 3:16-19, liingui). Punda tiempopi israelitacunata Jehová Dios imashinapacha ayudashcata pensarinami Jehovapi tucui shunguhuan confiachun Habacuctaca ayudarca. Shinaca Jehová Dios shuj punlla llaquicunata tucuchisha nishcacunapi seguro sintirichunbashmi paitaca ayudarca. Shinallata llaquicunahuan asha tiempota sufrina cashcataca Habacucca alimi yacharca. Shinapash shuj punlla chai llaquicunata Jehová Dios tucuchinataca seguromi carca. Chaimi ninanda cushijurca. Shinaca Habacucca paipa tapuicunata Jehová Dios tigrachishcata yachashpami Jehová Dios poderta charishcata, pai salvai ushashcata confiachun ayudarca. Habacuc runagu Jehovapi tucui shunguhuan confiashcatami Habacuc libropica tari ushapanchi. Bibliata estudiaj huaquin gentecunaca ninmi, verso 18pi ricushca shinaca tal vez Habacucca cushilla fahuashpami ñuca Taita Diospimi cushijuni nijurianga nishpa. Habacuc runagupa ejemplomandaca ¿imatata yachajupanchi? Jehová Diosca caitami ruragrini nishpallaca na quedanllu. Ashtahuangarin pai imata nishcata pactachingapaca cunanmandallatami imatapash rurajun.
19. Habacuc runagutashna ñucanchitapash Jehová cushichichunga ¿imatata rurana capanchi?
19 Shinaca Habacuc libromandaca minishtirishca yuyaicunatami yachajupashcanchi. Chaipica Jehovapi confiana minishtishca cashcatami yachajuparcanchi (Hab. 2:4). Jehovapi confiashpa catichunga ¿imata ayudanga? Jehová Dioshuan ali amigo cashpa catinami ayudanga. Chaipaca quimsa yuyaicunatami pactachina capanchi. Primero, ima problemata charishpapash tucui tucuitami Jehová Diosman villana capanchi. Segundo, paipa organizacionba yachachishcacunata, Bibliapa yachachishcacunatapashmi cazuna capanchi. Tercero, Jehovapi feta charishpa, paipa punlla chayamunatapash tranquilo shuyana capanchi. Profeta Habacucca chaitami rurarca. Shinallata Habacuc librota escribishpaca ninan llaquimi carca. Shinapash ña escribita tucuchijushpaca Jehovapi confiashcata, cushilla cashcatami ricuchin. Ñucanchicunapash paipa ejemplota catishpaca Jehová Dios shuj taita cuenda ugllajujtashnami sintipashun. Shinami cai nali mundopi causanajushpapash cushilla causai ushapanchi.