Caipi parlashca profeciacunaca imacunalla ña pactarishcata, shinallata cunanbi imacunalla pasagrijujtami cai dibujocunapica ricuchin. Caicunata ricushpami ‘tucurimui punllacunapi’ causajushcata cuenta japipanchi (Dan. 12:4).

• Textocuna: Apoc. 11:7; 12:13, 17; 13:1-8, 12.

  Profecía: ‘Manllanayai animalca’ 3 mil yali huatacunatami gentecunata mandajushca. Tucurimui punllacunapimi 7 umamanda shuj umata casi huañuchin. Chai uma ali tucujpimi “cai pachapi tucui causajcunaca” chai manllanayai animalta catin. Diablo chaita utilizashpami ‘huarmipa miraipura quedashca gentecunahuan macanajugrin’.

  Pactarishca: Jatun manllanai tamia jipami Jehovata na cazuj gobiernocuna tiai callarirca. 3 mil yali huatacuna jipami, Gran Bretañaca I Guerra Mundialpi asha asha ñana rijsishca llacta tucurca. Shinapash Estados Unidos apoyai callarijpimi Gran Bretañaca cutin rijsishca tucurca. Tucui gobiernocunata utilizashpami Diabloca tucurimui punllacunapi Jehovata sirvijcunata llaquichi callarin.

• Textocuna: Dan. 11:25-45.

  Profecía: Jahua lado llactata mandaj, urai lado llactata mandajpash ashtahuan poderta charingapami paicunapura macanajun.

  Pactarishca: Gran Bretaña, Estados Unidospash Alemania llactahuan macanajun. Huata 1945​pimi Unión Soviética, paita apoyajcunapash jahua lado llactata mandaj tucun. Cutin huata 1991​pimi Unión Soviética, paita apoyajcunapash tucurirca. Tiempohuanga Rusia, paita apoyajcunapash jahua lado llactata mandajmi tucurca.

• Textocuna: Is. 61:1; Mal. 3:1; Luc. 4:18.

  Profecía: Jehová Diosmi paipa Reinopi Jesús nara mandai callarijpillata paipa ‘villajta’ cacharca. Chai villajmi “llaquilla causajcunaman ali villaita” villachin.

  Pactarishca: Huata 1870mandami huauqui Charles Russell, shuj huauquicunapash Biblia imatapacha yachachijta yachajui callarirca. Huata 1881​pimi Jehovata sirvijcunaca villachinaca minishtirishcapacha cashcata intindirca. Chaimi “Se solicitan 1.000 predicadores”, “Ungidos para predicar” nishca publicaciongunata llujchirca.

• Textocuna: Mat. 13:24-30, 36-43.

  Profecía: Shuj runami paipa alpapi ali muyuguta tarpun. Chagrayu runata na ricunayachij runami balicu muyuta shitashpa rin. Balicu viñashpami trigotaca quilpan. Cozechana tiempo chayajpimi balicu jihuamanda trigotaca agllan.

  Pactarishca: 1870 huatamandami picuna Jesusta ciertopacha ali catijcuna cashcata ricunalla carca. Tucurimui punllacunapimi Jesusta ali catijcunataca, Jesusta catinchi nij tucushcacunamandaca shicanyachin.

• Textocuna: Dan. 2:31-33, 41-43.

  Profecía: Jatun runaman rijchajca shuj shuj cosascunahuan rurashcami carca. Paipa chaquicunaca ashaca jirru, ashaca turuhuan chapushcami carca.

  Pactarishca: Gran Bretaña, Estados Unidos llactacunami gentecunataca mandan. Turuca chai gentecunatami ricuchin. Cai gentecunami paicunata mandajcunataca na cazun. Jirruca shinllimi can. Shinapash chai gobiernocunaca jirrucunashna shinllitaca na mandaita ushashcachu.

• Textocuna: Mat. 13:30; 24:14, 45; 28:19, 20.

  Profecía: ‘Trigota’ cozechashpami “huasigupi” alichin. “Aliguta cazushpa, aliguta yarishpa servij” esclavotami ‘sirvijcunaman micunaguta carashpa’ catichun mingan. Chaimi Diospa Reinomanda ‘ali villaicunata’ “cai pachapi tiaj tucui llactacunapi” villachishpa catin.

  Pactarishca: Huata 1919​pimi “aliguta cazushpa, aliguta yarishpa servij” esclavotaca Jehovata sirvijcunata ñaupaman pushachun mingashca. Chai huatamandapachami Bibliamanda yachajujcunaca ashtahuan villachishpa catinajushca. Cunanbica 200 yali llactacunapi, pueblocunapimi Testigocunaca villachin. Shinallata mil yali shimicunapimi publicaciongunata llujchishca.

