Libre causaita cuj Jehová Diosta sirvipashunchi
“Jehovapa espirituhuan causajpica huatashcashna cashcamandaca cacharichi tucungami” (2 COR. 3:17, NM).
1, 2. a) Apóstol Pablopa tiempopi gentecunaca ¿imamandata preocuparishca carca? b) Apóstol Pablo nishca shinaca libre causaitaca ¿pita cui ushan?
ROMA llactamanda gentecunaca chai llactapa leycunata pactachichun, ali cachun, libre causaita charichunmi imacunatapash ruran carca. Chai cosascunata rurashpami jatun tucushca sintirin carca. Shinapash Roma llactaca esclavocunata shinllita trabajachishpami, chai llactaca rijsishca jatun llacta tucurca. Shuj viajecarin chai llactamandaca 30% gentecunami esclavocuna carca. Chaimi chai llactapi Jesusta ali catijcuna, shuj gentecunapash preocuparishca cashcanga.
2 Apóstol Pabloca tauca viajecunatami libre causanamanda parlarca. Shinapash chai tiempopi tiashca problemacunata arreglangapaj munaimandaca na parlarcachu. Ashtaca gentecunami chai problemacunataca arreglangapaj munan carca. Shina cajpipash apóstol Pablopash, shuj huauquipanicunapash Diospa Reinomanda ali villaicunata villachingapami esforzarirca. Shinallata Jesús huañushpa tucuicunata salvashcata intindishpa 2 Cor. 3:17, NM).
alicachichunbashmi Jesusta ali catijcunaca gentecunata ayudarca. Libre causaita Jehová Dioslla cui ushashcatami apóstol Pabloca shuj huauquipanicunamanga intindichirca. Chaimi Corinto llactamanda huauquipanicunamanga cashna nirca: Jehová Diosca shuj espiritumi can. “Jehovapa espirituhuan causajpica huatashcashna cashcamandaca cacharichi tucungami” nishpa (3, 4. a) 2 Corintios 3:17pa punda versocunapica ¿imatata apóstol Pabloca parlarca? b) Jehová Dios cushca libre causaita ali utilizangapaca ¿imatata rurana capanchi?
3 Sinaí urcupi Jehová Diospa angelhuan parlashca jipa Moiseshuan ima tucushcatami, apóstol Pabloca Corintios libropi escribirca. Moisespa ñavica punchapambami carca. Chaita ricushpami israelitacunaca manllarirca. Chaimi Moisesca shuj telahuan paipa ñavita quilparirca (Éx. 34:29, 30, 33; 2 Cor. 3:7, 13). Apóstol Pabloca nircami, pipash Jehovaman tigrashpaca ‘telata anchuchishcashnami’ can nishpa (2 Cor. 3:16). Apóstol Pabloca ¿imatata ningapaj munarca?
4 Imashinami punda temapi ricuparcanchi, Jehová Diosllami tucuita decidi ushan. Paimi tucuita rurarca. ‘Jehovapa espirituhuan causashpaca huatashcashna cashcamandaca cacharichi tucushunmi’. Shinaca libre causaita Jehová Dios cuchunga paihuanmi ali amigo tucuna capanchi. Shinapash israelitacunaca paicunapa yuyaita, shunguta shuj telahuan quilpashcashnami carca. Chaimi Jehová Dios shina yuyanapa randica Jehovata na rijsi gentecunashna yuyai callarica. Paicunaca paicunapa munaita rurashpa causangapami libre causaita charingapaj munarca (Heb. 3:8-10).
Esclavo cashpa o carcelpi cashpapashmi libre sintiri ushan
5. a) Jehovapa espirituca ¿imashina causaitata cun? b) Esclavo cashpa o carcelpi cashpapash libre sintiri ushashcataca ¿imashinata yachapanchi? c) ¿Ima tapuicunatata yachajupashun?
5 Jehovapa espíritu cushca libre causaica nimahuan na igualanllu. Jehovallami juchamanda, huañuimanda quishpichita ushan. Shinallata panda religionda, chai religionba costumbrecunata saquichunbashmi ayudan. Shina libre causaitaca nipipash na cui ushanllu (Rom. 6:23; 8:2). Chai libre causaica aligupachami can. Esclavo cashpa o carcelpi cashpapashmi libre sintiri ushan (Gén. 39:20-23). Nancy Yuen shuti pani, Harold King huauquica paicunapa crishcacunamanda carcelpi cashpapashmi libre sintirirca. Paicunaca ashtaca huatacunatami carlcelpi carca. Chaitaca JW Broadcasting (VIDEOCUNA > ENTREVISTACUNA, EXPERIENCIACUNAPASH > LLAQUICUNATAMI CHIMBAPURAN nishca partepi ricupangui). Shinapash Dios cushca libre causaita alicachishcataca ¿imashinata ricuchi ushapanchi? Chai causaitaca ¿imashinata ali utilizai ushapanchi? Cai tapuicunamanda yachajupashunchi.
