Cai quillacunapica Villajun revistapica cai temacunatami yachajupashcanchi. Imata yachajushcata yarishpa contestapai:

¿Jehová Dioshnachu huarmigucunataca tratapangui?

Jehová Diosca huarmicunata y jaricunatapash igualmi tratan. Jehová Diosca huarmigucunataca alimi uyan. Paicuna ima problemata charishcata, imashina sintirishcata ali intindishpami preocuparin. Shinallata Jehová Diosca paicunaman cushca responsabilidadta aliguta pactachinatami confian (w24.01, páginas 15 y 16).

Efesios 5:7​pi nishca shimicunataca ¿imashinata pactachita ushapanchi?

Apóstol Pabloca Jehová Diospa mandashcacunata na cazuj gentecunahuanga na llevarinachu canguichi nishpami advirtirca. Chaimandami redes socialeshuanbash cuidadota charina capanchi (w24.03, páginas 22 y 23).

¿Ima llulla informaciongunatata na ricuna capanchi?

Shuj ali amigo imapash informacionda cachamujpi, na rijsishca persona shuj correopi shuj informacionda cachamujpimi cuidadota charina capanchi. Shinallata apostatacunapa informacionmandapashmi cuidarina capanchi (w24.04, página 12).

Rey Salomonda, Sodoma y Gomorrapi huañushca gentecunata, Ninan Manllanai Tamiapi huañushca gentecunataca Jehová Diosca ¿imashinata juzganga?

Jehová Dios paicunata para siempre tucuchishcataca na yachanchichu. Shinapash Jehová Dios llaquij Dios cashcamanda pai ali juzganataca alimi yachapanchi (w24.05, páginas 3 y 4).

Jehová Dios ñucanchipa pacajuna rumishna cashcata yachashpaca ¿imatata yachajupanchi? (Deut. 32:4).

Jehová Diosca ñucanchicunapaca shuj pacajuna pushtushnami can. Jehová Diosca paipa tucui nishcacunata pactachi cashcamandami paipi confiaita ushapanchi. Shinallata imata rurasha nishcatapash pactachijmi can (w24.06, páginas 26 a 28).

¿Imashinata shuj mushuj congregacionbica yacharita ushapanchi?

Punda tiempopi paipa sirvijcunata ayudashcashnallata ñucanchita ayudanapimi confiana capanchi. Punda cashca congregacionhuanga na comparanachu capanchi. Mushuj congregacionba ruraicunatami apoyana capanchi. Shinallata mushuj amigocunata charingapami esforzarina capanchi (w24.07, páginas 26 a 28).

Mateo capítulo 25​pi parlashca quimsa chimbapuraicunamandaca ¿imatata yachajupanchi?

Llamagucunamanda y chivocunamanda parlashca chimbapuraica Jehová Diosta cazuna cashcatami yachajupanchi. Cutin 10 soltera huarmigucunamandaca listo y preparados canatami yachajupanchi. Talento culquimanda chimbapuraipica trabajadorcuna cashcatami yachajupanchi (w24.09, páginas 20 a 24).

Salomonba templopa corredorca ¿ima medidatata charirca?

Huaquin traducciongunapica templopa corredorca 53 metro de altotami charin nin. Pero shuj traducciongunapica 9 metro de altota charijtami nin. Pircacunapa ancho 2,3 metrota midimandami 9 metro de altota midin nipanchi (w24.10, página 31).

¿Imashinata 1 Timoteo 3:12​pi shimicunataca siervo ministerialcunaca pactachina can?

Siervo ministerial huauquicunaca shujlla huarmihuanmi cazarashca cana can. Shinallata huainayana juchamandami cuidarina can. Shuj huarmicunahuanbash na yapata asirijunachu can (w24.11, página 19).

¿Imamandata Cena del Señorta rurangapaca Juan 6:53​pi shimicunata na catishpa rurashcataca yachapanchi?

Juan 6:53​pica Jesusca paipa cuerpota micunata y paipa yahuarta ufianamandami parlajurca. Cai shimicunataca huata 32​pimi Galilea llactamanda judiocunaman nirca. Paicunaca Jesuspica na crircachu. Shinapash Cena del Señorpi cuerpomanda y yahuarmanda parlashpaca Jesushuan jahua cieloman mandangapaj reycunamanmi nirca (w24.12, páginas 10 y 11).