¿Bibliata ali intindinaca minishtirinllu?
Shuj uchilla huahuagu shuj fabricamanda cushni llujshijujta ricushpaca, chai fábrica ucupica algodonhuanmi fuyuta ruranajun yarcami. Uchilla huahuacunapa panda nishcacunaca ashata asinaimi uyarin. Shinapash huaquin ñucanchipa pandarishcacunaca tucui causaipami nali can. Shuj ejemplota ricupashun, imapash jambita nali yachashpata yangata utilizashpaca jatun llaquipimi urmaita ushanchiman.
Espiritual cosascunapi pandata intindinaca ashtahuan llaquimi canman. Shuj ejemplota ricupashun, Jesús yachachishcacunataca huaquin gentecunaca na tucuita ali intindircachu (Juan 6:48-68). Jesús yachachishcacunata yachajunapa randica, nimata nalicachircachu.
Bibliata liishpaca ¿yachajuna munaihuanllu liipangui? Shina liinaca alimi can. Shinapash tauca gentecunaca Bibliata liishpa huaquin textocunata panda intindijtaca ¿yachapashcanguichu? Cunanga gentecunapa 3 panda intindishcacunata ricupashun.
-
Huaquin gentecunaca “Taita Diosta manllangui” nishpa mandashcatami panda intindin (Eclesiastés 12:13). Chaimandami gentecunaca Diostaca ninanda manllan. Shinapash Diosca paita sirvijcuna shina manllachunga na munanllu. Taita Diosca ninmi: “Na manllanachu canguichi, ñucami cangunahuan cani. Na shaijunachu canguichi, ñucami cangunaman ushaita cuj Taita Dios cani” nishpa (Isaías 41:10). Shinaca Taita Diosta manllana nishpaca alicachishpa, paita tucui shunguhuan respetanatami nijun.
-
¿Ninahuan rupashpachu Alpaca tucuringa?
Cutin shuj gentecunaca cai textopi: “Tucui imapajpash, chai punllacunami chayamun, huacharingapajpash [o naciringapajpash], huañungapajpash chai punllacunami chayamun” nishca shimicunatami panda intindin (Eclesiastés 3:1, 2). Chaimandami pensan, gentecuna huañuna punllataca Diosmi destinashca nishpa. Shinapash chai textopica gentecuna nacirinata, viñanata, huahuacunata charinata, tucuicuna ima horapash huañunatami shina nijun. Shinallata Taita Diospa Shimica yachachinmi, ima decisionda agllashcapash ñucanchi causaipami ali canga nishpa. Shinallata ninmi, Diosta manllanaca ashtahuan causachunmi ayudanga nishpa (Proverbios 10:27; Salmo 90:10; Isaías 55:3). ¿Imashinata ashtahuan causaita ushashun? Taita Diosta respetaimandami machanata, shuj huarmihuan o shuj jarihuan juchapi urmanata, imapash nalicunataca ñana rurashun. Shinami ashtaca llaquicunamanda jarcarishun (1 Corintios 6:9, 10).
-
Shujcunaca cielota, Alpata “ninahuan tucuchingapajmi charijun” nishcata Bibliapi liishpaca, Taita Diosca cai Alpataca shinapacha tucuchigrijujtami crin (2 Pedro 3:7). Shinapash Diosca ninmi, cai Alpaca na tucuchi tucungachu nishpa. Shinallata ninbashmi Diosca, ‘cai pachataca callari rumicunapa jahuapimi churarca. Shinamandami, ima horapash na anchuringachu’ nishpa (Salmo 104:5; Isaías 45:18). Shinaca cai Alpaca na tucuchishca cangachu. Cai mundopi nali ruraicunami ninahuan rupachijpishna tucuringa. Shinallata cielo nishpaca, ñucanchi ricushca jahua cielota, estrellacunata o Taita Dios causajuj pushtuta tucuchinataca na nijunllu. Caicunamandaca nima na tucuchishca cangachu.
BIBLIATACA ¿IMAMANDATA HUAQUINBICA PANDATA INTINDIN?
Imashinami ricupashcanchi huaquin gentecunaca Bibliamanda huaquin textocunata pandatami intindishca. ¿Imamandashi Taita Diosca pandata intindichun saquirca? Huaquingunaca ninbashchari: “Taita Diosca tucuita ali yachaj cashpaca ¿imashpata Bibliataca tucuicuna intindinallata na rurarca?” nishpa. Chaipaca cai 3 yuyaicunata ricupashun.
