Quiquinba huahuacuna Taita Diosta juyachunga Taita Dios ciertopacha tiajta, paicunata juyajtami yachana can (1 Juan 4:8). Shinallata Taita Diosta ali rijsichunga, gentecunata Taita Dios rurashcata, imamanda gentecuna sufrichun saquishcata, shamuj punllacunapi ali causaita caranatami yachana can. (Filipenses 1:9, liipangui.)

Ashtahuangarin, taitamamacuna Taita Diosta juyajta ricushpami huahuacunapash Taita Diosta juyanga. (Deuteronomio 6:5-7; Proverbios 22:6, liipangui.)

Bibliaca ninan ushaitami charin (Hebreos 4:12). Shinaca quiquinba huahuacunamanga Bibliapa minishtirishca yuyaicunata aliguta yachachipai. Paicunapa shunguman chayangapaca Jesuspa ejemplota catishpami tapuicunata rurashpa, paicuna ima nijta ali uyashpa, paicuna na intindishcata aliguta intindichina capangui. (Lucas 24:15-19, 27, 32, liipangui.)

Shinallata, gentecunata Taita Dios imashina juyashcata Bibliapi liishpa yachachipangui. Shinami paicunaca Taita Diosta ashtahuan ali rijsishpa juyanga. Internetpi www.pr418.com/qvi direccionbica shuj ali ayudacunatapashmi taripangui. (2 Timoteo 3:16, liipangui.)