Bibliapica ninmi, gentecunaca mushuj cosascunata rurashpapash paicunallata aliguta causaitaca na ushanllu nishpa. Shinallata ‘Diablo mandajujpimi’ mundo enteropi gentecunaca nali causai ushanchi. (Jeremías 10:23; 1 Juan 5:19 liipangui.)

Gentecunapash mitsacunami can. Ashtahuan charingapaj munashpallami causan. Chaimandami gentecunata juyashpa aliguta causanata yachachichunga shujlla gobierno mundo enteropi tiachun minishtinchi. (Isaías 32:17; 48:​18, 22, liipangui)

Taita Diosca nishcami, cai Alpapi tucuilla gobiernocunata tucuchishpami shujlla gobiernota churasha nishpa. Chai gobiernomi tucuilla gentecunata mandanga (Daniel 2:44). Bibliapica ninmi, ‘casilla ali causanata caraj’ Jesusmi Diospa Reinopica mandanga nishpa. Jesusmi cai Alpapi tucuilla nalicunata tucuchishpa casilla, aliguta causanata yachachinga. (Isaías 9:​6, 7; 11:​4, 9, liipangui.)

Cunanbica ashtacacunami Jesuspa ayudahuan, Bibliapa ayudahuanga tucuicunahuan aliguta causanata yachachinajun. Ñallami cai mundo enteropica guerracuna illaj, tranquilo, aliguta causashun. (Isaías 2:​3, 4; 54:​13, liipangui.)