Canciondaca Jehová Diosmi shuj regalogutashna carashca. Canciongunata uyashpami ñucanchi pensamientopi, ñucanchi shungu ucupi llaquilla o cushilla sintirita ushanchi. Ashtahuangarin JW Broadcastingbi llujshishca canciongunami Jehová Diosmanga ashtahuan quimirichun ayudan.

 Ñucanchi canciongunataca 2014 huatamandapachami 70 yali canciongunata sruranajushcanchi. Chai canciongunamandaca 500 yali idiomacunapimi tian. Tal vezchari tapuripangui “canciongunataca ¿pita rurashpa ayudan? Shinallata canciongunataca ¿imashinata ruranga?” nishpa.

 Comité de Enseñanzas del Cuerpo Gobernantepi sirvij huauquicunami Servicio de Audio y Videopi ayudaj huauquicuna JW Broadcastingbi canciongunata llujchichun ricurianajun. Equipo de musicapica 13 huauquipanicunami , ingeniería de sonidopi, composicionbi, shuj shuj ruraicunapipash ayudanajun. Comité de Enseñanzapi sirvij huauquicunami mundo enteromanda voluntario huauquipanicuna musicapi ayudachun aprobashca. Chai huauquipanipuracunamandaca compositorcuna, musicocuna, cantantecunami can. Chai huauquipanicunaca humildecuna caimandami paicunapa rurashcacunamanda paicunata alicachichunga na munan.

 Ñucanchi canciongunataca ¿imashinata ruran? Comité de Enseñanzapi sirvij huauquicunami canciongunapa maijan textocuna ali cashcata decidin. Shinallata canciongunata uyajcunapash ali sintirichunmi ricun. Equipo de musicapi sirvij huauquipanicunami picuna musicata ruranata, musicapa letracunata picuna escribina cashcataca agllan. Comité de Enseñanzapi sirvij huauquicuna uyachunmi grabashca canciondaca cachan. Chai huauquicunaca chai cancionda uyashpaca imagupipash cambiana cajpica cambiachun nin. Chaimi equipo de musicapi sirvij huauquipanicunaca chai cambiocunata rurashpa canciongunataca cutin graban. Canciongunataca sucursalcunapi o huauquipanicunapa huasicunapimi graban.

 Huauquipanicunaca canciongunata alichingapaj, grabangapaca audio digital, programa de música y librería de audio nishcacunatami utilizan. Shinallata musicapi instrumentocunata, mezclador de sonidocunata, amplificadorcunata, altavocescunata, microfonocunapashmi minishtin. Cada microfonomi 100 dólar hasta 1,000 dólar yali valita ushan. Huata 2020​pica musicacunata grabangapaj equipocunapica 116 mil dolarcunami gashtarirca.

 Culquita ama yapata gashtangapaca Betelpi sirvij huauquicuna musicapi ayudachun mañanapa randica voluntario huauquipanicunapa ayudatami mañan. Shinallata huauquipanicuna tandanajushpa shuj orquestata rurashpa grabanapa randica computadorapa programacunata utilizashpami musicataca ruran.

 Ñucanchi huauquipanicunataca canciongunata uyanataca ninandami gushtan. Alemania llactamanda Tara paniguca cashnami nin: “Ansiedadhuan sintirijushpaca ñuca shimipi canciongunatami uyanayan. Chaimi Jehová Dios ugllajujtashna sintini”. Kazajistanbi causaj huauqui Dimitrica cashnami nin: “Ñucanchi canciongunapa letracunaca Bibliapa yuyaicunamanda japishca cajpimi na preocuparini. Ashtahuangarin espiritualmentepash ali cachunmi ayudahuan”.

 Sudafricamanda Delia paniguca ñucanchi canciongunamandaca cashnami nin: “Ñucanchi canciongunami ñuca fe shinlli cachunga ayudan. Llaquilla sintirijushpa o imapash problemata charishpaca ñucanchi canciongunata uyanami cushilla sintirichun ayudahuan. Huaquinbica ñucanchi canciongunapa tonota uyashpallatami tranquila sintirini”.

 Tauca huauquipanicunatami ñucanchi canciongunata uyanataca gushtan. Sudafricamanda Lerato huauquica cashnami nin: “Ñuca mamita causarina punllapi pensarichunmi ‘Paraisoca ñallami chayamunga’, shinallata ‘Muy cerca’ nishca canciongunaca ayudahuan. Cada chai canciongunata uyashcandimi ñuca mamita ugllangapaj shamujujtashna sintini”.

 Ñucanchi canciongunamanda shuj cancionmi Sri Lanka llactamanda shuj jovengutaca ayudarca. Paica ninmi: “Ñuca profesoraca testigo de Jehová cashcamandami clases ucupi tucuicunapa ñaupapi nali shimicunata nihuarca. Chaimi manllarishpa imata nitapash na usharcani. Huasiman chayajpica ñuca mamitaca ‘Fuerte tu serás’ nishca cancionda uyachunmi animahuarca. Chai cancionda uyanami imagutapash nara nishpallata aliguta investigana, aliguta prepararina cashcata yachachun ayudahuarca. Cayandica ñuca profesorahuanmi parlarcani. Aliguta uyashpami paica testigo de Jehovacunapa crishcacunataca ninandami alicachingui nihuarca. Jehovapa organizaciondaca alipacha canciongunata rurashcamandami ninanda agradicini”.

 Ñucanchi canciongunataca ¿ima culquihuanda ruran? donate.pr418.com paginaman yaicushpa, obra mundialpa cushca contribuciongunata utilizashpami canciongunataca ruranchi. Contribución culquiguta carashcamandaca ninandami agradicinchi.