DIOS CUSHCA LIBRE CAUSAITA ALICACHISHUNCHI
6. Israelitacunaca ¿imashinata Jehová cushca libre causaita na valichishcata ricuchirca?
6 Pipash shuj valishca regalota carajpica tucui shunguhuanmi agradicinchi. Jehová Diosca israelitacunata Egipto llactamanda llujchishpami shuj regalota caraj cuenda libre causaita curca. Shinapash Egipto llactamanda llujshishca huaquin quillacuna Núm. 11:5, 6, 10; 14:3, 4). Caimandaca ¿imatata yachajupanchi?
jipallami, Egipto llactamanda micunacunata munashpa Jehová Dios carashca micunamanda quejari callarirca. Egipto llactaman cutin tigrangapami munanchi ninajurca. Israelitacunapaca pepinocunata, sandiacunata, puerro nishcacunata, cebollacunata, ajoscunata micunami Jehová Diosta adoranamandaca ashtahuan yali valishca carca. Chaimi Jehová Diosca israelitacunahuanga ninanda culirashcanga (7. a) 2 Corintios 6:1pi shimicunataca ¿imashinata apóstol Pabloca pactachirca? b) ¿Imashinata ñucanchipash chai shimicunata pactachi ushapanchi?
7 Jesuspa causaita cushpami Jehová Diosca tucuicunaman shuj libre causaita curca. Chai causaita valichishpa causachunmi apóstol Pabloca Jesusta ali catijcunataca animarca (2 Corintios 6:1, liingui). Apóstol Pabloca huañuipa esclavoshna caimanda, juchayu caimandaca ninandami llaquirirca. Shinapash apóstol Pabloca paipa nishcacunata yarishpami cashna nirca: “Ashtahuangarin ñuca Taita Diostami, ñucanchi Apunchi Jesucristomandaca pashi nijuni” nishpa. ¿Imamandata shina nirca? Paillatami cashna nirca: “Cristo Jesushuan shujlla tucushcamanda, causaita causagrinata caraj Diospaj espiritumi, juchata rurashcamanda huañushpa chingagrichun ñucata mandajujmandaca cacharichihuarca” nishpa (Rom. 7:24, 25; 8:2). Ñucanchicunata juchamanda, huañuimandapash quishpichishcataca tucui shunguhuanmi Jehová Diosta agradicina capanchi. Jesuspa causaita cushpa ñucanchita quishpichishcamandami limpio concienciahuan Jehovata sirvi ushapanchi (Sal. 40:8).
Jehová Dios cushca libre causaitaca ¿imashinata utilizanajunchi? (Párrafo 8-10 ricupangui).
8, 9. a) Apóstol Pedroca ¿ima consejotata curca? b) ¿Imacunamandata cuidarina capanchi?
8 Imata ruranata ñucanchillata agllachun saquishcamanda Jehovata agradicishca jahuapash, alimi causana capanchi. Apóstol Pedroca nircami, chai libre causaitaca nalicunata rurangapaca na utilizanachu canguichi nishpa (1 Pedro 2:16, liingui). Chai shimicunaca israelitacunahuan ima tucushcata yarichunmi ayudan. Apóstol Pedropa consejotaca ñucanchicunami ashtahuan minishtinchi. Cunanbica ropahuan, micunahuan, ufianahuan, diversiongunahuan, shuj cosascunahuanmi Diabloca gentecunata pandachingapaj munan. Na minishtishca cosascunata randichunmi propagandacunapica juyailla gentecunata utilizan. Caicunamandami ñucanchica cuidarina capanchi. Shinallata Jehová cushca libre causaita ali utilizangapami esforzarina capanchi.
