1. ¿Jehová Diosca ima esperanzatata ñucanchimanga cushca?

 JEHOVÁ Diosca ñucanchicunamanga para siempre causana esperanzatami cushca. Huaquingunaca cielopi nunca na huañuna cuerpohuan para siempre causana esperanzatami charin (1 Cor. 15:50, 53). Pero la mayoría gentecunami cai alpapi sano, cushilla para siempre causana esperanzata charin (Apoc. 21:3, 4). Jahua cielopi o cai alpapi para siempre causana esperanzata charishpapash tucuicunallatami cai esperanzata charimandaca cushillapacha sintiripanchi.

2. ¿Imamandata Jehová cushca esperanzapica confiaita ushapanchi?

² Jehová cushca esperanzaca ¿imata can? Bibliapi esperanza shimita utilizashpaca ali cosascuna pactarinata seguro canatami ricuchijun. Cai esperanzata Jehová Dios cushcamandami pactarinapacha cashcata seguro cai ushapanchi (Rom. 15:13). Jehová Diospa promesacunataca alimi rijsipanchi, paipa nishcacunata siempre cumplijtapash alimi yachapanchi (Núm. 23:19). Jehová Dios paipa nishcacunata pactachingapaj munajta y pactachingapaj poderta charijtapash seguromi capanchi. Taita Dios cushca esperanzaca na ñucanchipa shuj imaginacionllachu can. Cai esperanza ciertopacha y pactarinapacha cashcataca seguromi capanchi.

3. Cai temapica ¿imatata ricupashun? (Salmo 27:14).

³ Jehová Diosca ñucanchicunata juyaimandami paipi confiachun munan (Salmo 27: 14​ta liipangui). Jehová Dios cushca esperanzapi tucui shunguhuan confiashpaca ima llaquicuna ricurijpipash aguantashpa cushillami ñaupaman catita ushapashun. Cai temapica Jehová Dios cushca esperanzata charina imashina ayudajtami ricupashun. Pero primeroca Taita Dios cushca cai esperanzaca imamanda shuj ancla y umapi churajuna shuj casco cuenda cashcatami ricugripanchi. Jipaca cai esperanzapi ashtahuan confiangapaj imata ruranatami ricupashun.

4. Jehová cushca esperanzaca ¿imamandata shuj ancla cuenda can? (Hebreos 6:19).

⁴ Hebreo huauquipanicunaman apóstol Pablo shuj cartata escribijushpaca Taita Dios cushca esperanzataca shuj anclahuanmi compararca (Hebreos 6:19​ta liipangui). Apóstol Pabloca casi siempremi barcocunapi viajan carca. Chaimandami ancla gancho jirrucuna barcocuna yacupi ama undirichun ayudan cashcata yacharca. Shuj viaje apóstol Pablo barcopi rijujpimi mar yacuca ninanda jatarirca. Pabloca barcota manejajcunaca barco ama rumicunapi chocarichun ancla gancho jirrucunata yacuman shitajtami ricurca (Hech. 27:29, 39-41). Jehová Dios cushca esperanzaca shuj ancla jirru cuenda caimandami llaquicunata charijpipash Jehová Diosmanda ñucanchicuna ama caruyachun ayudan. Jipa punllacunapi cushilla causai ushanata seguro canami llaquicunatapash aguantashpa catichun ayudan. Jesusca ñucanchicunataca catiriashpami llaquichinga nircami (Juan 15:20). Chaimandami Jehová Dios carasha nishca promesapi pensarinaca Jehovata sirvishpa catichun ayudan.

5. Jesusca huañuna cashpapash ¿imatata seguro carca?

⁵ Jehová Dios cushca esperanzami llaquinaita huañuchi tucunata yachashpapash Jehovata tucuipi sirvishpa catichun Jesustaca ayudarca. Huata 33 Pentecostés punllapica apóstol Pedroca Salmo libromanda shuj profeciamandami parlarca. Chai profeciapica Jesús Jehovapi tucui shunguhuan confiashpa tranquilo cashcamandami parlajun. Chai profeciapica: “Taita Diospi confiashpami causasha. Quiquinga Huañushcacunata Pambana Pushtupica na saquihuanguichu. Quiquinda tucui devoción sirvishcamandami, ñuca cuerpo ismuchunga na saquipangui. […] Quiquinba ñaupapi cashpaca ninandami cushijuni” nijurcami (Hech. 2:25-28; Sal. 16:8-11). Jesusca huañuna cashcataca alimi yacharca. Shinapash Taita Dios paita causachinata y cielopi cutin causangapaj ri ushanataca seguromi carca (Heb. 12:2, 3).

