5. Cai mundoca huaglijunmi

“Cai pachata tucuchijcunata, can tucuchinami pactamushca” (APOCALIPSIS 11:18).

● Nigeria llactamanda Pirri shuti jariguca vino de palma nishcatami jatun. Shinapash Niger pushtu ladollapi petróleo ninanda jicharishpa palmeracunata huaglichishcamandami trabajo illaj quidarca. Paica ninmi: “Cai petroleoca pescadocunapa, huaicucunapa, ñucanchipapash nalipachami can. Cunanga imasha trabajanatapash na atinanichu” nin.

INVESTIGACIONGUNACA ¿IMATATA RICUCHIN? Huaquin estudiashcacunaca mar yacuman shitashca basuraca cada huatami 6 millones y medio toneladacuna cashca ninmi. Chai tucui basuramanda chaupica plasticocunami cashca. Chai plasticocunaca ashtaca ashtaca huatacunatami ismungapaca paran. Shinapash gentecunaca cai mundota mapayachitallaca na mapayachinajunllu. Gentecunaca alpapi tiashca tucuilla cosascunata huatan huatan utilizashpami casi tucuchinajun. Huaquin investigaciongunaca ñucanchi alpamanda shuj huatapi utilizashca cosasgucuna cutin tiachunga 17 quillacunatami shuyana canchi nishcami. Chaita ricushpami Australia llactamanda Sydney Morning Herald periodicopica, “gentecuna mirashpa catijpi, alpapi tiashcagucunata tucuchijpica 2035 huatapaca ishcai mundo alpacunapa micunatami minishtishun” nishcami.

¿IMATATA HUAQUINGUNACA NISHCA? Cai mundo ama huaglishpa catichunga gentecunallatami imashina cuidanata ricushpa imagutapash rurangapaj esforzarita ushan.

¿CHAICA CIERTOCHU CAN? Cai mundopi tiashca animalcunata, plantacunata cuidangapami huaquin organizaciongunaca ninanda esforzarinajushca. Shinami shujcunapash cai mundota na huaglichina cashcata cuenta japishca. Shinapash ñucanchi alpaguca huaglishpami catijushca.

¿IMATATA YUYAPANGUI? Taita Diosca cai mundo ama huaglishpa catichunmi ayudasha nishcami. Shinaca ¿pai ayudachunllu minishtipanchi?

Cai profeciacuna pactarina cashcata villashpapash Bibliapica tucurimui punllacunapica ali cosascuna pasana cashcatapashmi villarca. Shuj ejemplota ricupashun.

[Comentario]

“Shuj juyailla pushtugupi causajushca cashpapash cunanga basura jundami causanajunchi” (COMENTARIO DE ERIN TAMBER, RESIDENTE DE LA COSTA SUR DE ESTADOS UNIDOS, SOBRE LOS EFECTOS DEL DERRAME PETROLÍFERO DE 2010 EN EL GOLFO DE MÉXICO)

[Recuadro]

¿Taita Dioschu culpata charin?

Ashtaca nali cosascuna pasana cashcatami Bibliapica villarca. Shinaca cunanbi sufrinajushcamandaca ¿Taita Dioschu culpata charin? ¿Paichu ñucanchitaca sufrichijun? Cai tapuicunapa respuestataca ¿Imatata Bibliaca yachachin? nishca libropi capitulo 11pimi tari ushapangui. Cai librotaca Testigo de Jehovacunami llujchishca.

[Reconocimiento]

U.S. Coast Guard photo