Ñucanchi, mandaj Jesuspi confiapashunchi
“Quishpichij Cristo cajpimi, Mandajtaca ñucallata charinguichi” (MAT. 23:10, MTQI ).
1, 2. Moisés huañushca jipaca ¿imatata Josueca chasquirca?
JEHOVÁ DIOSCA paipa sirvij Josué runagutaca cashnami nirca: “Ñucata servij Moisesca, ña huañurcami. Cunanga cambash, tucui cai gentecunapash jatarishpa, israelcunaman ñuca carashca llactaman, Jordán yacuta chimbashpa richilla” nishpa (Jos. 1:1, 2). Josué runaguca 40 huatacunatami Israelitacunata ñaupaman pushashpa Moisesta ayudarca. Shinapash Josuepa causaica na yashcapimi cambiarca. Cunanga paimi Israel llactata mandai callarirca.
2 Moisés runaguca ashtaca huatacunatami israelitacunata mandajurca. Chaimi Josueca cashna tapuririanga, ¿israelitacunaca ñuca mandaj cashcata yachashpaca imashinashi ricunga? nishpa (Deut. 34:8, 10-12). Josué 1:1, 2manda parlashpaca shuj libroca cashnami nin: “Gobiernocunata cambiajpica siempremi llactacunapica ashtaca llaquicuna tian” nishpa.
3, 4. a) Jehová Diospi Josué confiashcamandaca ¿imamandata na pandarirca? b) ¿Imatata tapurinchiman?
Jos. 1:9-11). Shina rurashpaca paica na pandarircachu. Bibliapica ninmi, Jehová Diosmi shuj angelhuan Josueta, israelitacunatapash ayudarca. Chai angelca Taita Diospa punda Churi Jesusmi cashcanga. Jesustami ‘Shimi’ nishpa rijsin (Juan 1:1; Éx. 23:20-23).
3 Josueca ninan manllaihuan cashpapash Jehová Dios ayudanapi confiarca. Paica, Jehovapa mandashcatapash uchallami cazurca (4 Israelitacunata Jehová ayudajpimi Josué mandai callarijpipash paicunaca aliman chasquirca. Cunanbipashmi Jehová Diospa organizacionbi cambiocuna tiashca. Chaimi cashna tapurinchiman: “Jehová Diospa organizacionbi cambiocuna tiashcamandaca ¿imamandata Jesuspi confiai ushanchi?” nishpa (Mateo 23:10 *, liingui). Punda tiempopi cambiocuna tiajpi imashina Jehová Dios ayudashcata ricupashunchi.
TAITA DIOS CARASHA NISHCA ALPAMANGA ¿PITA PUSHAGRIJURCA?
5. Jericó llacta ladopica ¿pihuanda Josueca tuparirca? (Callari dibujota ricupangui).
5 Israelitacunaca Jordán yacutami yalinajurca. Chai jipaca na yashcapimi Josueca Jericó llacta ladopi, shuj jari espadata chariria shayajujta ricurca. Pi cashcata na yachaimandami Josueca cashna tapurca: “¿Canga, ñucanchipurachu cangui, na cashpaca ñucanchita fiñajpurachu cangui?” nishpa. Shina tapujpimi cashna tigrachirca: Ñucaca ‘Mandaj Diospa soldadocunata Mandajmi’ cani nishpa. Chai angelca israelitacunata ayudangapaj listomi carca (Josué 5:13-15, liingui). Imashinami ña Bibliapi ricupashcanchi, Jehová Diosmi Josué runaguhuanga parlashcanga. Shinapash shuj angeltami Jehová Diosca paihuan parlachun utilizarca. Shinallata punda tiempopi, Josuepa punllacunapipashmi Jehová Diosca shina rurarca (Éx. 3:2-4; Jos. 4:1, 15; 5:2, 9; Hech. 7:38; Gál. 3:19).
6-8. a) Jehová Diospa nishcaca ¿imamandata Israelitacunapaca nalishnalla carca? b) ¿Imamandata chai nishcata cazunaca alipacha carca? (Notata ricupangui).
6 Jehová Diosca Josué runagumanga villarcami, Jericó llactata imashinapacha tucuchinata. Chaica israelitacunapaca nalishnallami uyarishcanga. Por ejemplo, tucuilla jaricunatami circuncisión nishcata rurachun mandarca. Shina rurajpica chai soldadocunaca tauca punllacunatami na macanajui ushanman carca. Shinaca ¿chai punllacunapi circuncisión nishcata ruranaca alichu canman carca? (Gén. 34:24, 25; Jos. 5:2, 8).
