Ashtaca gentecunaca Diospa Reino ayudanatami crin. Chaimandami Jesús yachachishcata catishpa nin: ‘Canba mandanaca [“Reinoca”, NM ], ucha chayamuchunmi munanchi. Jahua pachapishna cai pachapipash can munashcashna ruranajushpami ali canman’ nishpa (Mateo 6:10).

Ashtaca gentecuna Diospa Reinomanda yachajungapaj munajpipash tauca religiongunaca na yachachinllu. George Wells shuti historiadorca manllarishpami nin, Diospa Reinomanda Jesús cutin cutin yachachijpipash Jesusta catinchi nij ashtaca religiongunaca na yachachinllu, na catinllu nishpa.

Ashtaca religionguna Diospa Reinomanda na yachachijpipash, testigo de Jehovacunaca cutin cutinmi Diospa Reinomanda parlanchi. Quiquin charijuj Villajun revistapash 220 shimicunapimi llujshin. Tucui quillacunami casi 46 millón revistacuna llujshin. Cai revistaca ¿imatata ashtahuan parlan? Cai revista callaripica jatun letracunapimi nijun, Jehová Diospa Reinomandami Villajun nishpa. *

Shinapash ¿imamandata cutin cutin Diospa Reinomanda villanchi? Bibliapi callarimanda tucuricaman Diospa Reinomanda yachachijujpi, tucui llaquicunata tucuchina cajpimi Diospa Reinomandaca cutin cutin villanchi.

Jesusca Diospa Reino minishtirishcapacha cajpimi, cutin cutin Diospa Reinomanda villachirca (Lucas 4:43). Ñucanchicunapash Jesuspa ejemplotami catinchi. Shinapash ¿imamandata Jesusca Diospa Reinomanda cutin cutin villarca? Diospa Reinoca ¿imashinata quiquindaca ayudanga? Chai tapuicunata Bibliapillata yachajuchunmi cati temacunatapash ricuchun munapanchi.