-
Bibliaca humilde gentecuna, yachajungapaj munajcuna intindichun escribishcami can. Jesusca paipa Taitamanga nircami: ‘Jahua pachatapash, cai pachatapash Mandajuj, ñuca Taitalla. Canga, alipacha yachajushca gentecunaman, cai yachajunataca Lucas 10:21). Bibliaca humilde gentecuna yachajuchun escribishcami can. Shinapash ‘alipacha yachajushca gentecunaca’ jatun tucushca caimandami Bibliataca pandata intindin. Cutin humilde gentecunaca “huahuashna” yachajuna munaihuan Bibliata liishcamandami, Taita Diospa ali villaicunata ali intindin. Chaimandami, Diosca Bibliataca fácil, intindirinallatami rurashca ni ushanchi.
na ricuchircanguichu’. “Ashtahuangarin huahuashna causajcunaman yachachishcamandami, candaca ninanda alicachini” nishpa ( -
Bibliaca tucui shunguhuan ali intindingapaj Dios ayudachun munajcunapami can. Jesusca nircami, ñuca yachachishcacunata ali intindingapaca gentecunaca ayudachun minishtingami nishpa. ¿Imashinashi ayudagrijurca? Jesusca nircami: “Ñuca Taitaca, shuj cushichij, jucha illaj paipaj espiritutami ñuca shutipi cachamunga. Paimi, imagutapash tucuita yachachijunga” nishpa (Juan 14:26). Shinaca Taita Diosmi paipa espíritu santota cushpa Bibliapi yachachishcacunata intindichun ayudanga. Shinapash Taita Dios ayudanata na crijcunamanga paipa espíritu santotaca na cunllu. Chaimandami huaquingunaca Bibliapi imata yachachijushcataca na indin. Shinallata Diospa espíritu santomi Jesusta ali catijcunata cachashpa ashtahuan intindichun ayudan (Hechos 8:26-35).
-
Bibliapi huaquin textocunataca gentecunaca intindina horas chayajpimi intindin. Shuj ejemplota ricupashun, profeta Danielmanga shamuj punllacunapi pactarina profeciata escribichunmi mandarca. Shuj angelca caitami nirca, “Daniel, ashtahuangarin canga, cai shimicunata escribishca librotaca, tucurimui punllacunacaman vichashpa, sellashpa alichilla” nishpa. Ashtaca gentecuna chai punllacunamandapacha cunangamanga, Daniel escribishca librota liishpapash na intindi ushashcachu. Profeta Danielca pai escribishca shimicuna cajpipash na tucuita intindi usharcachu. Humilde caimadami Danielca nirca: ‘Shina nijta uyashpapash, na yachai usharcanichu’ nishpa. Daniel escribishca profeciataca Taita Dios agllashca tiempopimi gentecunaca ali intindi ushana carca. Jipamanga cutinmi chai angelca nirca: “Daniel cunanga rilla. Cai shimicunaca, tucurimui punllacunacaman sellashpa vichashcami tiajun” nishpa. ¿Picunallashi intindi ushana carca? “Diosta na manllajcunaca, cashna tucunataca shujllapash na yachai ushangachu. Ashtahuangarin ali yachajushcacunaca, yachai ushangallami” (Daniel 12:4, 8-10). Imashinami ricunchi, Taita Diosca pai agllashca tiempopimi Bibliamanda huaquin textocuna imata ningapaj munashcata ali intindichin.
Testigo de Jehovacunaca ima horaspash ¿Bibliata pandata intindishcanchichu? Ari. Shinapash, Bibliapi nishcacuna Taita Dios pai agllashca tiempopi ali intindichijpica, Testigocunaca uchashpami ima cambio tiajpipash ali intindingapaj esforzarinchi. Shina rurashpami Jesusta ali catijcunapa chaquita catijushcata yuyanchi. Paicunaca humildecuna caimandami imapi pandarishcata Jesús ali intindichijpi, panda intindishcata ladoman saquirca (Hechos 1:6, 7).
Callaripi parlashca huahuaguca shuj fabricapimi fuyutaca ruran yashpaca pandarijurcami. Huahua caimandami shina pensarca. Shinapash Bibliapa yachachishcacunaca tucui ñucanchi causaipa minishtirishcapachami can. Chaimandami Bibliata liishpa ñucanchipa munai intindinapa randica, pipash ayudachun minishtinchi. Shinaca pipash intindichichun mañapangui. Chaipaca humildadhuan Bibliamanda yachajujcunata, Dios paipa espíritu santohuan ayudashcata crijcunata, Bibliata intindichun Dios agllashca punllacunapi causajushcatapash seguro caj gentecunata mascapangui. Quiquin munashpaca testigo de Jehovacunahuan parlanallami capangui. Paicunapa ali ali investigashpa Internetpi jw.org paginapi llujchishca publicaciongunatapash liinallami capangui. Bibliapica ninmi: “Ali yachaitaca, caparishpa mañangui [...,] Taita Diospaj ali yachaitapashmi taringui” nishpa (Proverbios 2:3-5).