SEGUNDA Guerra Mundial tiempopica alemaniamanda nazi soldadoca huaquin Testigocunataca: “Canguna Franciahuan y Inglaterrahuan na macanajungapaj rijpica tucuicunatami huañuchishun” nishpami caparirca. Huauquipanicunapa ladollapi caj soldadocuna ashtaca armacunahuan cajta yachashpapash huauquipanicunaca guerrapica na participarcachu. Cai huauquipanicunashnallatami tucui testigo de Jehovacunaca guerracunapica nimamanda na participanchi. Y huañuchishunmi nishpa amenazajpipash chai mundopa cosascunapica na participanchichu.

1. PUNDA DIOSTA SIRVIJCUNACA SHUJLLA LLACTAMI CARCA

Israelitacunataca Jehová Diosmi paipalla shuj llacta cachun agllarca. Paicunataca “tucui gentecunata ashtahuan yali ñucapajlla cachun agllashca ninan valishca gentecunami canguichi” nircami (Éx. 19:5). Shinallata Diosca paicunamanga maipi causanatapashmi ricuchirca. Chaimandami israelitacunaca guerracunaman rishpapash paicunashnallata Diosta sirvijcunahuanga na macanajun carca. a

Cunan punllacunapica Jehová Diosta sirvijcunaca “tucui llactacunamanda, tucui jatun familiacunamanda, tucui pueblocunamanda, tucui idiomacunamandami” can (Apoc. 7:9). Y paicuna guerracunapi participashpaca Jehovata sirvijcunatallatami huañuchinman.

 2. JEHOVAMI ISRAELITACUNATACA GUERRAMAN RICHUN MANDAN CARCA

Israelitacuna guerraman rinata o na rinataca Jehovami decidin carca. Por ejemplo Jehová Diosca israelitacunataca cananeocunahuan macanajuchunmi mandarca. Cananeocunaca ayacunatami adoran carca. Huainayashpami causan carca y huahuacunatami sacrifican carca. Israelitacunapash cananeo gentecunashnallata nalicunata ama yachajuchunmi Jehová Diosca israelitacunaman cusha nishca alpacunamanda cananeocunata tucuchishpa saquichun mandarca (Lev. 18:24, 25). Shinallata israelitacuna Jehová Dios cusha nishca alpacunapi ña cajpica Jehová Diosca paicunapa contracunamanda difindirichunmi israelitacunataca macanajuchun saquircalla (2 Sam. 5:17-25). Pero Jehová Diosca israelitacunallata guerraman rinata o na rinata decidichunga na saquircachu. Y Jehová na mandajpita macanajungapaj rishcacunaca ninandami llaqui apan carca (Núm. 14:41-45; 2 Crón. 35:20-24).

Cunan punllacunapica Jehová Diosca paipa sirvijcunataca guerracunaman richunga na mandashcachu. Y llactacunaca paicunapa yuyashcata rurangapaj munaimandami guerracunaman rin. Talvez paicunaca ashtahuan alpacunata, ashtahuan culquita charingapaj munaimanda o paicunapa yuyaicunata difindingapaj munaimandami shina ruran. Pero huaquingunaca ñucanchi crishcacunata difindishpami Taita Diospa shutipi macanajunchi. O Diospa contracunata tucuchingapami macanajunchi ninmi. Shinapash chashna nijcunaca Taita Diospa ñaupapica na ali ricurinllu. Jehová Diosca paita sirvijcunataca paillata proteginatami nin. Shinallata paipa contracunataca jipa punllapi Armagedón guerrapi tucuchinatapashmi nin (Apoc. 16:14, 16). Armagedón guerrapica cai alpapi Jehovata sirvijcunaca na macanajungachu. Ashtahuangarin Jehovapa angelcunami macanajunga (Apoc. 19:11-15).

3. ISRAELITACUNACA JEHOVAPI FETA CHARIJ GENTECUNATACA NA HUAÑUCHINLLU CARCA

Israelitacunaca nali gentecunata llaquichinajushpapash Jehová Diospi feta charij gentecunataca na huañuchinllu carca. Ishcai ejemplocunata ricupashunchi. Jehová Diosca israelitacunataca Jericó llactata tucuchishpa saquichunmi mandashcarca. Chai llactamandaca Rahab huarmigu Jehová Diospi feta  charishcamandami paipash, paipa familiapash salvarirca (Jos. 2:9-16; 6:16, 17). Shinallata Gabaón llactamanda gentecunaca Taita Diosta respetashcata ricuchishcamandami salvarirca (Jos. 9:3-9, 17-19).