9 Estudianapi, trabajanapi ali decidichunmi apóstol Pedropa consejoca ayudan. Por ejemplo, huaquin jovengunataca universidadpi estudiachunmi gentecunaca animan. Universidadcunapi estudiashpaca ali trabajocunata charishpa ashtaca culquita chari ushangui nishpami crichin. Universidadpi estudiashpa ashtaca culquita chari ushanatami ricuchin. Cutin colegiotalla estudiashpaca ashalla culquita charinatami ricuchin. Jovengunapaca ashtahuan estudiana alishnalla ricurijpimi paicunaca nali decisiongunata agllashca. Shinaca ¿imatata jovengunapash, taitamamacunapash yarina can?
10. Ñucanchi causaipi decidina cashpaca ¿imatata yarina capanchi?
10 Huaquin gentecunaca ninmi, concienciapi ali sintirishpaca ñucanchillatami imatapash decidina canchi nishpa. Chai gentecunaca apóstol Pablopa shimicunata yarishpami shina ninga. Apóstol Pabloca nircami: “Ñuca imatapash rurai ushanalla cajpipash, ¿imashpata shujpaj yuyaimandalla nalicachishca canga?” nishpa (1 Cor. 10:29). Ashtahuan estudianata o ñucanchi causaipi imata ruranata decidi ushashpapash Jehová Dios ayudachunmi minishtinchi. Shinallata imata decidishpapash ñucanchipa alipa o nalipa cashcatami yarina capanchi. Chaimi apóstol Pabloca nirca: ‘Imatapash rurai ushanillami, ashtahuangarin napacha tucuilla alichu. Imatapash rurai ushanillami, ashtahuangarin crijcunataca na tucuilla shinllichi ushanllu’ nishpa (1 Cor. 10:23). Cai shimicunaca ñucanchi munaicunata huashaman saquishpa ali decisiongunata agllachunmi ayudan.
JEHOVATA SIRVISHPAMI LIBRE CAUSAITA ALI UTILIZASHUN
11. ¿Imatata Jehová Diosca munan?
11 Apóstol Pedroca libre causaita imashina ali utilizanatami ricuchirca. Chaipaca ‘Taita Diostami sirvina’ capanchi. Imashinami ricupanchi, Jehová Diosca Jesuspa causaita cushpami juchamanda, huañuimandapash ñucanchitaca salvarca. Chaimi Jehová Diosca ñucanchi tucui causaipi paita sirvichun munan.
Ñucanchi tiempota, fuerzatapash Jehovata sirvingapaj utilizashpami libre causaita ali utilizashcata ricuchishun
12. Noemanda, paipa familiamandapash ¿imatata yachajupanchi?
12 Ñucanchi tiempota, fuerzatapash Jehovata sirvingapaj utilizashpami libre causaita ali utilizashcata ricuchishun. Shinami ñucanchi munaicunata, cai mundopi imapash ruraicunata saquishpa espiritual cosascunata pundapi churashun (Gál. 5:16). Cunanga Noemanda, paipa familiamandapash ricupashunchi. Noepash, paipa familiapash nali millai gentecunapurapi causashpapash, na chai gentecunashna carcachu. Paicunataca ¿imata ayudarca? Jehová Dios mandashcata pactachishpa causanami paicunataca ayudarca. Jehová Diosca Noetaca shuj arcata rurashpa paicunapapash, animalcunapapash micunata alichichun, nali gentecunata ñallami tucuchinga nishpa villachichunbashmi mandarca. Bibliapica ninmi: “Shina nijpimi Noé runaca, Taita Dios imashna mandashcashnallata tucuita rurarca” nishpa (Gén. 6:22). Shina ruraimandami Noepash, paipa familiapash salvarirca (Heb. 11:7).
13. Jehová Diosca ¿imatata ñucanchicunamanga mandashca?
13 Cutin ñucanchimanga ¿imatata Jehová Diosca mandashca? Gentecunaman villachichunmi mandashca. Jesusta ali catijcunaca chaitaca alimi yachanchi (Lucas 4:18, 19, liingui). Cunanbica panda religionhuan, charishca cosascunahuan, gobiernocunahuanmi Diabloca gentecunataca pandachin (2 Cor. 4:4). Ñucanchicunaca Jesuspa ejemplota catishpami gentecuna Jehovata rijsishpa, Jehovata sirvichun ayudanchi. Jehovallami libre causaita cui ushan (Mat. 28:19, 20). Chaita pactachinaca huaquinbica shinllimi can. Huaquin llactacunapica villachijpica na uyangapaj munanllu. Huaquinbicarin gentecunaca culiraitarami culiran. Chaimandami cashna tapurina capanchi: Diospa Reinota ashtahuan apoyangapaca ¿imata rurai ushani? nishpa.
