Apóstol Pabloca Timoteomanga cashna nishpami escribirca: “Taita Diospa ñaupapi, Cristo Jesuspa ñaupapi y agllashca angelcunapa ñaupapimi quiquindaca claritota mandani, nara imatapash decidishpallatami, aliguta ricushpa ñuca imata mandashcataca tucuicunapa igual pactachina cangui” (1 Tim. 5:21). ‘Agllashca angelcunaca’ ¿picunata can?

Apóstol Pabloca 144 mil ungidocunamandaca na parlajurcachu. ¿Imamandata shina nipanchi? Apóstol Pablo, Timoteoman escribishca tiempopica ungidocuna y apostolcunapash jahua cielopi causangapaca nara causachi tucushcachu carca. Chaimandami paicunataca ‘agllashca angelcunami’ can nitaca na ushapanchichu (1 Cor. 15:​50-54; 1 Tes. 4:​13-17; 1 Juan 3:2).

Ninan Manllanai Tamiapi Taita Diospa contra tucushca angelcunapash na canllu. Chai angelcunaca Diablopa parte tucushpami Jesuspa contra tucurca (Gén. 6:2; Luc. 8:​30, 31; 2 Ped. 2:4). Shamuj punllacunapimi Jesusca Diablota y nali angelcunataca ucu ucu utujuman shitashpa mil huatacunata vichashpa saquinga. Jipaca Satanaspash y nali angelcunapashmi para siempre tucuchi tucunga (Jud. 6; Apoc. 20:​1-3, 10).

1 Timoteo 5:21​pica ‘agllashca angelcuna’ Taita Diospa y Jesuspa ñaupapi cashcatami parlan. Paicunaca cazuj angelcuna caimandami Taita Diosta y Jesusta ayudanajun.

Ashtaca ashtaca Jehová Diosta cazuj angelcunami tian (Heb. 12:​22, 23). Tucui angelcuna chai asignaciondallata pactachitaca na pensanachu capanchi (Apoc. 14:​17, 18). Shuj viajeca Jehová Diosca 185 mil soldado asiriocunata shuj ángel tucuchichunmi mandarca (2 Rey. 19:35). Jesusca shuj angelcunamanda parlashpaca paicunami “pandachishpa pecadopi urmachij gentecunatapash y nalita rurajcunatapash tandachishpa paipa Gobiernomanda llujchishpa cachanga” nirca (Mat. 13:​39-41). Cutin shuj angelcunaca ‘Taita Diospa agllashcacunata tandachishpami’ ayudanga (Mat. 24:31). Cutin shuj angelcunaca Salmo 91:11​pi nishcashnami ñucanchita cuidanajun (Mateo 18:10; 4:11 y Lucas 22:43​ta comparashpa ricupangui).

1 Timoteo 5:21​pi ‘agllashca angelcunaca’ congregacionda cuidana responsabilidadta charishcanga. 1 Timoteo 5​pica apóstol Pabloca ancianocunamandami parlajurca y huauquipanicunataca ancianocunata respetachunmi consejarca. Cutin ancianocunaca paicunapa responsabilidadtaca tucuicunata igual tratashpami aliguta pactachina can. Shinallata ima decisionda japishpapash aliguta ricushpami dicidina can. Porque Jehová, Jesús y ‘agllashca angelcunaca’ ancianocuna imashina congregacionbi huauquipanicunata cuidajtami ricujun. Huaquin angelcunaca congregacionda cuidana responsabilidadtami charin. Por ejemplo, huaquingunaca Jehová Diospa sirvijcunata cuidashpa, predicacionbi ayudashpa, shinallata predicacionbi ima pasajujta Jehová Diosman villashpami ayudan (Mat. 18:10; Apoc. 14:6).