JERUSALÉN llactapi, Museo de las Tierras de la Biblia nishcapica shuj rumimi tian. Cai rumica más o menos 2 mil 721 huatacunamandami can. Cai rumitaca Hebrón (Israel) llactapimi shuj cuevapi tarirca. Cai cuevataca huañushcacunata pambangapami ocupan carca. Chai rumipica cashna nishpami escribishca tiajun: “Hagav shuti jaripa churi Hagaf shuti jarica, Yahweh Sabaotpa ñaupapi ninanda nalicachishca cachun”. Cai rumipi escribishcacunaca Biblia cabalta yachachijtami apoyan. Chaipica Diospa shuti Jehová o Yahweh rijsishca cashcatami ricuchin. Bibliata escribishca tiempocunapica hebreo shimipi YHWH letracunahuanmi Taita Diospa shutitaca escribin carca. Shuj cuevacunapipashmi cashna escribishcacunataca tarishca. Cai cuevacunamanga tandanajungapaj o pacajungapami rin carca. Cai cuevacunapa pircacunapica Jehová shutita, shinallata Jehovapa shutita gentecunapa shuticunahuan chapushpa escribishca tiajujtami tarishca.

Idiomacunata estudiaj Rachel Nabulsi shuti profesoraca, cai cuevacunapi escribishcacunamanda parlashpaca caitami nirca: ‘YHWH shuti cutin cutin cai cuevacunapi, Bibliapa librocunapipash escribishca tiajujta ricushpaca Judá, Israel llactamanda gentecunapapash rijsishca shuti cashcatami ricuchin’. Bibliapica Diospa shuti YHWH letracunahuan hebreo shimipi tauca tauca viajecunata escribishcatami ricuchin. Shinaca Rachel Nabulsi shuti profesorapa nishcaca, Bibliapi cabalta yachachijtami ricuchin. Chai tiempocunapica, gentecunapa shuticunata churangapaca, Taita Diospa shutimanda letracunatami japin carca.

Callari parrafopi parlashca rumipica “Yahweh Sabaot” nishcami escribishca tiajurca. Cai shimicunaca “Tucuita Mandaj Jehová Dios” nisha ninmi. Cai rumipi shina escribishca tiajujta ricushpami Taita Diospa shutita, “Tucuita Mandaj Jehová Dios” nishca shimitapash Bibliata escribishca tiempocunapi talvez utilizan cashcata cuenta japipanchi. Shinallata “Tucuita Mandaj Jehová Dios” nishca shimitapash ocupan cashcata cuenta japipanchi. “Tucuita Mandaj Jehová Dios” nishca shimica, Escrituras Hebreaspica 250 yali viajecunatami ricurin. Caicunamanda la mayoriaca Isaías, Jeremías, Zacarías librocunapimi ricurin.