14, 15. Jehová Diosta ashtahuan sirvingapaca ¿imatata ashtaca huauquipanicunaca rurashca? (Callari fotocunata ricupangui).
14 Tucurimui punllacunapi causanajuimandami Jehovata ashtaca sirvijcunaca, minishtirishca cosascunahuanlla causashpa tiempo completopi sirvinajun. Chaita ricushpaca ninandami animaripanchi (1 Cor. 9:19, 23). Huaquin huauquipanicunaca paicunapa congregacionbillatami Jehovata ashtahuan sirvinajun. Cutin shujcunaca villachijcunata minishtijuj llactacunamanmi rishca. Chaimi cai último 5 huatacunapica 250 mil yali huauquipanicuna tiempo completopi Jehovata sirvinajushca. Cunan punllacunapica 1 millón 100 mil yali huauquipanicunami tiempo completopi sirvinajun. Ashtacacuna Jehovata shina sirvinajujta ricushpaca ninandami cushijupanchi (Sal. 110:3).
15 Chai huauquipanicuna tiempo completopi sirvichunga ¿imata animarca? John shuti huauquipa, Judith shuti panigupa ejemplomanda ricupashunchi. Paicunaca 30 huatacunatami shuj shuj llactacunapi sirvinajushca. Precursorcunapa Escuela 1977 huatapi callarishcatami yuyarin. Chai horasmandapacha tucui precursorcunata shuj congregaciongunapi sirvigrichun animashcatapashmi paicunaca yuyarin. John huauquica ninmi, tiempo completopi sirvishpa catingapaj, minishtirishca cosascunahuanlla causangapami tauca viaje trabajota cambiana tucurcani nishpa. Tiempohuanga shuj llactacunapimi paicunaca villachingapaj rirca. Shuj shimita, shuj costumbrecunata yachajuna, chiri chiri o cunuj cunuj llactacunapi sirvina shinlli cajpipash, paicunataca ¿imata ayudarca? Jehovata mañana, paipi confianami chaicunata mishashpa Jehovata sirvishpa catichun ayudarca. Chai tucui huatacunata Jehovata shina sirvishcamandaca ¿imashinata paicunaca sintirin? John huauquica ninmi: “Jehovata shina sirvishcamandaca ninandami cushijuni. Jehová Diostapash ashtahuan rijsishpami shuj juyaj taitatashna ricui ushashcani. Cunanmi Santiago 4:8pi shimicunataca ali intindini. Chai textopica ninmi: “Taita Diospajman quimirichi. Shina quimirijpica, paipash cangunapajman quimiringami” nishpa. Ciertopacha cushilla causaitami tarishcani” nishpa.
16. ¿Imashinata ashtaca huauquipanicunaca paicunapa libre causaita utilizashca?
16 Huaquingunaca paicunapa causaipi imapash cambiocuna tiajpimi unaitaca na tiempo completopi sirvi ushashca. Shinapash shuj huauquipanicunaca mundo enteropi Tandanajui Huasicunata o Jatun Tandanajui Huasicunata shayachingapami ayudangapaj rishca. Por ejemplo, 27 mil huauquipanicunami Nueva York llactapi Warwick Jatun Betelta shayachichun ayudarca. Huaquingunaca ishcai semanata o tauca quillacunatami ayudarca. Cutin shujcunaca shuj huatata o huata yalitapashmi ayudarca. Ashtaca huauquipanicunaca paicunapa munaita saquishpami shina ayudaita ushashca. Chai huauquipanicunaca Jehovata jatunyachingapaj, paicunapa causaita ali utilizashcamandami shuj alipacha ejemplo can.
17. Jehová Dios cushca libre causaita ali utilizajcunaca ¿imatata shamuj punllapica chasquinga?
17 Jehová Diosta rijsishcamanda, paita adorai ushashcamandaca ninandami agradicinchi. Chaimi imata decidishpapash Jehová Dios cushca libre causaita alicachina capanchi. Chaipaca Jehová Diosta tucui shunguhuan sirvingapami esforzarina capanchi. Shina rurashpaca Jehová Dios carasha nishca bendiciongunatami chasquishun. Bibliapica ninmi: ‘Dios rurashca ima tiajcunatapash, yanga yanga ismushpa tucurinamandaca, paillata cacharichingami. Paipa huahuacuna punchapambapi causagrichun, paillata cacharijpimi cachariringa’ nishpa (Rom. 8:21).