7 Chaimi chai soldadocunaca cashna tapurinajurianga, contracunapa maquimandaca ¿imashinata familiataca cuidaita ushashun? nishpa. Shinapash Jericó llactamanda gentecunaca ninan manllaihuan caimandami llujshitallapash na llujshinajurca. Bibliapica ninmi: “Jericó pueblopi causajcunaca, israelcunata manllashpami, chai puebloman yaicuna pungutaca, alipacha vichashca carca. Chaimandami Ilujshitapash, yaicuitapash pipash na usharca” nishpa (Jos. 6:1). Chaicunata yachaj chayashpami Jehová Dios cuidajujta israelitacunaca confiarca.
8 Jehová Diosca israelitacunataca mandarcami, Jericó llactahuanga na macanajunachu canguichi nishpa. Chaipa randica, 6 punllacunata shuj viajeta cada punlla chai llactataca muyuichi. Shinallata 7 punllacuna chayajpica 7 viajetami chai llactataca muyuna Jos. 6:2-5; Heb. 11:30). *
canguichi nishpa. Shujcunacarin pensaririangami, cashna ruranaca yanga yangami can nishpa. Shinapash imamanda shina mandashcataca Jehová Diosca alimi yacharca. Chaita cazushpami israelitacunaca Jericó llactapa alipacha macanajuj soldadocunahuan na macanajushpapash paicunata misharca. Chaimi paicunapa fepash ashtahuan shinlliyarca (9. Jehovapa organizacionbi cambiocunata cazunaca ¿imamandata alipacha can? Shuj ejemplomanda parlapai.
9 Caimandaca ¿imatata yachajupanchi? Jehová Diospa organizacionbi ima cambiocuna tiajtaca tucui tucuitaca na intindi ushashunllu. Por ejemplo estudio personalpa, villachinapa, tandanajuipa celularta, tabletta utilizanaca nalishnallami ricurirca. Shinapash usharijpica chaicunata cunanbi utilizanaca alipachami cashca. Chaicunata utilizana ali cashcata yachaj chayashpaca, shinlli feta charichun, huauquipanicunahuanbash ashtahuan ali amigo cachunmi ayudan.
PUNDA TIEMPOPI HUAUQUICUNATACA ¿IMASHINATA CRISTOCA PUSHARCA?
10. Circuncisión nishcata ali intindichichunga ¿pita cuerpo gobernante huauquicunataca ayudarca?
10 Cornelio runaguca na judío carcachu. Paica na circuncisionda rurashcachu carca. Cornelio runaguca ña 13 huatacunatami Jesusta catijurca. Chai jipami, huaquin judiocunaca circuncisión nishcata ruranaca minishtirishcapachami can ninajurca (Hech. 15:1, 2). Circuncisión nishcamandami Antioquía llactamanda huauquicunaca paicunapura culirarinajurca. Chaimi paicunaca apóstol Pablo Jerusalén llactaman rishpa cuerpo gobernante huauquicunahuan parlachun cacharca. Shinaca apóstol Pabloca “Dios ricuchijpimi, vichai” rirca. Chaica ricuchinmi, circuncisionda ruranata o na ruranata ali intindichun Jesús ayudashcata (Gál. 2:1-3).
Cristomi punda tiempopi huauquicunata ayudarca. (Párrafo 10, 11ta ricupangui).
11. a) Judiocunaca circuncisionmandaca ¿imatata pensashpa catirca? b) Jerusalén llactamanda ancianocunataca ¿imashinata apóstol Pabloca cazurca? (Notata ricupangui).
11 Jesuspa ayudahuanmi na judiocunaca circuncisionda na rurana minishtirishca cashcata ali intindirca (Hech. 15:19, 20). Shinapash ashtaca huatacuna jipaca ashtaca judiocunaca paicunapa churicunata circuncisión nishcata rurashpami catirca. Cutin Jerusalén llactamanda ancianocunaca apóstol Pablo Moisesman cushca Leyta na cazujushcatami yachaj chayarca. Chaimi ancianocunaca Moisesman cushca Leyta cazujushcata ricuchichun apóstol Pablotaca mandarca (Hech. 21:20-26). * Shinaca “Moisesman cushca Leyta” cazujushcata gentecunapa ñaupajpi ricuchingapaca chuscu jaricunatami Diospa Templo huasiman apana carca. Apóstol Pabloca pensanmanmi carca, chaita ruranaca nalishnallami can. Jesusta catij judiocunami circuncisionda ruranataca na ali intindi ushan nishpa. Ashtahuangarin apóstol Pabloca ancianocunapa nishcatami cazurca. Shinami humilde cashcata, huauquipura ali cangapaj munashcata ricuchirca. Shinapash, Jesús huañushca jipaca Moisesman cushca Leytaca ñana pactachinachu carca. Chaimi cashna tapurinchiman: “Circuncisionda ruranata o na ruranataca ¿imamandata Jesusca na uchalla intindichirca?” nishpa (Col. 2:13, 14, NM ).
