CALLARI TEMA | ¿DIABLOCA CIERTOPACHACHU TIAN?
¿Diabloca ciertopachachu tian?
![[Picture on page 3]](https://assetsnffrgf-a.akamaihd.net/assets/m/2014802/univ/wpub/2014802_univ_cnt_1_xs.jpg)
Cai dibujoca Diablo cai alpaman shitai tucushcatami ricuchin
El Salvador llactapi viñashca Rogelioca ninmi: “Huahua cashpaca Taita Dios tiajta crishpapash Diablo tiajtaca na crinllu carcani. Ñuca na cazujpica ñuca mamaca nihuanmi carca, Diablo apangami nishpa. Chaimi ñucapash nin carcani, apahuangatachari” nishpa.
Shinapash quiquinga ¿imatata nipanguiman?
-
¿Diabloca na tianllu, nalicunamanda parlangapallami Diablomandaca parlan ninguimanllu?
-
¿Diabloca tianmi, shinapash gentecunataca na imatapash ruranllu ninguimanllu?
-
¿Diabloca ashtaca ushaita charishpami gentecunataca pandachijun ninguimanllu?
Gentecunaca shuj shuj yuyaicunatami charin. Shinapash ¿maijanda cabalta yachan? Maijan cabalta yachashcataca alimi yachana canchi. Yuyapai. Ciertopacha Diablo na tiajpica Diablo tiajta crij gentecunaca llullata crishpami causanajunman. Cutin, Diablo tiashpapash gentecunata na pandachijpica Diablota manllajcunaca yangamandami manllashpa causanajunman. Ashtahuangarin, Diablo ciertopacha tiashpa gentecunata pandachingapaj munajujpica jatun llaquipimi canchiman.
¿Nalicunamanda parlangapallachu gentecunaca Diablomanda parlan, o ciertopachachu Diabloca tian? Ciertopacha tiashpaca ¿imashinata ñucanchitaca llaquichinman? ¿Imashinata Diablomandaca cuidarina canchi? Chaicunata Bibliahuan yachajupashun.
