SIEMPRE CHAPARIANSHNA CAUSASHUNCHI

Año 2022pica caipi chaipimi llaquicunaca tiarca | Bibliapica ¿imatata nin?

Cai idiomapi uyangapaj o ricungapaj

Año 2022pica, cutin cutinmi noticiacunapica guerracuna tiashcata, culquimanda problemacuna tiashcata, clima ninanda cambiashpa llaquichishcata uyaparcanchi. Solo Bibliallami imamanda chashnapacha jatun llaquicuna tiashcataca nita ushan.

Año 2022ca ¿imatata ricuchijun?

Año 2022pi imacunalla pasajushcata ricushpami, Bibliapi nishca shinaca último punllacunapi causajushcataca seguro capanchi (2 Timoteo 3:1). Chai último punllacunaca shuj tiempomi can. Y chai tiempoca año 1914pimi callariparca. Bibliapi nishca shinaca ¿imacunallata pasajushca? Ricupashun:

“Guerracuna” (Mateo 24:6).

“Año 2022pica, guerrami ashtaca gentecunata llaquinaita Europa llactapica tucuchirca”. a

Ashtahuan yachangapaj munashpaca, “Rusiaca Ucrania llactatami atacajun” temata ricupangui.

‘Ninan yarjai’ (Mateo 24:7).

“Año 2022pimi ima horapash na tiashca ninan yarjai tiarca”. b

Ashtahuan yachangapaj munashpaca, “Ucrania llactapi tiashca guerramandami yarjaica mundo enteropi ashtahuan mirashca” temata ricupangui.

‘Unguicuna’ (Lucas 21:11).

“Polio nishca unguica cutinmi ricurimushca. Viruela de mono unguipash mirajunmi. COVID-19pash gentecunataca tucuchishpa catijunrami. Chaicunata ricushpami, unguicunaca rato mirajlla cashcata y gentecunatapash rato tucuchijlla cashcata cuenta japipashcanchi”. c

Ashtahuan yachangapaj munashpaca, “6 millón gentecunami COVID unguihuan huañushca” temata ricupangui.

‘Manllanai cosascuna’ (Lucas 21:11).

“Ninan calormi tiarca, bosquecunapash ruparca o ninanda tamiashpapashmi llaquichirca. Año 2022pa verano temporadapica, climaca ninan rupa rupa tucushpa o ninanda tamiashpami mundo enteropi gentecunata llaquichirca. Chashna llaquicunapimi ashtaca gentecuna huañurca o huasi illa quidarca”. d

Ashtahuan yachangapaj munashpaca, “Mundo enteropimi climaca ninan rupa rupa tucujun” temata ricupangui.

“Problemacuna” (Lucas 21:9).

“Preciocuna subijpi y culqui ñana pactajpimi ashtaca problemacuna tiarca. Chaimi gentecunaca ninanda culirashpa, año 2022pica como nunca ashtahuan huelgacunata, movilizaciongunata rurarca”. e

Ashtahuan yachangapaj munashpaca, “Culquimanda problemacunaca mundo enteropimi ashtahuan miranajun” temata ricupangui.

Caya huatapica ¿imashi pasanga?

Año 2023pi ima pasanataca nipipash na cabal cabal nitaca ushanllu. Pero Taita Diospa Gobierno ñalla cai alpapi imata ruranataca alimi yachapanchi (Daniel 2:44). Taita Diospa Gobiernomi gentecunapa llaquicunataca tucuchinga y Taita Diospa voluntad maimanda pactarichunbash ayudanga (Mateo 6:9, 10).

Jesucristo nishcashnaca ‘siempre chaparianshna causachunmi’ animapanchi. Porque Bibliapi profeciacunaca pactarijunmi (Marcos 13:37). Bibliapi profeciacunaca cunanllatami quiquinda y quiquinba familiatapash ayudaita ushan y shamuj punllacunapi shuj ali causai tianata shuyachunbashmi ayudaita ushan. Chaita ashtahuan yachangapaj munashpaca ñucanchihuan contactarichunmi animapanchi.

a Jill Lawless: “2022 Was Year the Horror of War Returned to Europe,” AP News, 8 de diciembre de 2022.

b “Una crisis alimentaria mundial”, Programa Mundial de Alimentos.

c Lawrence O. Gostin, JD: “Living in an Age of Pandemics—From COVID-19 to Monkeypox, Polio, and Disease X”, JAMA Health Forum, 22 de septiembre de 2022.

d Martina Igini: “What’s Behind the Record-Breaking Extreme Weather Events of Summer 2022?”, Earth.Org. 24 de octubre de 2022.

e Thomas Carothers y Benjamin Feldman: “Economic Anger Dominated Global Protests in 2022”, Carnegie Endowment for International Peace, 8 de diciembre de 2022.