12. Circuncisionda ruranata o na ruranataca ¿imamandata Jesusca na uchalla intindichirca?
12 Jehovapa organizacionbi mushuj entendimiento tiajpica huaquingunaca na ucha intindi ushanllu. Punda tiempopi Jesusta catij judiocunaca circuncisionda ruranata o na ruranata na ucha intindi usharcachu (Juan 16:12). Chaita na ruranaca huaquingunapaca Taita Dioshuan nali cashcashnami carca (Gén. 17:9-12). Cutin shujcunaca pensashcangami, circuncisionda na rurajpica shuj judiocunaca llaquichingami nishpa (Gál. 6:12, NM ). Shinapash circuncisionmanda ali intindichingapami apóstol Pabloca congregaciongunaman cartacunata escribishpa cacharca. Shinami Jesusca paicuna ali intindichun ayudarca (Rom. 2:28, 29; Gál. 3:23-25).
CRISTOCA CUNANGAMANMI CONGREGACIONDA PUSHAJUN
13. Cunan tiempopica ¿imashinata Jesustaca apoyana capanchi?
13 Jehová Diospa organizacionbi cambiocuna tiajpi na tucuita ali intindishpaca punda tiempopi Taita Diosta sirvijcunata Jesús imashina ayudashcatami yarina capanchi. Apostolcunapa punllacunapi, Josuepa punllacunapi Jesús imashina ayudashcata yachaj chayanami shinlli feta charichun, huauquipanicunahuan ali cachun ayudan (Heb. 13:8).
14-16. ¿Imashinata Jesusca ‘aliguta cazushpa, aliguta yarishpa sirvij’ esclavohuan ayudajun?
14 ‘Aliguta cazushpa, aliguta yarishpa sirvij’ esclavomi cunanbica minishtishca tiempopi imatapash ali intindichin (Mat. 24:45). Shinami Jesusca juyashcata, Taita Diosta sirvishpa catichun ayudajushcata ricuchin. Cunanga Marc, paipa chuscu huahuacunamanda yachajupashun. Paica ninmi: “Diabloca, huauquipanicuna tucui shunguhuan Jehovata sirvichunga na munanllu. Chaimandami familiacunata imapash jarcaicunata churan. Chaimi cada semana Familiahuan Adorana Tutata charinaca ali can. Shinaca cusami familia ucupi Jehová Diosta sirvishpa catichun ricuriana can” nishpa
15 Shinaca Jesusmi cunanbipash ñaupaman pushajun. Shinami ñucanchi fe ashtahuan shinlli tucuchun ayudajun. Patrick anciano huauquica ninmi: “Sabadota o domingota huaquingunalla villachingapaj llujshishpami huaquin huauquipanicunaca llaquilla sintirin carca. Masqui huaquingunalla llujshijpipash Jesús ñaupaman pushajushcatami cuenta japirca. Pingaimanda o manllaita charimanda na villachingapaj llujshijcunatapash Jesús cuidajushcatami cuenta japirca. Chaimandami paicunaca Jehová Diosta ashtahuan sirvi ushashcamanda ali sintirin” nishpa.
16 Jesusca Jehová Diosta sirvichunllaca na ricuriajunllu. Ashtahuangarin Diospa Reinomanda ashtahuan villachichunmi ayudajun (Marcos 13:10, liingui). André huauquica chairallami anciano shina sirvijun. Paica Jehová Diospa organizacionba mushuj instruccionguna tiajtami siempre ricuriajun. Paica ninmi: “Sucursalcunapi huaquin huauquipanicunata llujchijta ricushpaca ña tucurimui punllacunapi causajushcatami cuenta japini. Chaica yarichinmi ashtahuan Jehová Diosmanda villachina cashcata” nishpa.
CRISTOTA TUCUI SHUNGUHUAN APOYAPASHUNCHI
17, 18. Jehovapa organizacionbi cambiocuna ñucanchipallata ali cashcata yarinaca ¿imamandata ali can?
