Marzo de 2020 huatapica COVID-19 ungui shuj pandemia cashcatami Organización Mundial de la Saludca villarca. COVID-19 ungui unaita paranataca huaquingunaca na yuyarcachu. Cai COVID-19 unguimandami ashca gentecuna, shinallata testigo de Jehovacunapash paicunapa causaipi huaquin llaquicunata charishca. Testigo de Jehovacunaca cai ungui tiashcamandaca ¿imashinata ayudashca?

 Testigo de Jehovacunamanda Comité de Coordinadores del Cuerpo Gobernantepi sirvij huauquicunami, COVID-19 unguimanda 950 yali Comité de Socorropi sirvij huauquicuna mundo enteropi ayudachun churashca. Huauquipanicunata ayudangapami imagutapash rurashcanchi. Cutin huaquin huauquipanicunaca gobiernocunapa ayudatami chashquishca. Comité de Socorropi sirvij huauquicunaca ashtacatami ayudashca.

 Paraguay llactapi ima pasashcata ricupashun. Shuj periodicopica COVID-19 unguimanda culqui na yapalla tiamandami, Paraguay llactamanda ashca gentecuna yarjaimanda huañujushcata villarca. Comité de Socorropi sirvij huauquicunaca Paraguay llactapica ishcai semanapa parana micunata, shinallata paicunapa minishtirishca cosascunatapashmi familiapi chushcupura causacunamanga ña caranajurca. Cada carana fundami más o menos 30 dólar valor carca.

 Llaqui apashca huauquipanicunata ayuda huauquipanicunaca COVID-19 ungui paicunatapash, shujta huaquipanicunatapash ama japichunga ¿imatata rurashca? Paicunaca mascarillata churajushpa, shuj gentecunamandapash carulla cashpami COVID-19 unguimandaca cuidarin. Shinallata chai huauquicunaca micunata carangapaj alichishca pushtucuna limpio cachunmi ricurianajun. Shinallata micunata alichishpa ayuda huauquipanicunaca tucuicunallata mascarillata, guantesta, cascota churajushca cana cashcatapashmi ricurian. Micunata entregangapaj carrocunapash limpio, desinfectashcami cana can. Micunata churana pushtucunapash desinfectashcami cana can. Micunata entregashpa ayuda huauquipanicunaca shujta huauquipanicunamandaca carupimi cana can.

 Enero de 2021 huatacamanga, Comité de Coordinadorespi sirvij huauquicunaca llaqui apashca huauquipanicunata ayudachunga 25 millones de dolarcunata gastachunmi aprobarca. Sucursalpash, Comité de Socorropi sirvij huauquicunapash carashca culquiguta imashna aliguta utilizanatami ricun. Chaimi baratolla micunacunata randingapaj mascan. Por ejemplo, Chile llactapica Comité de Coordinadorespi sirvij huauquicunaca llaqui apashca huauquipanicunata ayudangapami 7 quintales de lentejasta randingapaj munarca. Shinapash lentejasca shuj quillapillami yapata valirca. Yapata valijpipash randingapaj ishcai horas ari nishca jipallami, lentejasta jatudor dueñoca, “shuj randidormi, lentejasta catigrachirca” nishpa villarca. Shinapash valishcapa jatunapa randica lentejasta jatudor dueñoca, tigrachishca lentejastaca punda cashca preciopillatami jaturca.

 Huauquicuna lentejasta apamungapaj rijpica, lentejasta jatudorca “cangunaca shujta organización cuentaca na tucuicunaman igual caranllu canguichi” nishpami lentejastaca ñana jatungapaj munarca. Jehovata mañashca jipami shuj huauquica lentejasta jatudormanga cashca nirca: “Cada congregacionbi maijan micunaguta minishtijta ricushpami caranchi” nircami. Huauquicunaca caitapashmi nirca: “Cada familiami diferente cosascunata minishtin. Chaimi paicuna ima ministishcata ricushpa, cada unoman caranchi” nirca. Shinallata lentejasta jatudormanga, testigo de Jehovacunaca paicunapa munaimi imagutapash carashpa, imagutapash rurashpa ayudan nirca. Chaita uyashpami lentejasta jatudorca manllarishca quedarca. Chaimi lentejas preciota bajashpapash lentejasta jatudorca, cutin randingrijpica 4 quintal lentejasta carashpa cacharca.

 Lusu paniguca Liberia llactamandami can. Paica viudami, paipa huasipica 5purami causan. Shuj punlla desayunota micunajujpimi, 7 huatacunata charij Lusu panigupa nietoca huasipi micuna na tiajta ricushpa “Cunanga ¿imatata micushun?” nishpa tapurca. Shina nijpimi Lusu paniguca cashna nirca: “Jehová Dios ñucanchita ayudachunga ñami mañarcani” nircami. Paica Jehová Dios paicunata ayudanataca seguromi carca. Chashna nishca chishillatami Lusu panigutaca congregacionmanda ancianocunaca micunata apaj shamuichi nishca cayarca. Lusu paniguca cashnami nin: “Ñuca nietoca ñuca mañashcata Jehová uyashcata ricushpami, Jehová Diosca mañaicunataca uyashpa, mañashcatapash tigrachijmi” nishpa nirca.

 República Democrática del Congo llactapimi shuj huarmica shuj Testigo familiacunapa ladopi causan. Congregacionmanda huauquicuna Testigo familiacunaman micunata carajta ricushpami chai huarmica, “COVID-19 ungui tucurishca jipaca, ñucanchipashmi testigo de Jehová tucushun nirca. Porque cai shinlli llaquicunapimi paicunapa turiñañacunataca cuidashca”. Chashna nijpimi chai huarmipa cusaca cashna nirca: “¿Shujlla funda arrozmandallachu testigo de Jehová tucungapaj munangui?” nishpa. Cashna nijpimi paica cashna nirca: “Arroz fundatalla carashpapash paicunapura juyarishcatami ricuchishca”.

 Testigo de Jehovacunaca carashca culquiguhuanmi imagutapash minishtijuj huaquipanicunataca ñapash ayudaita ushashca. Donate.pr418.com paginaman yaicushpa contribuciongunata carashcamandaca ninandami agradicipanchi.