Gentecunaca tucuicunami causashpa catingapaj munanchi. Chaimandami shuj familia huañujpica na crita ushanchi. Cutin jovengunaca tal vez nunca na huañushachu yanmi.

Egipto llactamanda gentecunaca na huañungapaj munashpami huasishna jatun piramidecunata rurashpa huañushca reycunapa cuerpocunataca chaipi churan carian. Almacuna ima horapash cuerpoman tigramuchun nishpami shina ruran carian. Shinapash chai huañushca cuerpocunaca tucurircami. Shinami chai piramidecunapash gentecuna na causashpa catijta ricuchin.

Chino reycunapash na huañungapaj munashpami imapash jambi yacucunata rurashpa ufiangapaj munan carian. Qin Shi Huang reyca huaquin gentecunataca mandarcami, plantacuna imapa ali cajta ricushpa imapash jambi yacuta ruraichi nishpa. Shinapash chai jambi yacuca mercurio nishca materialtami charirca. Chai jambi yacucunami Qin Shi Huang reytaca huañuchishcanga.

Punda huatacunapica Juan Ponce de León nishca españolmi Puerto Rico llactapica jovenlla parangapaj pugyu yacuta mascangapaj rirca. Chai pugyu yacuta mascajushpami cunanbi Florida llactata tarirca. Jipa huatacunamanga Estados Unidosmanda runacunahuan macanajushpami huañurca. Jovenllata parachij pugyu yacutaca nunca na tarircachu.

Faraonguna, reycuna shuj gentecunapash na huañungapaj munashpami imacunatapash rurarca. Ñucanchicuna na chaicunata rurashpapash tucuicunallatami causashpa catingapaj munanchi.

¿Imamandata gentecunaca na huañungapaj munan? Bibliapica ninmi, Taita Diosca gentecunapa ‘shungupimi causaita causana’ munaita o para siempre causana munaita churarca nishpa (Eclesiastés 3:11). * Para siempre causana munaihuan Taita Dios rurajpimi gentecunaca na huañungapaj munanchi. 80 huatacunatallaca na causangapaj munanchichu (Salmo 90:10).

Taita Diosca gentecuna llaquirichunmi gentecunapa shungupica para siempre causana munaita churarca nishpaca na pensanachu canchi. Bibliapica cutin cutinmi Taita Diosca nin, huañuitaca tucuchishami nishpa. Paica gentecuna para siempre causachunmi munan. ( Huañuica tucuringami nishca recuadrota ricupangui.)

Jesusca nircami, Taita Diosta, paipa Churi Jesusta rijsishpallami, pipash para siempre causanga nishpa ( Juan 17:⁠3). Shinaca huañuica tucuringami. Chaimandami huañuita Taita Dios chingachichun minishtinchi.