2020 huatapa julio y agosto quillacunapica tucuilla huauquipanicunaca chai Quimsa Punlla Jatun Tandanajuitallata chai punllacunapillatami ricunga. Shuj jatun tandanajuitaca primera vezmi shina charigripanchi. Chaita rurangapaca 500 yali shimicunapimi cai jatun tandanajuita grabangapaj traducina tucurca. Chai tucuita rurangapaca, shuj huata o shuj huata yalimi paranman carca. Shinapash coronavirus tucui ladocunapi ricurishcamanda cambiocuna tiajpimi, “Tucui causaipi cushilla causapashunchi” 2020​pa Quimsa Punlla Jatun Tandanajuitaca traductorcunaca casi chuscu quillacunapilla tucuita traducirca.

 Testigo de Jehovacunapa Jatun Betelpi sirvij huaquin huauquicunami cai jatun trabajopi ayudarca. Servicios de Traduccionbi sirvij huaquicunaca cai mingashcata tucuchingapaj traductorcuna ashtahuan cosascunata minishtishcatami cuenta japirca. Ashtahuanbachaca, ali microfocunata minishtishcatami cuenta japirca. Cutin Departamento Mundial de Compras nishcapi sirvij huauquicunaca mil microfonocunata randichun, chai microfonocunata casi 200 pushtucunaman cachachunmi segurarirca.

 Ama yapalla culquita gashtangapaca shuj viajetallami ashtaca microfonocunata randirca. Shinallata chai tucuilla microfocunata shujlla pushtuman cachachunmi mañarca. Chai jipami microfonocunata mundo enteropi traductorcunamanga cacharca. Shuj shuj llactacunaman cachana cashpapash, chashna ashtaca microfonocunata shuj viajetalla randishcamandaca, cada microfonotaca más o menos 170 dolarcunapami randirca. Shujgu shujgu randinapa randi chashna ashtaca microfocunata randishpaca, ashtaca culquigutami ahorrarca.

 Departamento Mundial de Compras nishcapi sirvij huauquicunaca, 2020 huatapa abril y mayo quillacunapimi caicunata randingapaj, shuj shuj llactacunaman cachangapapash tucuita segurana carca. Shinapash chai quillacunapillata coronavirus tucui ladocunapi tiashcamandami negociocunaca na ashtaca cosascunata rurai usharca. Shina cajpipash mayo quilla tucurijujpimi, Oficina de Traducción huasicunapi, sucursalcunapi, traducingapaj shuj pushtucunapipash casi tucuicuna minishtirishca cosascunata charirca.

 Departamento Mundial de Compras nishcapi superintendente Jay Swinney huauquica ninmi: “Caita pactachingapaca Betelmanda departamentocunahuan, ñucanchiman jatuj negociocunahuanga alipachami ayudarirca. Jehová Diospa espíritu ayudajpillami tucuita uchalla rurai usharcanchi, huauquipanicunata ayudangapaj contribución culquitapash aliguta utilizai ushaparcanchi” nishpa.

 Shinallata Servicios de Traduccionbi sirvij Nicholas Ahladis huauquica ninmi: “Chai tiempopi vicharishca traductorcunataca trabajangapaj chai cosascunata chasquichunmi animarcanchi. Equipo de traduccionmanda paicunapa cumbacunahuan na tandanajui ushashpapash, discursocunata, dramacunata, canciongunata traducingapaj, grabangapapashmi aliguta igual trabajai usharca nishpa.

 Mundo enteropi huauquipanicuna “Tucui causaipi cushilla causapashunchi” 2020​pa Quimsa Punlla Jatun Tandanajuita ricui ushachunga, na caitalla ruranachu carca. Ashtaca ashtaca trabajomi tiarca. Shinallata donate.pr418.com paginata utilizajpi, o imashinapash culquiguta na mitsashpa quiquinguna carajpimi, cai minishtirishca cosascunata randi ushaparcanchi.