Testigo de Jehovacunaca 200 yali llactacunapimi Jehová Diostaca sirvipanchi. Shuj gentecunatapashmi ayudapanchi. Pero solo 35 llactacunamanda huauquipanicunallami minishtirishca cosasgucunapa culquiguta cushpa ayudaita ushan. Y chaishuj llactacunamanda huauquipanicunata ayudangapaca ¿imatata ruran?

 Cuerpo Gobernantepi sirvij huauquicunaca mundo enteromanda testigo de Jehovacuna imacunatalla minishtinajujtami ricurianajun. Paicunaca contribución carashca culquigucunataca alipacha utilizangapami esforzarin. Shuj sucursal yapalla culquiguta chasquishpaca, shuj llactacunamanda sucursalcunata ayudangapajmi culquigutaca cachan. Paicunaca punda Jesusta catijcunapa ejemplota catishpami shina ruran. Punda Jesusta catijcunaca ashtahuan charishpaca shujcunatami ayudan carca. Shinami randimanda ayudarin carca (2 Corintios 8:14).

 Shuj llactacunamanda sucursalcunapa ayudacunata chasquishpaca huauquipanicunaca ¿imashinata sintirishca? Por ejemplo Tanzania llactamanda casi tucui gentecunallatami punllapaca ni ishcai dolargutallapash na charin, pero shuj sucursalcuna ayudashcamandami huauquipanicunaca Mafinga congregacionmanda salonda arreglai usharca. Cai congregacionmanda huauquipanigucunaca “Cai salonda arreglashcamandaca ashtahuan gentecunami tandanajuicunamanga shamushca, chaimandami shuj huauquipanicunatapash, Jehová Diostapash ninanda agradicipanchi” nirca. “Chaimandami tucui huauquipanicunata tucui shungu agradicipanchi” nirca. “Cunanga Jehová Diosta sirvingapaca shuj juyailla pushtugutami charipanchi” nirca.

 Coronavirus ungüi ricurishcamandaca Sri Lanka llactamanda huauquipanicunaca micuna illajmi quidarca. Por ejemplo, panigu Imara Fernando y paipa churigu Enoshtapashmi shina pasarca, pero paicunaca shuj sucursalmanda huauquipanicunapa ayudatami chasquirca. Paicuna shina ayudaguta chasquishcamandaca shuj cartaguta escribishpami cashna nirca: “Cai llaqui punllacunapi ñucanchita ninanda ayudashcamandami tucuicunata shungumanda agradicipanchi, Jehovapa organizacionbi cashcamandaca cushillami capanchi, cai tucurimui punllacunapi Jehová Dios paipa sirvijcunata cuidashpa catichunmi mañariashpa catipanchi” nirca.

 Maijan llactamanda cashpapash ñucanchi huauquipanicunaca na mitsashpa imagutapash caranataca ninandami gushtan. Por ejemplo, Enosh huahuaguca shuj huauquipanicunata ayudangapaj munaimandami shuj uchilla cajaguta rurarca. Contribución culquiguta chaipi tandachingapajmi chai cajagutaca rurashcarca. Panigu Guadalupe Alvarezpash caranataca ninandami gushtan. Paica México llactapimi causan. Chaipi causaj gentecunaca casi la mayoría trabajotaca na charinllu huaquingunallami shuj ali trabajotaca charin. Pero panigu Guadalupeca huauquipanicunata imagupipash ayudangapajmi esforzarin. Paica ninmi: “Jehová Dios ñucata juyashcamandaca ninanda agradicipani. Ñuca carashca culquigupash, shujcuna carashca culquigupash shujcunata ayudajta yachashpaca cushillami sintiripani” nirca.

 Sucursalpi sirvij huauquicunaca, shuj llactamanda huauquipanicunata ayudashpaca ninandami cushijun. Huauqui Anthony Carvalhoca Brasil llactamanda Betelpimi sirvijun. Paica cashnami nin: “Ashtaca huatacunatami shuj llactamanda sucursalcunapa ayudata chasquin carcanchi. Shina ayudashcamandami ashtahuan huauquipanicuna Brasil llactapica Jehová Diostaca sirvinajun pero cunan punllacunapica ñucanchi sucursalmi shuj llactacunamanda sucursalcunata ayudajun” nirca. Jehová Diosta ali sirvijcuna cashcamandaca shujcunata Diospa Reinomanda villachina, shuj llactamanda huauquipanicunata ayudanaca minishtirishcapachami can.

 Shinaca testigo de Jehovacunaca ¿imashinata shuj llactamanda huauquipanicunataca ayudai ushan? Contribución culquiguta ñucanchipa munai shuj sucursalcunaman cachanapa randica ñucanchi congregacionbillatami obra mundial nishca cajagupi culquigutaca churai ushapanchi. O Internetpi jw.org paginaman yaicushpa donate.pr418.com nishcaman yaicushpami ñucanchi contribución culquigutaca churai ushapanchi.