17 Mandaj Cristopa nishcacunami cunan punllapipash, shamuj punllacunapipash ali causaiguta charichun ayudanga. Shinaca ima cambiocuna tiajpipash chai cambiocunata cazuna ñucanchipallata ali cashcata pensaripashunchi. Shinallata tandanajuipa, villachinapa ima cambiocuna tiashcataca ¿nachu Familiahuan Adorana Tutapi yachajunaca ali canman? Chai cambiocuna imashina ayudashcatapash yachajunaca ¿nachu ali canman? Chaicunamanda yachajunami ñucanchillata cushilla sintirichun ayudanga.
Ñucanchi familiata, huauquipanicunatapash Jehová Diospa organizacionda apoyachun ayudapashunchi. (Párrafo 17, 18ta ricupangui).
18 Jehovapa organizacionbi cambiocuna ñucanchipallata ali cashcata yarinami, tucui shunguhuan apoyashpa catichun ayudanga. Pundaca tucuilla publicaciongunatami imprimin carca. Shinapash cunan tiempopica celularta, tabletta, computadorata utilizashpami ñana pundashna imprimin. Culquitapash ashtahuan ahorrai ushashca. Shinami ashtaca gentecunaman ali villaicunata villai ushashca. Shinaca ¿nachu ñucanchicunapash celularpi, tablet nishcacunapi videocunata, grabashca publicaciongunata descargashpa utilizana capanchi? Shina rurashpaca Jesushnami Jehovapa organizacionbi ima cambiocuna tiashcata aliman chasquijushcata ricuchishun.
19. Jesuspa nishcacunataca ¿imamandata apoyana capanchi?
19 Jesuspa nishcacunata apoyanaca shinlli feta charichun, huauquipanicunahuan ali cachunmi ayudan. Párrafo 16pi parlashca André huauquica mundo enteropi sucursalmanda huaquin huauquipanicuna llujchi tucushcamanda parlashpaca nircami: “Sucursalmanda llujchi tucushca huauquipanicuna cambiocunata aliman chasquishcata ricushpaca paicunata respetachun, Cristopi ashtahuan confiachunmi ayudahuashca. Jehovata maipi sirvina cajpipash paicunaca cushijushcami sirvinajun. Shinami chai huauquipanicunaca Jehovapa organizacionda apoyajushcata ricuchishca” nishpa.
CRISTOPI FETA CHARISHPA, PAIPI CONFIASHPA CATIPASHUNCHI
20, 21. a) ¿Imamandata mandaj Jesuspi confiana capanchi? b) Cati temapica ¿imatata yachajupashun?
20 Ñucanchita mandaj Jesusca ñallami tucuita ‘mishanga’ (Apoc. 6:2; Sal. 45:4). Jehová Diosca cunanmandami ñucanchicuna paraíso alpagupi imashina causanata yachachijun. Huañushca gentecuna causarijpimi paicunamanga Jehovamanda yachachishun. Shinallata cai alpa shuj paraíso alpagu tucuchunmi ayudashun.
21 Ima pasajpipash Jesuspi confiashpa catijpimi Jesusca paraíso alpaguman yaicuchun ñucanchitaca ayudanga (Salmo 46:1-3, liingui). Huaquinbica na yashcapimi Jehová Diospa organizacionbica imapash cambiocuna tianlla. Chai cambiocuna ñucanchi causaita cambiajpimi cazunaca shinlli ricurin. Imapash cambiocuna tiajpica ¿imashinata Jehová Diospi tucui shunguhuan confiashcata, na yapata preocuparishcata ricuchi ushapanchi? Chaitami cati temapi ashtahuan yachajupashun.
^ par. 4 Mateo 23:10 (MTQI ): “Cangunata Quishpichij Cristo cajpimi, Mandajtaca ñucallata charinguichi”.
^ par. 8 Jericó llacta tucuchishca jipaca, arqueologocunaca ashtaca chaquishca granocunatami tarirca. Chaica ricuchinmi alipacha macanajuj israelitacuna chai llactata na unaita muyushcata. Shinallata Jericopi causajcunaca micunatapash na tucuchishcata. Chai llactapi ima puchushcatapash israelitacunaca nimata na apanachu carca. Chai punllaca ashtaca granocunata cosechana tiempomi carca. Chaipimi israelitacunaca chai llactata mishanaca alipacha carca (Jos. 5:10-12).
^ par. 11 15 de marzo de 2003 La Atalaya revistapa página 24pi “Pablo afronta con humildad una prueba” nishcata ricupangui.