Profeta Miqueaspa shimicunaca 700 yali huatacuna jipami pactarirca. Chaipimi Mesías o Jesusca Belén llactapi nacirirca. Cutin huata 29​pica profeta Danielpa shimicunami pactarirca. Chai huatapimi Jesusca bautizarishpa Taita Diospa espíritu santota chasquirca. Shinami shamuna nishca “mirai” o Mesiasca chayamuna tiempopi chayamurca.

Bautizarishcandimi Jesusca Diospa Reinopa ‘ali villaicunata’ villachirca (Lucas 8:​1). Profetacuna nishca shinaca, llaquishpami gentecunataca tratarca. Aliguta causanatami gentecunamanga yachachirca. Shinallata gentecunapa ‘ungüicunata’ jambishpami Taita Dios paita chasquishcata ricuchirca (Mateo 4:23). Ashtahuangarin tucui gentecunami, paipa discípulo cuenda nirca: ‘Mesiasta ñami tuparishcanchi’ nishpa (Juan 1:41).

Jesusca nircami, cai tucuilla Alpata mandangapaj ashalla tiempo faltajpica guerracuna, terremotocuna, ashtaca llaquicunami tianga. Chaimandami ‘na puñushpa chaparia’ cana canguichi nishpa (Marcos 13:37).

Tucuipi Taita Diosta cazujpipash contracunaca culirashpami Jesustaca huañuchirca. Shinapash, Paipa causaita cushpami Jesusca paraíso Alpapi unai unaicaman causana oportunidadta gentecunamanga curca.

Quimsa punllacunata huañushca jipa shuj angel cuenda Jesús causarijpica shuj profeciacunapashmi pactarirca. Causarishca jipaca 500 yali gentecunamanmi ricurirca. Ña jahua cieloman rigrijushpaca mandarcami, ñucamandapash Diospa Reinomandapash tucui ‘cai pachapi’ villapanguichi nishpa (Mateo 28:19). Shina nishpa mandajpica ¿imashinata paipa catijcunaca pactachirca?

​(Mateo, Marcos, Lucas, Juan, 1 Corintiosmandami can.).