Testigo de Jehovacunaca más de 130 huatacunatami, asambleacunataca cada huata charipashcanchi. Cai asambleacunapica, más de 40 diferente discursocunami tian. Shinallata musicacuna, entrevistacuna y videocunapashmi tian. Gentecuna asambleacunaman rishpa animaringapaca, aligutami ‘ricuna y uyana’ can (Lucas 2:20). Shinaca ¿imashinata quiquin cushca donaciongunataca asambleacuna maipi tiajpipash, tucuicunallata beneficiarichun aliguta utilizapanchi?

 Jatun llactacunapica moderno estadiocuna, localcunami tian. Chaicunapica ñami sistema de audio y video tianata yachan. Chashna pushtucunata asambleacunapa alquilashpaca ¿imashpata ñucanchi propio equipocunata chaicunapica instalanchi? Departamento de Broadcasting de la Central Mundialpi sirvijuj Davidca ninmi: “Alquilashca huaquin pushtucunapica, 6 horas yalillagutami programacunataca uyaita usharin. Estadiocunapi equipocunaca, anunciocunata rurangapaj y musicacunapa asha parteguta uyangapallami sirvin. Shinallata, pantallacunapash pi ganajushcata ricuchingapaj puntuaciongunata, advertenciacunata y pugllaicunapa huaquin partecunata repitishpa yalichingapallami can. Cutin asambleacunapica, ashtahuan jatun videocunata ricungapaj y plataformamanda parlashca tucuilla palabracunata uyangapaj, intindingapami munapanchi”.

 Asambleata rurangapaj cada local diferente cashcamandami sistema de audio y videotaca cada localman acomodana tucunchi. Shuj localta alquilashcandimi, Sucursalpi Departamento de Broadcastingbi huauquicunaca mashna gentecuna rinata yachajta ricushpa y local mashna gentecunapa capacidadta charijta ricushpa mashna gentecuna asientota charinata ricun. Shinami chai huauquicunaca, tucuicuna discursocunata ali uyachun, videocunata ali ricuchun, pantallata maipi instalanata, ima equipocunalla minishtirina cashcatapash ali ricun.

 Asambleacuna chai ratopillata shuj idiomacunapi tiana cajpicarin, de audio y video equipocunata instalanaca ashtahuan shinllimi can. Shuj idiomacunaman asambleata traducishpa interpretana cashpaca, interpretecunaca audiocunata, videocunataca uyana y ricujunami can. Chai jipami, chai idiomata parlaj gentecuna uyachunga, interprete imata traducishcataca por separado shuj radio emisorapi yalichina can. Reproducingapaj especial aparatocuna tiashcamandami, shuj videotaca chai ratopillata 8 diferente idiomacunapi gentecunaca ricuita ushan. Davidca ninmi: “Chai sistemacunata instalanaca shinllimi can. Chaicunata instalangapaj ayudaj voluntariocunapash, aligutapacha entrenashcacunami cana can”.

 Tauca sucursalcunami cada huata ocupangapaj audio y video equipocunata charin. Chaimi huauquicunaca chai equipocunata shuj asambleacunaman apangapaj organizarina can. Estados Unidospi sucursalca, audio y video equipocunata shuj ladocunaman apashpallami, más de 200 mil a dolarcunata cada huata gashtan. Shinapash shuj equipocunata randishpa, mantenimientocunata cunahuan ricujpica, chai precioca ashtahuan baratomi can. Steven huauquica, Canadá llacta asambleapimi superintendente de audio y videota ayudarca. Paica ninmi: “Cati asambleapa listo cachunmi, equipo de audio y videopi ayudajcunaca cada tuerca, tornillo, cable y cada piezata cuentashpalla charin cashca” ninmi.

 Sistema de audio y videopa equipocunata alquilanaca caropachami can. Equipocunapash de baja calidad y na ali mantenimientocunata cushcacunami canata yachan. Chaimandami ñucanchi ocupana equipocunataca mejor randitarapash randinchi. Cunanbica shuj pantalla LED de 5 metros por 3 metrosta churangapaca, casi 24 mil dolarcunami gashtarin. Y solo shuj cable de micrófono de 15 metrosmi más o menos 20 dólar valin. Chaimi imapash equipocunata nara randishpallata ‘culqui pactana o na pactanata’ ricungapaj, Departamento de Broadcastinga Departamento de Comprashuan primeroca parlarin (Lucas 14:28). Paicunaca, mashnacuna beneficiarinata, ciertopacha randina minishtirijushcata, chai equipocunata almacenashpa charingapaj shuj pushtu tiajta y chai equipocunaman mantenimientota cungapaj herramientacuna y entrenashca voluntariocuna tiajta o na tiajtami parlarin.

 Audio y video equipocuna unaita parachun y donación cushca culquita aliguta utilizangapami electronicamente imagutapash arreglanchi y piezacunatapash aliguta ricushpa arreglanchi. Ama imapash equipocuna huaglichunga, pesota aguantana shinlli cajongunapimi cachanchi. Minishtirijpica chai cajongunatapashmi mantenimientota ruranchi y arreglana minishtirijpica arreglanchi.

 Na Testigo gentecunapashmi asambleacunapi audiocuna y videocuna ali calidad cajta ricushpaca manllarishpa quidashca. Por ejemplo, shuj jatun emisorapi trabajadorca, asambleapi informacionguna y videocunapash alipacha calidad cashcatami ricurca. Asambleacunapi sistema de audio y videota instalashpa ayudajuj Jonatán huauquica nircami: “Chai trabajadorca equipocunata instalanajujcuna na profesionalcuna cashcata, sino voluntariocunalla cashcata yachashpaca manllarishcami quidarca” nircami. Chai trabajadorpash nishcarcami: “Ñuca trabajajuj compañiapica, 5 punllacunatami chai equipocunata instalashpaca demoranchinman carca. Pero cangunaca, solo shuj punlla y chaupitallami parashcanguichi” nircami. Cutin shuj asambleata rurashca localpi gerenteca nircami: “Caipi ricushca musicacuna y videocunaca profesionalcuna rurashcashnami can. Chashna alipacha calidadhuan rurashca musicacunata y videocunataca na ricushcanichu” nircami.

 Asambleacunapi sistema de audio y video tiashcamandaca ¿imashinata beneficiaripashcanchi? Inglaterra llactamanda Davidca nircami: “Ñucaca 88 huatacunatami charini. Unaitami asambleacunaman rishcani. Pero cunanbimi asambleataca ali ali uyashpa tiajunata yachani. Juyailla videocunata ricushpaca tiempoca ñapashmi yalin. Asambleapi imata yachachijujtapash claritomi intindini” nircami. Nigeria llactamanda Michaelca ninmi: “Ñucanchi huauquicunaca discursanteta aliguta uyangapaj y videocunata aliguta ricungapaca ñana esforzarinajunllu. Chaimi paicunaca asambleapi imata nijujtaca aliguta concentrarishpa tucuilla programata aliguta uyaita ushan” nircami.

 Cai huatapa “Ali villaicunata predicashunchi” nishca asamblea regionalman o asamblea especialman rishpaca, chai asambleata uyangapaj, ricungapaj mashna gashtarishcataca yaipi charipashunchi. Quiquin churashca contribuciongunamanda, shinallata donate.pr418.com paginapi donacionda rurashcamandami, cashna asambleacunataca rurai ushapashcanchi. Quiquingunapa contribuciongunahuan ayudashcamandaca tucui shungumi agradicipanchi.