• Textocuna: Dan. 12:11; Apoc. 13:11, 14, 15.

  Profecía: Ishcai cachucunata charij manllanayai animalmi ‘manllanayai animalman rijchajta rurachun’ mandan. Paillatami ‘samaitapash caran’.

  Pactarishca: Gran Bretaña, Estados Unidos rijsishca llactacunami Sociedad de Naciones nishcata callarichin. Shuj llactacunapashmi chaitaca apoyan. Huata 1926manda 1933​camanmi jahua lado llactata mandajpash Sociedad de Naciones nishcata apoyan. Chaimi Sociedad de Naciones, ONU nishcapash casilla, tranquilo ali causaiguta cunga nishpa ashtaca gentecunaca crin. Shinapash chai causaigutaca Diospa Reinollami cunga.

• Textocuna: Dan. 8:23, 24.

  Profecía: Shuj jatun mandajca ‘manllanayai jatun llaquicunatami ruran’.

  Pactarishca: Gran Bretaña, Estados Unidos rijsishca llactacunaca ashtaca ashtaca gentecunatami huañuchishca. Por ejemplo, II Guerra Mundialpimi, Estados Unidos llactaca paipa contra llactata tucuchingapaj, ishcai jatun bomba atómica nishcacunata shitarca.

• Textocuna: Dan. 11:31; Apoc. 17:3, 7-11.

  Profecía: ‘Yana puca manllanayai chunga cachucunata charij animalmi’ ‘ucu ucu utujumanda Ilujshimun’. Paimi ‘pusaj mandaj tucun’. Daniel libropica cai mandajtaca ‘yapa millanayachishpa llaquinayaita tucuchij’ nishpami rijsin.

  Pactarishca: II Guerra Mundial jipami Sociedad de Naciones nishcaca tucurin. Chai jipami ONU nishcaca tiai callarin. Sociedad de Naciones, ONU nishcapash casilla, tranquilo ali causaiguta cunga nishpa ashtaca gentecunaca crin. Pero chai causaigutaca Diospa Reinollami cunga. ONUta apoyaj llactacunami tucui panda religiongunata llaquichinga.

• Textocuna: 1 Tes. 5:3; Apoc. 17:16.

  Profecía: Gobiernocunaca “casilla aliguta, imatapash na manllashpami causanajunchi” ninajungami. Jipaca ‘chunga cachucunata charij animal’, ‘manllanayai animalpashmi’ ‘huainayaj huarmitaca’ tucuchinga. Chai jipami gobiernocunapash tucuchi tucun.

  Pactaringa: Gobiernocunaca “casilla aliguta, imatapash na manllashpami causanajunchi” ninajungami. Chai jipami ONU nishcata apoyaj llactacunaca tucuilla panda religiongunata tucuchinga. Chaipimi Ninan Manllanai Llaqui Punllacunaca callaringa. Caica Armagedonbimi tucuringa. Chaipimi Diablota, paipa catijcunatapash Jesusca tucuchinga.

• Textocuna: Ezeq. 38:11, 14-17; Mat. 24:31.

  Profecía: Gog nishca tandanajushca ashtaca llactacunami Jehovata sirvijcunataca llaquichingapaj munanga. Chai jipami angelcunaca ‘agllashcacunata’ tandachin.

  Pactaringa: Jahua lado llactata mandajmi cai mundopa gobiernocunapa ayudahuan Jehovata sirvijcunataca llaquichin. Chai jipallami cai Alpapi quedashca ungidocunataca cieloman apanga.

• Textocuna: Ezeq. 38:18-23; Dan. 2:34, 35, 44, 45; Apoc. 6:2; 16:14, 16; 17:14; 19:20.

  Profecía: Gog nishca tandanajushca ashtaca llactacunata, paita apoyajcunatapashmi ‘shuj yuraj caballopi’ tiajujca ‘mishan’. ‘Azufrehuan rupajuj nina cuchamanmi’ ‘manllanayai animaltapash’ shitan. Jatun runaman rijchajtapashmi ñutushpa saquin.

  Pactaringa: Jehová Diospa Reinopimi Jesusca rey can. Paimi Jehovata sirvijcunata salvangapaj llujshinga. Jesuspash, 144 mil ungidocuna, angelcunapashmi Diablopa cai nali mundotaca tucuchinga.