Cunan punllacunapica guerracunapi macanajuj gentecunaca Diospi feta charij gentecunatapash huañuchinllami. Incluso na culpata charij gentecunatapashmi huañuchin.

4. GUERRACUNAPI IMATA RURANATACA TAITA DIOSMI RICUCHIN CARCA

Israelita soldadocunamanga Jehová Diosmi guerracunapi imata ruranata yachachunga instrucciongunata cun carca. Por ejemplo huaquinbica contracunahuan nara macanajungapaj rishpallata “casilla ali causai tiachunra parlangui” nishpami Jehová Diosca mandan carca (Deut. 20:10). Jehová Diosca israelita soldadocunata y tucui israelitacunatallata tucuipi limpio cachunmi mandarca (Deut. 23:9-14). Shinallata macanajushpa ganashca llactacunapi huarmicunatapash ama violachunmi mandarca. Shuj llactacunaca guerracunapi macanajushpa, ganashpaca huarmicunataca violanllami carca. Y shuj israelita soldado macanajushpa ganashca llactacunamanda shuj huarmihuan cazarangapaj munashpaca shuj quillatami shuyana carca (Deut. 21:10-13).

Cunan punllacunapica la mayoría llactacunami ama guerracuna tiachun shuj shuj llactacunahuanmi shuj acuerdota firmashca. Gentecunata protegingapaj chai acuerdocunata firmashca cashpapash chai llactacunaca chai acuerdocunataca ñana respetanllu.

5. ISRAELITACUNA MACANAJUNAJUJPICA TAITA DIOSMI AYUDARCA

Israelitacuna macanajunajujpica Jehovami macanajuita ganachun ayudan carca. Tauca viajecunami milagrocunata rurashpa ayudarca. Por ejemplo, Jericó llactata vincichunmi ayudarca. Jehová cushca instrucciongunata catishpami israelitacunaca “ninandapacha caparinajurca. Shina caparijpica, chai jatun pircapash urmarcallami”. Shinami israelitacunaca chai llactataca vinci usharca (Jos. 6:20). Tiempo jipaca amorreocunatapashmi vinci usharca. Jehová Diosca ‘jahua pachamandami rumicunata paicunapaj jahuapi urmachimurca […]. Israelcuna espadahuan huañuchishcatapash yalimi, chai rundu rumicunahuanga huañurca’. Shinami Jehová Diosca amorreocunata vincichun ayudarca (Jos. 10:6-11).

CIERTOPACHA CRISTIANOCUNACA TRANQUILO ALI CAUSANATAMI MASCAN

Imashinami ricupashcanchi cunanbica israelitacunapa punllacunashnaca na canllu. Imamanda guerracunapi ñucanchicuna na participajta yachangapaca shuj razongunapashmi tian. Por ejemplo, Taita Diosca último punllacunapica paimanda yachajuj gentecunapurapica “macanajuita yachachinapash, na ashtahuan tiangachu” nircami. Chaimandami paita sirvijcunaca guerracunapica na participan (Is. 2:2-4). Shinallata Jesusca paipa discipulocunaca “na cai mundopi gentecunashnachu” canga nircami. Chaimi cai mundopa cosascunapica na chapurin (Juan 15:19).

Jesusca paipa discipulocunataca shujcunataca na contranachu canguichi, na fiñanajunachu canguichi y guerracunamanbash na rinachu canguichi nishpami yachachirca (Mat. 5:21, 22). Shinallata tranquilo ali causanatami mascana canguichi, cangunapa contracunatapash juyanami canguichi nishpapashmi yachachirca (Mat. 5:9, 44).

Caita yachanaca ¿imashinata cada unota ayudan? De seguromi guerracunapi participangapaca na munapanchi. ¿Pero si shungu ucupillapash maijanbash huauquita o panita contratashna ricujushcata sintishpaca? Shina sintijushpaca uchallami chashna yuyaicunata shungumanda anchuchingapaj esforzarina capanchi (Sant. 4:1, 11).

Guerracunata apoyanapa randica cristianocunaca tranquilo ali causanata mascashpami juyaita ricuchingapaj esforzarinchi (Juan 13:34, 35). Jehovapa jatun punllapi tucui guerracunata tucuchingacamanga cai mundopa cosascunapi ama chapuripashunchichu (Sal. 46:9).