6. Jehová cushca esperanzamandaca ¿imatata huauqui Leonardca nirca?

⁶ Jehová Dios cushca esperanzapi tucui shunguhuan confianami ashtaca huauquipanicunataca llaquicunata aguantashpa catichun ayudashca. Inglaterra llactamanda huauqui Leonard Chinnba ejemplota ricupashunchi. Cai huauquitaca Primera Guerra Mundialpi, guerraman na ringapaj munashcamandami carcelpi churarca. Huauquigutaca ishcai quillacunatami paitalla villashpa charinajurca. Chai jipaca shinlli trabajocunata rurachunmi obligarca. Tiempo jipaca huauquiguca chashnami escribirca: “Cashna llaquicunata aguantangapaca Taita Diospa promesacunapi tucui shunguhuan confiana importantepacha cashcatami cuenda japircani. Jesuspa, apostolcunapa, profetacunapa ejemplocuna y Bibliapi parlashca promesacunapashmi jipa punllacunapi cushilla causanata seguro cachun y llaquicunatapash aguantashpa catichun ayudan” nishpami escribirca. Jehová Dios cushca esperanzaca huauqui Leonardpaca shuj ancla jirru charijunshnami carca. Chai esperanzaca ñucanchitapashmi ayudaita ushan.

7. ¿Imamandata Jehová Dios cushca esperanzapica ashtahuan confiapanchi? (Romanos 5:3-5; Santiago 1:12).

⁷ Llaquicunata aguantangapaj Jehová Dios imashna ayudajujta ricushpa, paipa ñaupapi ali ricurijushcata yachashpami Jehová cushca esperanzapica ashtahuan confiapanchi (Romanos 5:3-5; Santiago 1:12​ta liipangui). Chairalla Bibliamanda yachajui callarishcahuan ricujpica cunanbimi Jehovapa promesacunapica ashtahuan confiapanchi. Satanasca problemacuna ricurijpi yapata llaquirichunmi munan. Shinapash Jehovapa ayudahuanga cai problemacunata mishashpa ñaupamanmi catita ushapanchi.

8. Jehová Dios cushca esperanzaca ¿imamandata umapi churajuna shuj cascoshna can? (1 Tesalonicenses 5:8).

⁸ Bibliapica Jehová Dios cushca esperanzaca umapi churajuna cascoshnami can ninmi  (1 Tesalonicenses 5:8​ta liipangui). Shuj soldadoca contracuna atacajujpi paipa umata protegingapami shuj cascota utilizan. Cutin Satanasca ñucanchicunataca nali yuyaicunata charichun, nalicunata rurachunmi munan. Chaimandami ñucanchi yuyaicunataca protegina capanchi. Imashinami shuj soldado paipa umata protegingapaca shuj cascota utilizan shinallatami Jehová Dios cushca esperanzaca ñucanchi yuyaicunata protegishpa Jehovata tucuipi sirvishpa catichun ayudan.

9. Jehovapa promesacunapi na crij gentecunaca ¿imashinata causan?

⁹ Para siempre causana esperanzata charinami ali decisiongunata agllachun ayudan. Shinapash ñucanchi munashcatalla ruranapi pensajushpaca Jehová cushca esperanzapica asha ashami confianata saquinchiman. Corinto llactamanda huauquipanicunahuan ima pasashcata ricupashunchi. Paicunaca huañushcacuna causarina esperanzapi crinatami saquishca carca (1 Cor. 15:12). Apóstol Pabloca huañushcacuna causarinapi na crijcunaca paicunapa munaitalla rurashpami causan nircami (1 Cor. 15:32). Cunan punllacunapipashmi ashtaca gentecunaca Taita Diospa promesacunapi na crishpa paicuna munashcatalla rurashpa causan. Pero ñucanchicunaca Jehovapa promesacunapica tucui shungumi confiapanchi. Jehová Dios cushca esperanzaca umapi churajuna shuj cascoshna caimandami ñucanchi munashcatalla rurashpa, Jehovamanda ama caruyachun ñucanchi yuyaicunataca protegin (1 Cor. 15:33, 34).

