Quimsa Punlla Jatun Tandanajuicunapi videocunaca ñucanchi shungu ucucamanmi chayan. Shinallata Bibliapa yachachishcacunata ashtahuan aliguta intindichunbashmi ayudan. “Tucui causaipi cushilla causapashunchi” 2020​pa Quimsa Punlla Jatun Tandanajuipica 114 videocunami tian. Chaicunamandaca 43 videocunami Cuerpo Gobenantepi sirvij huauquicuna, paicunata ayudaj huauquicunapash cushca discursocuna can. Cai videocunata rurangapaj ñucanchi huauquipanicuna imatalla rurana cashcata, mashna culqui minishtirishcataca ¿tapuripashcanguichu?

 Mundo enteropi casi 900 huauquipanicunami caita rurangapaca imata yachashcata, paipa tiempotapash utilizarca. Paicunaca ishcai huatacunata yalimi casi 100 mil horascunata trabajarca. Por ejemplo, Nehemías: Jehová Dios cushichijpimi shinlli tucunchi nishca videoca 76 minutocunatami paran. Cai videota rurangapaca 70 mil horascunami minishtirirca.

 Ashtaca huauquipanicunaca sacrificiocunata rurashpami paicunapa munai caitaca ruran. Paicuna causangapaj minishtirishcagucunata chari ushachunga ashtaca culquigumi minishtirin. Shinallata paicunaman mingashca ruraicunata tucuchi ushachunbashmi, programacunata, aparatocunata imashina utilizanata yachachichun, minishtirishca aparatocunata, maipi trabajanata charichunmi segurana capanchi. Chaita rurangapapashmi ashtaca culquigu minishtirin.

 Servicios de Audio y Video departamentopi sirvij Jared Gossman huauquica ninmi: “Comité de Enseñanzapi sirvij huauquicunaca shuj shuj costumbrecunata charij gentecuna, shuj shuj llactacunapash ñucanchi videocunapi ricurichunmi munan. Ñucanchi huauquipanicunaca mundo enteropimi causan. Chaimi ñucanchi videocuna chaita ricuchichun munapanchi” nishpa. Shinallata ninmi: “Caita pactachingapaca 11 llactacunamanda 24 equipocunami igual trabajarca. Mundo enteromanda huauquipanicuna chashna igual trabajai ushachunga ashtaca culquigu, ashtaca arreglocunami minishtirin” nishpa.

 Ashtaca videocunata rurangapaca, huaquin aparatocunatami minishtinchi. Shinallata chai videocunapallami, shuj shuj ladocunapi cashcashna ricurichunga, gentecuna rurashca cosascunata, pushtucunatapash minishtinchi. Por ejemplo, Nehemías: Jehová Dios cushichijpimi shinlli tucunchi nishca videota grabangapaca gentecuna rurashca cosascunata, pushtucunata minishtircanchi. Chaitaca Estados Unidos llactapi, Nueva York, Patterson llactamanda ladollapi, videocunata rurangapaj Mt. Ebo nishca pushtupimi rurarca. Chai rurashca cosascuna, pushtucunapash ñaupa punllacunapi cashcashna ricurichun munashpapash, huauquipanicuna carashca culquitapash aligutami utilizangapaj munaparcanchi. Chaipaca ñucanchi huauquicunaca Jerusalén ñaupa llactapi tiashca pircacunashna ricurij, fangalla piezacunata rurarca. Cada piezaca 6 metro altomi carca. Shinallata madera ladocunatami charirca. Ashtahuangarin, rumicuna cuenda ricurichun pintashca espumacunahuan quilpashcami carca. Cai pircacunashna ricurij piezacunaca videopi shuj shuj pushtucunapi cashcashna ricurichunga apanalla, cuyuchinallami carca. Shinami cai videopa ashtaca ashtaca pushtucunata ruranaca na minishtirircachu. Shina rurajpipash cai videopilla ricurij cosascunata, pushtucunata rurangapaca casi 100 mil dolarcunami minishtirirca a.

 Cai huatapa Quimsa Punlla Jatun Tandanajuita imashina rurashcataca cunanga ashagutallapashmi yachapanchi. Chaita yachashpaca ñucanchi jatun tandanajuimandaca ashtahuanmi agradicingapaj munapanchi. Cai jatun tandanajuita rurangapaj ñucanchi huauquipanicuna ashtacata esforzarishcamanda, Jehová Dios mundo enteropi jatunyachi tucunataca alipachami yachapanchi. Shinallata donate.pr418.com paginata utilizashpa, o imashinapash culquiguta na mitsashpa quiquinguna carashcamandaca tucui shunguhuanmi pagui nipanchi.