Enero de 2021​pimi, Cuerpo Gobernantepi sirvij huauquica Bibliata ashtahuan estudiangapaj shuj mushuj ayudata charinchi nishpa villarca. Chai ayudaca, ¡Para siempre Cushilla causapashunchi!  a nishca libromi can. Cai mushuj librota charinchi nishcata uyashpaca quiquinga imashinata sintiriparcangui. Canadá llactamanda Matthew huauquica, cashnami nin: “Cai mushuj publicacionda imashina llujchishcata, shuj huauquipanicunata imashina ayudashcata discursocunapi, videocunapi imashina yachachijta uyashpaca ninandami cushijurcani. Chaimi ñucapash chai mushuj publicacionda ña charingapaj munarcani”.

 ¡Para siempre cushilla causapashunchi! libroca Bibliamanda ashtahuan aliguta yachachita ushangapami can. Shinallata cai libroca shuj librocunamandaca ashtahuan diferente pachami can. Y si quiquin ¡Para siempre cushilla causapashunchi! librota ña charishpaca shuj publicaciongunamandaca diferente cashcatami cuenta japipashcangui. Cai libro imamanda diferente cashcata yachangapaca cai librota imashina rurashcata ricupashun.

 Hojacunaca ashtahuan racumi can. ¿Imamandata chashna ruranaca minishtirirca? ¡Para siempre cushilla causapashunchi! libropica 600 yali acolores dibujocunatami charin ¿Imatata Bibliaca yachachin? nishca libropa dibujocunatapash yalimi charin. Cai mushuj libropa paginacunapica imacunatapash anotangapami más espacio tian. Shinapash chashna librota rurangapaca huaquin problemacunatami charirca: Si papel tela tela cajpica chaishuj paginapa huashamanmi dibujocunaca ricurita ushan. Estados Unidos llactapa Wallkill, Departamento Internacional de Impresionbi (IPD), sirvij huauquicunaca dibujocuna ama huashaman ricurichunmi chuscu diferente hojacunata utilizarca. Comité de Redaccionbi sirvij huauquicunaca cada papelta aliguta ricushpami maijan papel ashtahuan ali cashcata agllarca. Shinapash cai papelca ñucanchi charishca publicaciongunapa papelcunamandaca ashtahuan yali valishcami. Cai papelcunahuan ¡Para siempre cushilla causapashunchi! librota rurashcamandami Bibliamanda estudiantecunaca hojacunapi dibujocuna huashaman ricurijpi ama distrairichun ayudan.

 Libropa callari pastaca diferentemi can. Cai mushuj libropa callari hojaca ñucanchi charishca librocunamandaca diferentemi can porque cai libroca shuj capa protectora nishcatami charin. Chai shuj librocunatashnallata brillosota ruranapa randica cai mushuj librotaca na chashna rurashcachu. Chaimandami pastapi tiaj dibujopash clarito ricurin. Chashna aliguta rurashca caimandami imashna viajecunata utilizajujpipash na jaicata rucuyanga. Laminado mate nishcaca laminado brillosotapash yalimi valita ushan. Shinapash ashtaca sucursalcunaca na yapata valishca acabado mateta randingapami ayudarca.

 ¿Imamandata valishca materialcunataca agllashca? Departamento Internacional de Impresionbi sirvij shuj huauquica cashnami nirca: “Cai librotaca yapata utilizanatami pensarinchi chaimandami cai libro ama ñapash dañarichun chai valishca materialcunahuan rurarcanchi”. Brazil llactapa sucursalpi, Oficina de Imprentapi sirvij huauqui Eduardoca cashnami nin: “Jehovapa organización alipacha materialcunahuan cai librota rurashcata ricushpaca ninandami cushijupanchi shinallata contribución culquigutapash aliguta utilizajtami ricupanchi”.

 Marzo de 2021​tami ¡Para siempre cushilla causapashunchi! nishca librotaca imprimi callarircanchi. Cai fechacunapica COVID-19 ungui tiashcamandami difícil carca. Betel vichicashca caimandami imprimishpa ayuda voluntario huauquicunaca Betelmanga ñana rita usharca. Shinallata mushuj huauquicuna betelitacuna tucuchunbash na invitaita usharcachu. Chaimandami imprimishpa ayuda huauquicunaca na suficiente tiarca shinallata gobiernocunapa mandashcacunata causaimandapashmi huaquin Betelcunaca vichicarirca.

 Shinapash ¿imashinata cai problemacunata mishaita usharca? Imprimina ucucuna ña pascarijpimi Betelpi sirvij huauquicunallata imprimishpa ayudana asignacionda chashquirca. Departamento Internacional de Imprentapi sirvij Joel huauquica cashnami nin: “Betelpi sirvij huauquipanicuna cushijushpa paicunapa mushuj asignaciongunata chasquishcamandami cai trabajocunataca aligutapacha pactachita ushashcanchi”.

 Problemacuna tiajpipash ¡Para siempre cushilla causapashunchi! nishca librotaca ashtaca ashtacatami imprimita ushapashcanchi. ¡Para siempre cushilla causapashunchi! librota imprimingapaca diferente materialcunatami utilizarca. Callari cinco quillacunapillami imprimingapaj materialcunapica 2,3 millones de dolarcuna gashtarirca. Culquita ama yangata gashtangapami congregacionguna minishtishca librocunatalla imprimircanchi.

 Bibliamanda yachachijcunapash, estudiantecunapash cai librota charimandaca ¿imashinata sintirin? Australiamanda Paul huauqui cashnami nin: “¡Para siempre cushilla causapashunchi! nishca libro alipacha cashcamandami estudiota cungapaj utilizani. Cai libroca alipacha rurashcami can informacionbash claritomi can, tapuicunapash estudiantecunapa shungumanmi chayan. Videocunata, dibujocunatapashmi charin. Chaimandami Bibliamanda yachachijpash estudiantepash ishcandimanda parlarita ushan. Cai librota alipacha rurashcamandami shujcunaman yachachingapaj ashtahuan mejorana munaita charichun ayudahuan”.

 Estados Unidosmanda Bibliata yachajuj shuj estudianteca cashnami nin: “Cai mushuj librotaca ninandami gushtahuan dibujocunaca imata yachajushcata ashtahuan intindichunmi ayudahuan. Videocunaca ñuca shungumanmi chayahuan chaimi ñuca causaipi imata yachajushcata pactachichunbash ayudahuan”. Cai estudianteca semanapica ishcai viajetami yachajujun congregacionba tandanajuicunamanbashmi rin.

 ¡Para siempre cushilla causapashunchi! libroca ashtaca idiomacunapi imprimina faltanrami. Cunangaman Cuerpo Gobernantemanda huauquicunaca ¿imatata Bibliaca yachachin? nishca librotapash yalimi cai mushuj librotaca 710 idiomacunapi publicachun aprobashca.

 ¿Ima culquihuanda cai librotaca imprimita ushashcanchi? Donate.pr418.com paginaman yaicushpa obra mundialman cushca contribuciongunahuanmi ruraita ushashcanchi. Quiquingunapa contribucionmandaca ninandami agradicinchi. Cai ayudacunami Bibliamanda estudiantecuna Jehová Diosmanda ashtahuan yachajuchun ayudan shinallata para siempre causaiguta chasquita ushachunbashmi ayudan (Salmo 22:26).