Cuerpo Gobernantemanda huauquicunaca Taita Diospa Gobiernomanda villachishpa catichun ayudaj edificiocunata rurangapami donaciongunataca utilizan. Por ejemplo, año de servicio 2023​pica testigo de Jehovacunapa sucursalcunaca randingapaj construcciongunata rurangapaj, shinallata Salón del Reinocunata, Salón de Asambleacunata mundo enteropi arreglangapaca 500 millón yali dolarcunatami gastarca. a Cai culquicunaca mundo enteropi Salón del Reinocunatapash mantenimientota cushpa catichunmi ayudarca.

 Shinallata sucursalcunata rurangapaj mantenimientota cungapami donaciongunataca utilizan. Sucursalcunamandami mundo enteropi predicacionda organizashpa, apoyashpa ayudan. Sucursalcunapica donaciongunahuan Salón del Reinocunata, Salón de Asambleacunata ashtahuan rurangapaj, arreglangapami huaquin cambiocunata rurashcanchi. Shinapash sucursalcunata arreglangapaj, remodelangapaj, shuj ladocunaman churangapaca ashtaca culquimi minishtirin. Caicunata ruranaca ¿imamandata importante can? Sucursalcunaca ¿imashinata predicaciondaca apoyan? Ricupashun.

 ¡Sucursalcunapa ashtaca oficinacuna 30 o 40 huatacunata yalimi charin! Departamento mundial de Diseño y Construccionmanda huauqui Nicholasca ninmi: “Shuj edificioca mantenimientota rurajpipash tiempohuanga asha ashami huaglishpa catin. Shuj edificiota remodelacionda ruranaca chai edificio funcionashpa catichunmi ayudan” nishpa.

 Betel huasicunatapash organización imapa minishtirishcata ricushpami cambiocunata rurana tucun. Ashtaca sucursalcunata rurashcamandaca mundo enteropimi ashtaca publicadorcuna mirashpa catishca. Shina mirashpa catishcamandami sucursalcunapi ashtahuan voluntariocuna trabajachun minishtirin. Punda edificiocunata rurashcacunaca uchillami can. Chaimi cunanbica jatun edificiocuna minishtirin.

 Cai edificiocunaca seguromi cana can. Último punllacunapi causanajushcamandami terremotocuna, acapanacuna, shuj shuj llaquicunapash ashtahuan mirashpa catishca. Chaicunaca ñucanchi causaitami peligropi churan (Lucas 21:11). Remodelaciongunata rurajushpa mushuj tecnicacunata utilizashpami cai edificiocunapi trabajajcuna seguro cachun ayudanchi. Cai mushuj tecnicacunami oficinacuna ashtahuan ali cachun, terremoto o shuj jatun llaqui tiajpipash cai pushtucunapi ali ayudai ushangapaj ayudan.

 Año de servicio del 2023 huatapica 43 sucursalcunapimi ashtahuan oficinacunata rurarca. Chaicunataca Cuerpo Gobernantemanda huauquicunami ricurianajurca. Caica ricuchinmi mundo enteromanda ashtaca Betelcunapi shuj shuj construcciongunata rurajushcata. Cai trabajocunata ruranajushcamanda huaquin ejemplocunata ricupashun.

 Angola. Angola llactapa Comité de Sucursalmanda huauqui Mattca ninmi: “Ageo 2:7​pi profecía pactarijta ricuna bendiciondami charishcanchi. ¡10 huatacunapilla 60% publicadorcuna mirashcatami ricunchi! Cai huauquipanicunata ayudangapaca familia Betelca ashtahuanmi mirana tucurca. Shinapash, Betel uchilla quidashcamandaca ashtahuan voluntariocuna Betelpi trabajachunga na invitai usharircachu. Chaimandami ashtaca betelitacunaca ashtahuan trabajana tucurca, horas extracunatapash trabajarca”.

 Shina mirajujpimi imashina ayudanata ricuchunmi huaquin huaquicunata investigachun cacharca. Uchalla ayudangapaj munashpami chai sucursaltallata remodelashpa ali canman yarca. Shinapash aliguta pensarishpa ricujpica, shina rurashpaca donaciongucunataca na ali utilizagrinajushcatami cuenta japirca. Chaipa radica, chai ladollapi shuj edificiota randishpa, remodelanami ashtahuan ali canman nircami. “Cai edificiota randishpa, remodelashpami ali canman nishpa Comité de Sucursalman nijpica, ñucanchicuna munashcashna na rurashcachu canga yashpami preocuparircanchi. Shinapash cunanbica cai edificioca alipachami quidashca. Jehová Diosca cai decisiondaca bendiciashcami”.

