Cai huata 2023​pica tucuicunallatami ñucanchita y ñucanchi familiata ali cosascuna pasachun munapanchi. ¿Imamandata ali cosascuna pasangami yashpa pensarina capanchi?

 Bibliapica cunanbi tiashca tucui problemacuna y llaquicuna tucuringa nishpami yachachin. Bibliaca punda tiempopi escribishca cashpapash “ñucanchita yachachingapami can. Shinami shamuj punllacunapi Taita Dios imata caranataca shuyai ushashun” (Romanos 15:4).

•   Bibliapica ali causaigu tianatami yachachin. Caimanda ashtahuan yachangapaj munashpaca “Shamuj punllacunapica ali causaigutami charishun” nishca temata ricupangui.

 Bibliapica shamuj punllacunapi ali causaigu tianatami yachachin. “Imashinami shuj ancla gancho jirruca barcota shinllita charijun, shinallatami ñucanchi shuyanajushca esperanzapash ñucanchi causaitaca shinllita charijun” (Hebreos 6:19). Jipa punllacunapi ali causaigu tiana esperanzata charinaca, cunanbi charishca problemacunata o llaquicunata aguantachunmi ayudan. Shinallata cai llaqui tiempocunapi tranquilo ali causachunbashmi ayudan. Esperanzata charina imashina shujcunata ayudashcataca cai temacunapi ricupangui:

•   Esperanzata charina imashina shuj personata viciocunata saquichun ayudashcata ricupangui. Chaipaca “Ñucapa causaita millanayachircanimi” nishca videota ricupangui.

•   Esperanzata charinaca familiamanda pipash huañujpi ama yapata llaquirichunmi ayudan. Chaipaca “Familiamanda, amigocunamanda pipash huañujpica llaquillapachami can” nishca videota ricupangui.

 Ashtaca gentecunami imahorapash ali cosascunami pasahuanga yashpa pensan. Shinapash ciertopacha shina pasanataca dudashpami causan. Shinapash Bibliapa nishca juyailla promesacunaca pactaringami. ¿Imamandata shina nipanchi? Bibliapica Jehová Diosca a “na llullanllu” nishpami yachachin (Tito 1:2). Chaimandami Jehová Diospa nishca tucui promesacunaca pactaringami. Shinallata solo Jehová Diosllami chai promesacunataca pactachita ushan. Porque paillami ‘pai imata rurangapaj munashcata ruraita’ ushan (Salmo 135:5, 6).

 Bibliapica ali causaigu tianga nishpami juyailla esperanzata prometin. Chaimandami cai esperanzamanda quiquinbash beneficiarichun animapanchi. Shinallata chai esperanzapi tucui shunguhuan cripachunmi ‘Taita Dios escribichishca shimicunata estudiachun’ animapanchi (Hechos 17:11). Cai temamanda ashtahuan yachajungapaj munashpaca Bibliamanda shuj testigo de Jehovata yachachihuan nishpa mañapangui. Gratismi yachachipanga. Shinaca shamuj punllacunapi ali causaigu tianata yachashpa, 2023 huatataca cushilla ali callaripangui.