‘Quiquinba shutitaca ñami rijsichircani’

“Cai pachapajtalla rurashpa causajcunatami, ñucaman carangapaj agllaparcangui. Paicunamanmi, cambaj shutita rijsichircani.[...] Paicunamanmi quiquimbaj shutitaca ña rijsichircani, ashtahuan rijsichisharami” (JUAN 17:6, 26).

Cai shimicunata nishpaca Jesusca ¿imatata ningapaj munarca? Jesusca gentecunaman villachishpami Taita Diospa shutitaca rijsichirca. Paica Escrituras Hebreas o Antiguo Testamentota liijushpaca Taita Diospa shutitaca uyarijtami nin cashcanga (Lucas 4:16-21). Jesusca paipa catijcunamanga “jahua pachapi tiajuj ñucanchi Taitalla, cambaj jucha illaj shutiguca, alicachi tucushca cachun” nishpa mañanguichi nircami (Lucas 11:2).

Jesusta punda catijcunapa ejemplo. Jerusalén llactamanda anciano huauquicunahuan parlajushpami apóstol Pedroca, Taita Diosca paipaj shutita apaj llactatami agllashca nircami (Hechos 15:14, TNM ). Jesuspa apostolcuna, discipulocunapash gentecunaman villachinajushpaca, Jehová ‘Diospa shutipi mañajcunaca, tucuillami quishpiringa’ nishpami villachin carca (Hechos 2:21; Romanos 10:13). Shinallata Jesuspa catijcunaca Bibliata escribinajushpaca Taita Diospa shutitami utilizarca. Tosefta nishca libropica judiocunapa leycunami tian. Chaipica Jesusta catijcunapa escribishcacunata rupachishcamandami parlajun. Chaipica “Jesuspa causaimanda parlaj librocuna, Jesusta catijcuna charishca librocunatapash Taita Diospa shuti chaipi escribishca tiajujpipash, tucuilla rupashpa tucurichun saquinallami canchi” nijurcami.

Cai nishcacunataca ¿picunata cunanbica pactachin? Revised Standard Version nishca Bibliapica, “Tauca dioscunaca na tianllu, shujlla Diosmi can. Chaimandami paipa shutita utilizanaca na ali canman” nishcami. Shinallata “judiocunaca Jesús cai Alpaman nara shamujpillatami Taita Diospa shutita utilizanataca saquishca” nircami. Chaimandami cai Bibliapica Taita Diospa shuti tiajuna pushtupica Señor nishpa churashca. Chairallami iglesia catolicamandaca tucui sacerdotecunataca cashna nishcarca: “Misata rurajushpa, candajushpa o Taita Diosta mañajushpaca paipa shutitaca napacha ninachu canguichi” nishcarcami. *

Shinapash ¿picunata Taita Diospa shutita utilizashpa, shuj gentecunapash Taita Diospa shutita rijsichun ayudan? Kirguistán llactamanda Sergey shuti shuj jovenga, shuj peliculata ricujushpami Taita Diospa shutica Jehová can nishcata uyarca. Shinapash chai shutitaca 10 huatacuna jipami cutin uyaj chayarca. Estados Unidospi causajujpimi testigo de Jehovacunaca paiman villachingapaj chayashcarca. Paicunaca Taita Diospa shutitaca Bibliapimi ricuchirca. Testigo de Jehovacuna Taita Diospa shutita utilizajta ricushpaca Sergeyca ninandami cushijurca. Shuj diccionariopi “Jehová Dios” shimita mascajpica, “testigo de Jehovacuna adoraj, Tucui Ushaita charij Dios” nijunmi (Webster’s Third New International Dictionary).

[Nota]