Mundo enteromanda tiempo completo especialpi sirvij huaquin huauquipanicunami Galaad escuelamanga rin. Cai escuelaca Nueva York, Patterson llactapimi can. a Chai escuelapi yachachishcacunami ima asignacionda charishpapash aliguta pactachichun huauquipanicunataca ayudan. Shinallata sucursalcunapi, congregaciongunapipash huauquipanicuna espiritualmente shinlli cachunbashmi ayudan.

 Tucui llactamanda huauquipanicunami Galaad Escuelamanga rita ushan. Por ejemplo 2019 huatapica clase 147 escuelapimi 56 huauquipanicuna graduarirca. Paicunaca 29 llactacunamandami carca. Chai escuelaman rij huauquipanicunaca betelita, superintendente de circuito, misioneros, precursor especialcunami can.

 Cai escuelata charingapaca huaquin quillacuna faltajpillatami arreglocunata ruran. Por ejemplo Departamento de Viajepi sirvij huauquicunami Galaad Escuelaman invitashcacunapa voletota randin. Clase 147 escuelaman shamuj huauquipanicunapa voletota randishpaca mil 75 dolarcunatami cada unopi gashtarirca. Cutin Salomón Islamanda huauquipanicunaca chuscu viajecunata avionda japishpami Patterson llactamanga chayana carca. Cutin huasiman tigrangapaca quimsa viajetami aviondaca japina carca. Totalca 35 mil 400 kilometrocunatami rirca. Cada unopami chai voletocunaca 2 mil 300 dolarcuna valirca. Departamento de Viajepi sirvij huauquicunaca baratolla voletota taringapami shuj programata utilizan. Shinallata baratolla voletota tarishca cashpapash chai programaca ashtahuan baratolla voletota taringapami semanacunata, quillacunata mascashpa catinra. Shinallata huaquin huauquipanicuna ashtaca viajeta avionbi rishcamandami Departamento de Viajepi sirvij huauquicunaca ashtahuan baratolla voletota randi ushan.

 Huaquin huauquipanicunaca Estados Unidosman ringapaca visa nishca documentotami minishtin. Chaimandami Departamento de Asuntos Legalespi sirvij huauquicunaca chai huauquicunapa visataca estudiagringapaj cuenda llujchishpa ayudan. Chai papelcunata cada unopa rurangapaca 510 dolarmi valin.

 Huauquipanicuna Galaad Escuelaman rishcamandaca ¿imashinata ñucanchitaca ayudan? Hendra Gunawan huauquica anciano cuendami Sureste de Asia congregacionbi sirvin. Chai congregacionbica Galaad Escuelaman rishca shuj cusahuarmimi sirvin. Paica ninmi: “Pundaca ñucanchi congregacionbica precursor regularcunaca na tiarcachu pero Galaad Escuelamanda shamushca cusahuarmicuna villachinapi cushilla yalijta ricushpami ashtacacunaca precursoradota japirca. Shinallata shuj paniguca Escuela para Evangelizadores del Reinomanmi rirca”.

 Sergio Panjaitan huauquica Galaad Escuelaman rishca huaquin huauquipanicunahuanmi Sureste Asiapa Sucursalpi sirvin. Paica ninmi: “Galaad Escuelaman rishcacunapa yachajushcacunami ñucanchicunapapash ali cashca. Paicunaca jatun tucunapa randica paicuna ima yachajushcatami huauquipanicunamanga parlan. Shina parlajpimi animarinchi shujcunatapash animai ushanchi”.

 Galaad Escuelata charingapaca ¿ima culquitata utilizan? donate.pr418.com paginapi obra mundialpa cushca contribuciongunatami utilizan. Quiquinguna carashca contribuciongunamandami tucui llactamanda huauquipanigucunaca Galaad Escuelaman rita ushashca. Chai contribuciongunata carashcamandami ninanda agradicipanchi.