10. Jehová cushca esperanzaca ¿imashinata ayudan?

¹⁰ Jehová Dios cushca esperanzata shuj cascotashna churajunami, Jehovata sirvingapaj esforzarijpipash paica na cushilla sintirinllu nishpa ama pensachun ayudanga. Por ejemplo, huaquingunaca: “Ñucaca para siempre causaigutaca na chasqui ushashachu. Ñucaca siempremi pandarijuni. Jehová Dios munashcashna sirvitaca na ushashachu” nishpami pensaita ushan. Job runaguman paipa nali amigo Elifaz imata nishcata yaripashunchi. Elifazca, gentecuna Taita Diospa ñaupapi na ali ricuri ushanllu nishpami cashna nirca: “Runaca, mapa illaj cangapaca, ¿imatayari? Ricui, paipajlla causajcunatapash napacha yariajlla causanllu. Jahua pachapash paipaj ricuipica, napacha mapa illajchu” can nircami (Job 15:14, 15). Elifaz nishcaca na cierto carcachu. Satanasmi ñucanchicuna shina pandata pensachun munan. Jehová Diosta sirvina yangallatami can nishpa cutin cutin pensajushpaca Jehová cushca esperanzapimi asha asha confianata saquinchiman. Chaitaca Satanasca alimi yachan. Chaimandami cashna panda yuyaicunata ama charingapaca Jehovapa promesacunapi ashtahuan confiana capanchi. Jehová Diosca paita tucui sirvijcuna para siempre causachunmi munan. Y ñucanchicuna para siempre causachun paillata ayudanataca seguromi caita ushapanchi (1 Tim. 2:3, 4).

11. Jehová Diospa promesacuna pactarichunga ¿imamandata pacienciahuan shuyana capanchi?

¹¹ Jehovapa promesacuna na ucha pactarinllu nishpa pensaimandami huaquinbica chai promesacunapi tucui shunguhuan confiashpa catinaca difícil caita ushan. Ñucanchicunapaca Jehová Diospa promesacuna parajunshna ricurijpipash Jehová Diospaca na shinachu can (2 Ped. 3:8, 9). Jehová Diosca paipa prometishcacunataca tucuitami ali pactachinga. Pero talvez ñucanchi munashca tiempopica na pactaringachu. Jehová Diospa promesacunapi tucui shungu confiangapaj, chai promesacuna pactarichun pacienciahuan shuyangapaca ¿imata ayudanga? (Sant. 5:7, 8).

12. Jehovapa promesacuna pactarinata seguro cangapaca Hebreos 11:1, 6​pica ¿imata rurana cashcatata ricuchin?

¹² Jehová Dios cushca esperanzapi ashtahuan confiangapaca Jehová Diosmanmi ashtahuan quimirina capanchi. Jehová Diosca paipa promesacunataca de seguromi pactachinga. Bibliapica Jehovapa promesacuna pactarinata seguro cangapaca Jehová Dios ‘tiajta y paita tucui shunguhuan sirvingapaj munajcunata bendiciajtaca crinami can’  ninmi (Hebreos 11:1, 6​ta liipangui). Jehová Dios ciertopacha tiajta tucui shungu crishpaca paipa promesacuna pactarinatapash ashtahuanmi confiashun. Jehovaman ashtahuan quimirishpa, paipa promesacuna pactarinapi ashtahuan confiangapaj imata rurai ushashcata ricupashunchi.

13. Jehová Diospa amigo cangapaca ¿imatata rurana capanchi?

¹³ Jehovata mañana y Bibliata liinami capanchi. Jehová Diosta na ricui ushashpapash paipa amigocunami caita ushanchi. Jehová Diosta mañashpami paihuan parlaita ushapanchi y ñucanchi mañashcacunata pai uyajujtaca seguromi caita ushapanchi (Jer. 29:11, 12). Cutin Jehová Diosta uyangapaca Bibliatami liina capanchi y liishcapipash pensarinami capanchi. Jehová Dios paita sirvijcunata imashna cuidashcata liishpaca Jehovapa promesacuna pactarinapica ashtahuanmi confiapanchi. Bibliapi “Taita Dios escribichishca shimica, ñucanchita yachachingapami can. Shinami shamuj punllacunapi Taita Dios imata caranataca shuyai ushashun. Ashtahuangarin Taita Dios escribichishca shimimi, ñucanchitaca shinlli tucuchun y aguantachun ayudan” (Rom. 15:4).

