JEHOVÁ DIOS carashca alpapi causaj judío gentecunapaca paicunapaca huataca alpacunata yapushpa, tarpui callari horasmi callarin carca. Cunan punllapi cashpaca entre septiembre y octubre quillacunapimi can.

Lunapi ricushca calendarioca 12 mesescunata charishpapash huaquin quillacunaca 29 punllacunata, cutin huaquin quillacunaca 30 punllacunata charishcamandami indipi ricushca calendariohuan ricujpica huataca ashtahuan menos carca. Cai calendariocuna ishcandi igualarichun munashpami gentecunaca shuj shuj cosascunata rurashca. Cai calendario igualarichunga quillacunapimi huaquin punllacunata mirachishpa cuentan carca. Shinallata huata nara callarijpillatami shuj quillatapash mirachishpa cuentai callarin carca. Shinami cai ishcandi calendariocunatallata tamia tiempocunahuan, huaira tiempocunahuan, indi tiempocunahuan tarpungapaj, cosechangapaj punllacunapi igualarichun rurarca.

Moisespa tiempocunapica Jehová Diosca paipa llactataca paita adorana huataca nisán quillapimi callarina can nishpami yachachirca. (Éx. 12:2; 13:4) Cai quillapi callari fiestacunaca cebadata cozechaj tiempocunapimi carca (Éx. 23:15, 16).

Punda tiempopi causashca gentecunamanda estudiashca Emil Schürer jarica paipa libro Historia del pueblo judío en tiempos de Jesús (175 B.C.–A.D. 135) nishcapica: “Ima hora quillacunata aumentana cashcata ricungapaca, Pascua fiestacuna ima punllapacha chayanata ricushpami quillacunata mirachinata o na mirachinata ricun carian. Pascua fiestacunataca Nisán quillapi luna llena tiajpimi festejan carian. 14 de Nisanga siempremi equinoccio de primavera nishca punlla jipa pactana carca. Pero na shina pactajpica Nisán quilla nara chayajpillatami shuj quillata mirachin carian” ninmi.

Testigo de Jehovacunaca Jesús huañushca punllata 14 de nisán punllapi yaringapaca punda judío calendariocunapimi ricun. Nisán quillaca ñucanchi calendariopica entre marzo o abril quillacunapimi can. Shinami conmemoración ima punlla pactagrijujta ali ricushpa tucui congregaciongunaman villan. *

Shinapash judío gentecunaca ima punllapacha shuj quilla callarijta y shuj quilla tucurijtaca ¿imashinata yachan carca? Cunan punllacunapica ima punlla shuj quilla callarijta, ima punlla shuj quilla tucurijtaca calendariocunapi o ñucanchi celularcunapi tiashca calendariocunapi ñapash ricunchillami. Shinapash punda tiempopica quillacunata cuentangapaj librocuna o imapash calendarioca na fácil tiarcachu.

Noepa tiempocunapica quillacunaca 30 punllacunatami charirca (Gén. 7:11, 24; 8:3, 4). Shinapash jipamanga hebreocunapa calendarioca na siemprechu 30 punllacunata chari callarirca. Hebreocunapa calendarioca siempremi cada luna llujshishcapi callarin carca. Cada luna llujshishcamanda callarishpa cuentashpami luna tucuringacamanga huaquin quillacunaca 29 o 30 punllacunata charirca.

Shuj viajeca tanto David y Jonatanbashmi shuj quillamanda parlangapaca ‘cayapaca llullu lunami’ cagrin nishpa nirca (1 Sam. 20:5, 18). Más o menos 3022 huatacuna huashamanga gentecunaca quillacunataca anticipadamentemi yachan carca. Shuj israelitaca ¿imashinata ima hora shuj mushuj quilla callarijtaca yachan carca? Chaita yachangapaca judiocuna charishca Misná nishca libropimi asha informacionda ricuchijun. Cai libropica ricuchinmi que judiocuna Babilonia llactamanda Jerusalenman tigrashca jipacunamanga, judiocunata ñaupaman pushajcunaca día 30 del séptimo quillapimi tandanajun carca. Chaipimi cati quilla ima punlla callarijta decidingapaj tandanajun carca. Paicunaca shina decidingapaca ¿imashinata ruran carca?

Ima hora quilla callarijujta yachangapaca Jerusalenmanda huaquin jaricunaca alto partecunaman rishpami tutacuna lunata ricun carca. Shinami ima hora llullu luna callarijujta ricushpa israelitacunata ñaupaman pushaj judiocunaman villan carca. Shinami israelitacunata ñaupaman pushaj judiocunaca imahora llullu luna tianata seguro cashpa y suficiente pruebacunata charishpa ima hora quilla callarinata shujcunamanga villan carca. Cutin yapa fuyu tiashcamanda lunata na ricui pactashpaca cai quillaca 30 punllacunatami charinga nishpami villan carca. Y mushuj  quillaca cati punllami callarin nishpami villan carca.

Misná nishca libropica israelitacunata ñaupaman pushaj judiocuna ima hora shuj quilla callarigrijujta seguro cashpa, ña aliguta decidishca jipaca Jerusalén ladollapi Olivos shuti lomapi ninacunata rupachishpami ima hora quilla callarinataca villan carca ninmi. Chai tiempocunapica Jerusalén jatun alto partecunapi ninacunata prindishpami imapash villaicunataca villan cashca. Cutin jipacunamanga imatapash villana cashpaca gentecunatami villachun cachan carca. Shina villajpimi tucuicunallata ima hora quilla callarigrijujtaca igual yachashpa imata rurana cashpapash tucuicunallata chai fechapillata celebraita usharca.

Cai dibujocunami ima hora tamia punllacuna, indi punllacuna, imapash fiesta punllacuna cashcata intindichun, shinallata hebreocunapa calendariotapash ashtahuan intindichun ayudanga.