 Angola llactapa sucursalca talvez tiempohuanga ashtahuan espaciotami minishtinga. Shinapash cai mushuj edificio, ladollapi causangapaj huasicuna, sucursal canllaman arrendashca departamentocuna tiashcamandami cai sucursalpica ashtahuan espacio tian. Chaimandami publicadorcuna mirashpa catijujpipash ashtahuan ali ayudashpa cati ushanchi.

 Japón. Cai sucursalpa punda edificiocunataca casi 40 huatacuna huashamanmi rurarca. Shinallata cai edificiocunamanda ashtacacunataca casi nunca na remodelacionda rurashcachu. Cai edificiocunata cutin cutin mantenimientota cushpa catishca cajpipash, utilizashpa catingapaca ñana ali canllu. Chaimandami remodelangapaj shuj jatun proyecto callarirca.

 Betelpi causaipash tiempohuanga cambiashcami. Más o menos huata 2015​camanga familia Betelcunapaca desayuno, almuerzo y meriendatami yanun carca. Chaimandami Japón llactapa sucursalpa cuartocunapica shuj uchilla cocina tian carca. Shinapash cunanbica cada betelitacunallatami huaquin micunata yanun. Remodelacionbica Betelpa cuartocunapi yanungapaj ashtahuan espacio tianchunmi rurashca. Chaimi Betelitacunaca imagutapash yanui ushan. Japón sucursalpi sirvij Kumiko shuti paniguna cashnami nin: “Cai cocinahuanga huasipishnami sintirini. Betelpa mushuj arreglocunatapash ali apoyachunmi ayudan” nin.

 Cai sucursalpi trabajoca mundo enteropi predicashpa catichunmi ashtacata ayudan (Mateo 28:19, 20). Ishcai sucursalcunallami Bibliataca imprimin. Chai sucursalcunamanda shujca Japonmi can. Chaimandami imprentapi trabajajcuna seguro cachunga proyecto de construccionbica shuj sistema de limpiezata, shinallata polvota japingapaj shuj instalacionda rurana proyecto tian. Caita randishpa instalanaca casi 1 millón dolarcunami valirca. Shinapash cai sucursal imprimishpa catichun, espiritual micunata shuj ladocunaman cachaspa catichunmi ayudan.

 Construcción tiajpipash Bibliata impriminami ashtahuan importante carca. Japón llactapa Comité de sucursalmanda huauqui Treyca ninmi: “Construccionda rurajujpica ñucanchi organizacionga ashtahuan idiomacunapi Bibliacunatami llujchirca. Chaimandami mundo enteropa ashtahuan Bibliacuna imprimina minishtirirca. Cai mushuj aparatocunata instalangapapash, publicacionguna llujshishpa catichunga shuj departamentocunahuanbash, contratistahuanbash imahora chaita ruranata alimi ricuna carca” nin. Cai trabajocunata rurana cajpipash, huata 2023​pi entre marzo y agosto quillacunapica, 220 mil Bibliacunata imprimirca. Chai punllacunapi imprentapi jatun construcción rurajujpipash ashtahuan culqui gashtana na minishtirircachu.

 Cai remodelacionbica micha ama yapa gashtarichun ricunapash importantemi can. Mushuj paneles solarescunatami instalanga. Caihuanga michapica cada huatami 120 mil dolarcunata ahorranga. Shinallata triple vidrio ventanacunatapashmi instalanga. Chaihuanga cada huatami michapica casi 10 mil dolarcunata ahorranga. Cai instalaciongunapica llashajlla culquimi gashtarin. Shinapash huatacuna yalijpica cai panelcunahuanga 3.5 millones yali dolarcunami ahorrarin. Shinallata sucursalpa medio ambientetapashmi cuidan.

 Cai ishcai sucursalcunapa proyectocunata ricushpami, publicadorcuna villachishpa catichunga sucursalcunapa edificiocunapi ashtaca trabajocunata rurana cashcata cuenta japinchi. Departamento mundial de Diseño y Construccionmanda huauqui Aaronga: “Ashtacatami trabajashcanchi. Shinapash ashtahuan trabajocunata ruranami ministirin” ninmi. Cai trabajocunataca ¿imashinata rurashpa catin? Paica ninbashmi: “Donaciongunami cai importante proyectocuna rurarichun ayudan. Shinallata, ayudangapaj shamushca voluntariocunata, shamuj punllacunapi ayudangapaj arreglocunata ruranajujcunatapashmi agradicinchi. Ñucanchi huauquipanicuna paicunapa culquihuan, fuerzahuan ayudajujta ricushpami Jehová bendiciajushcata cuenta japinchi” nin (Salmo 110:3).

 Tucui ñucanchi construccionguna, remodelaciongunaca donaciongunahuanmi rurarin. Ashtacacunaca donaciongunataca donate.pr418.com nishcapimi ruran. Quiquingunapa donaciongunamandaca ashtacatami agradicinchi.