14. ¿Imamandata Jehová Dios shujcunata imashna ayudashcapi pensarina capanchi?

¹⁴ Jehová Dios paipa promesacunata imashina pactachishcapi pensaripashunchi. Abrahán y Sara huarmigupi pensaripashunchi. Paicunaca ña mayorllagucuna caimandami huahuacunata charitaca ñana usharca. Shinapash Jehová Diosca paicunataca shuj huahuaguta charinguichimi nishpami prometirca (Gén. 18:10). Abrahán runagu imata pensashcatami Bibliapica ricuchin. Paica: ‘Ashtaca llactacunapa taita canataca seguromi carca’ ninmi (Rom. 4:18). Abrahanga Jehová Dios paiman imata prometishcata imashnapacha pactachinataca na yacharcachu. Pero Jehová Dios imata prometishcata pactachinataca seguropachami carca. Chaimi Abrahán y Sarapash shuj huahuaguta charirca (Rom. 4:19-21). Cashna ejemplocunapi pensarishpami Jehová Dios pai imata prometishcata siempre pactachin cashcata yachajupanchi.

15. ¿Imamandata Jehová Dios ñucanchita imashna ayudashcapi pensarina capanchi?

 ¹⁵ Ñucanchimanda Jehová Dios imata rurashcapi pensaripashunchi. ¿Jehová Dios paipa promesacunata pactachishpa ñucanchicunata imashina ayudashcapi pensaripashcanchichu? Por ejemplo, Jesusca ñuca Taitaca canguna imata minishtijushcatami caranga nircami (Mat. 6:32, 33). Shinallata Jesusca Jehová Diospa espiritu santota mañajpica paica carangallami nircami (Luc. 11:13). Jehová Diosca paipa promesacunataca tucuitami pactachishca. Por ejemplo, Jehová Diosca ñucanchicunataca perdonashca, cushichishca y paimanda yachajushpa catichunbashmi ayudashca (Mat. 6:14; 24:45; 2 Cor. 1:3). Ñucanchicunamanda Jehová Dios imata rurashcapi pensarinami shamuj punllacunapi paipa promesacuna pactarinata tucui shungu confiachun ayudanga.

16. Jehová Dios cushca esperanzaca ñucanchitaca ¿imashinata ayudan?

¹⁶ Jehová Diosca para siempre causana esperanzatami carashca. Ñucanchicunaca paraíso alpagupi cushilla causana esperanza uchalla pactarichunmi shuyanajupanchi. Jehová Dios cushca esperanzaca ancla gancho jirrushnami problemacuna ricurijpi, catiriashpa llaquichijpi o incluso ñucanchi causai peligropi cajpipash aguantashpa catichun ayudanga. Shinallata umapi churajuna shuj cascoshnami ñucanchi yuyaicunata protegishpa, nali ruraicunamanda caruyachun y ali cosascunata rurachun ayudan. Bibliapi Jehová Dios cushca esperanzamanda yachajunami paiman ashtahuan quimirichun, pai ñucanchita ninanda juyajta cuenta japichunbash ayudan.

17. ¿Imamandata cushilla sintiripanchi?

¹⁷ Roma llactamanda huauquipanicunaman apóstol Pablo shuj cartata escribishpaca: “Shamuj punllacunapi imata japinataca cushijushpa shuyapaichi” nircami (Rom. 12:12). Pabloca Jehová Diosta tucuipi sirvishpaca cielopi causai ushanata yachaimandami cushilla sintirirca. Ñucanchicunapashmi Jehovapa promesacuna pactarinata seguro caimandaca cushilla sintiripanchi. Chaimandallata parlashpami shuj salmista runaguca cashna nirca: ‘Mandaj Taita Diostalla shuyashpa causajcunaca ninandami cushijun. […] Pai ima nishcatapash na llullashpa, causaita causaicaman pactachijmi’ nircami (Sal. 146:5, 6).