Mundo enteropi climaca yapa rupa rupami cashca. Chaimandami gentecunaca shuj shuj jatun llaquicunata aguantana tucushca. Caimanda parlaj cai cati noticiacunata liipai:

•   “174 huatacunata huashaman ricushpa comparajpica cai junio quillami ashtahuan rupa rupa cashca” (Administración Nacional Oceánica y Atmosférica, Departamento de Comercio de los Estados Unidos, 13 de julio de 2023).

•   “Italia, España, Francia, Alemania y Polonia llactacunapica climaca yapa rupa rupami can. Sicilia y Cerdeña islacunapicarin talvez 48 grados centígrados rupami canga. Chashna rupa rupa climaca Europa llactapica cunangamanga nunca na tiashcachu” (Agencia Espacial Europea, 13 de julio de 2023).

•   “Mundo enteropi clima ashtahuan rupa rupa tucujpica talvez ashtahuan shinllitami tamianga. Shina pasajpica ashtahuan jatun inundaciongunapashmi tianga” (Stefan Uhlenbrook, director de hidrología, agua y criosfera de la Organización Meteorológica Mundial, 17 de julio de 2023).

 Clima ninanda cambiashpa gentecunata llaquichishcata chashna noticiacunapi uyashpaca ¿preocupadochu sintiripangui? Cai importante temamanda Biblia ima nijta ricupai.

 Ari. Clima yapa rupa rupa tucushcata, ninanda tamiashcata o clima cambiashcamanda shuj jatun llaquicuna tiashcata ricushpaca cunan tiempopa Biblia parlashca profeciacuna pactarijushcatami nita ushapanchi. Por ejemplo, Jesusca shuj profeciamanda parlashpami ‘gentecunaca manllanai cosascunatami ricunga’ nirca (Lucas 21:11). Ashtaca gentecunaca, “clima yapa rupa rupa tucushcamandaca cai alpapica causaica tucuringami” yashpami ninanda preocuparishca can.

 Na. Diosca gentecuna cai alpapi para siempre causachunmi rurarca. Gentecuna cai alpata tucuchichunga na saquingachu (Salmo 115:16; Eclesiastés 1:4). Ashtahuangarin Diosca, ‘cai alpata huaglichinajujcunata tucuchingapaj señalashca tiempo’ ñalla chayamuna cashcatami nishpa saquirca (Apocalipsis 11:18).

 Clima cambiashcamanda cai alpa tucurichunga Diosca na saquingachu. Bibliapimi chaitaca ricuchin.

•   “[Diosmi] ninanda huairajujtaca saquichishpa, caiman chaiman cuyurijuj yacutapash, casilla cachun ruran” (Salmo 107:29). Diosca huairata, yacuta, ninata, tucuita controlangapami poderta charin. Cunan punllacunapica clima cambiashcamandami gentecunaca ashtaca llaquicunahuan sufrinajun. Shinapash Diosca chai llaquicunatami tucuchinga.

•   “Cai pachata ricuj shamushpami tamiachipangui. Shina rurashpami, ninandapacha fucuchingui” (Salmo 65:9). Jehová Dios cai alpata bendiciajpimi shuj juyailla paraíso tucunga.

 Bibliapica clima cambiashcamanda cunan tiempopi tiashca llaquicunaca tucuringami nin. Chai promesamanda ashtahuan yachajungapaca “¿Pita cai planeta alpataca salvanga?” nishca temata ricupangui.