Jehová Diosca paipa llactataca alipachami yachachin. Chaimandami Jehová Diospa organizacionga, estudiantecuna paicunapa asignaciongunata ali pactachichun ashtaca escuelacunata callarichishca. Shuj escuelaca, Escuela para Evangelizadores del Reino (SKE) nishcami can. Cai ultimo huatacunapica, Jehová Diospa organizacionga estudiantecunaman imata yachachinapi, escuelacunapa instalacionguna imashina cashcapipashmi preocuparishca. Estudiantecunapash ali yachajuchun, instructorcunapash ali yachachichunmi shina ruranajun. Caicunata pactachingapaca ¿imashinata quiquingunapa contribuciongunaca ayudajun?

 Ashtaca huatacunami cai escuelacunaca Salones del Reinocunapi, Salones de Asambleacunapi cashca. Shinaca ¿imamandata escuelacunapalla chairalla shuj instalaciongunata rurashcanchi o ashtahuan mirachishcanchi. Cai quimsa razongunata ricupashun.

 Ashtahuan minishtirishcamanda. Cuerpo Gobernantepa Comité de Serviciopi ayudaj huauqui Christopher Mavorca ninmi: “Sucursalcunaca congregaciongunapi ashtahuan ayuda minishtirishcatami nin”. “Por ejemplo, 2019 huatapica Brasilmanda sucursalca, chai sucursal ricujushca territoriopi ayudangapaca, Escuela para Evangelizadores del Reinopi graduarishca más o menos 7.600 huauquipanicunami minishtirin” nircami. Estados Unidosmanda sucursalca ninmi, huauquipanicuna Predicación Publicapi, predicación metropolitanapi, barco paradacunapi, carcelcunapi villachi ushachunga, ali yachajushca huauquicuna shuj huauquicunata yachachichunmi minishtirin nircami. Shinallata, Departamento Local de Diseño y Construccionbi, Comités de Enlace con los Hospitalespipash sirvichunmi huauquicuna minishtirin. Chaicunapica Escuela para Evangelizadores del Reinopi graduarishca huauquicunami ayudai ushan.

 Ashtahuan huauquicuna matricularishcamanda. Ashtaca sucursalcunaca matriculai ushashcamandapash ashtahuan yali solicitudcunatami chasquishca. Por ejemplo, Brasilmanda sucursalca Escuela para Evangelizadores del Reinopi matricularingapami casi 2.500 solicitudcunata shuj huatapilla chasquirca. Shinapash, cai escuelapa instalacionguna na yapa tiashcamandami, sucursalca 950 estudiantecunatalla chasquirca.

 Alipacha hospedaje. Salón del Reino o Salón de Asambleaspi escuela cajpica, estudiantecunaca huauquipanicunapa huasicunapimi mingarin. Cai arregloca, huatapi huaquinlla escuelacuna tiajpica alimi can. Shinapash, ashtaca escuelacuna tiajpica huauquipanicunaca ashtaca quillacunata estudiantecunata mingachitaca na ushanllu. Chaimandami estudiantecunapaca escuela ladollapi paicunapacha rurashca instalacionguna tian.

 Clasespa shuj aula, shinallata más o menos 30 estudiantecuna, instructorcunapash chaipillata quedai ushachun shuj instalacionda maipi, imacunatalla minishtirishcacunata ricushpa rurangapaca ashtaca millón dolarcunami minishtirin.

 Escuelacunaca casi siempre ciudadmanda asha carulla, tranquilo pushtucunapi, buscuna yalijuj pushtupi, ashtaca publicadorcuna tiashca pushtupimi cana can. Shinami ashtaca publicadorcunaca chai instalaciongunapi mantenimientota rurashpa o ima minishtirishcacunapipash ayudai ushan.

 Cai instalaciongunaca bibliotecacunata, estudiangapaj pushtucunata, computadoracunata impresoracunata, shuj cosascunatapashmi charin. Shinallata estudiantecuna instructorcunahuan igual micuchunmi casi siempre shuj comedor tian. Ejerciciocunata rurangapaj, pugllangapaj, samangapapashmi huaquin pushtucuna tian.

 Aulata rurangapapash alipachami planifican. Warwick, Nueva York llactapi Departamento de Diseño y Construcción Mundialpi trabajaj huauqui Troyca cashnami nin: “Estudiantecuna aliguta yachajuchun aulata rurai ushangapaca, Departamento de Escuelas Teocráticas nishcapa ayudatami mascanchi. Chai Departamentomanda huauquicunami aulacuna ima tamaño, ima diseño, luz, audio y video minishtirishca cashcamanda sugerenciacunata curca” nin. Cutin equipo de audiota imashina instalanamanda parlashpaca, Hungría llactamanda Escuela para Evangelizadores del Reinopi Zoltán shuti instructorca nircami: “Callaripica microfonocunata na charircanchichu. Chai estudiantecunataca cada rato shinllita parlapai nin carcanchi. Shinapash cunanga cada escritoriopimi shuj micrófono tian. Chai problemaca solucionarishcami” nin.

 Ashtahuan alipacha rurashca instalaciongunaca ¿imashinata instructorcunatapash estudiantecunatapash ayudashca? Palm Coast, Florida, Estados Unidos llactapi Escuela para Evangelizadores del Reinoman rishca Angela paniguca ninmi: “Chai pushtuca tranquilomi can. Clases aulapash, cuartocunapash ñucanchicuna aliguta yachajuchun rurashcami can. Tucuitami aliguta rurashca” nishpa. Hungría llactamanda Csaba shuti instructorca, estudiantecunahuan tandanajushpa micunatami alicachin. Chai huauquica ninmi, “estudiantecuna ñucanchicunahuan micujushpaca, paicuna imashina sintirishcata, ima experienciacunata charishcatami ñucanchiman parlan. Shinami estudiantecunataca ashtahuan rijsi ushanchi. Chaimi paicuna imata ashtahuan yachajunata minishtishcata ricushpa yachachi ushanchi” nin.

 Estudiantecunapash instructorcunapash ashtahuan alipacha rurashca instalaciongunaca “Alipacha Yachachij” Jehová Diospa shuj bendicionmi can ninmi (Isaías 30:20, 21; TNM). Filipinas llactapimi Escuela para Evangelizadores del Reinoman rishca paniguca, shuj instalacionda escuelaman rurashcamandaca nircami: “Escuelapi cashpaca na estudiantecunallachu canchi, Jehová Diospa invitado especialcunami canchi. Paica paipa Shimi Bibliata cushilla yachajuchunmi munan” nishpa.

 Escuelacunapa instalaciongunataca quiquingunapa contribuciongunahuanmi ruraita, arreglaita, cuidaita ushanchi. Ashtaca contribuciongunataca donate.pr418.com nishcapimi ruran. Quiquingunapa contribuciongunamandaca ashtacatami agradicinchi.